1 Mao: nhaung: qe we" Mo"so wa Make- doni mang: mae" phung: qere kaid' byid' ra" jeju jham: akhyo re ngonhaung" khyo"2 yang: naonhaung" re kyo" ke' ra". – Ai: phung: wa pyam" yhin" ko" yang: qug: khai: phau: veko" qere: gyai yao: ngaui bau: khyo we' yao: bam gyai qug; khai" ra" mae jo, nho" magain: mago" boe" mung: dai: lo:3 ako". – Khoru: mung: ga" re yao: nhaung" wa yao: nhaung" yao: qo" gai: boe" ra" tho' mae" lai yang: byid: gae nug; ko" akhyo re4 ngo sag se: kham: ra". – Shaogyang" mo, re da" zho" ra" ein nae" jeju re qo" khae: yu veshao: ga: yao: bam yao: qo" myid ko" we' dakhyo: ngo nhaung" re maqaid5 maqui" mho' bain" ako". – Yao: bam wa nyhao:nhaung" lhaung" myid; ra" khyo" za: lao" mangaid: saoqhid' Mo"so re shi" qhaug' byid: mung: Mo"so: nhag' myid khyo" yang ngonhaung" re byid: va". –6 Airu: mung: nyhao: nhaung" wa ce: gyid so re nao-nhaung" adao mae lam: lang" sho' boe" dang: lo nae" khyo Titu' re qam: ceim" vhin: ru ngaid; ra". Pe" mung: ga" re ceru" mau" zo" re yao: wa genhae" mae" zaui"7 qu" va" yaug ngaid:. – Ai we' dakhyo: naonhaung" wa lam khug: ru , tarha" hau" kyo" ru , nyain: juyi bo: ru aja: ja: ba: jhao: se" ru , ngonhaung" re jhid' ru , cao jab zaui: so" na: ga: mung: ai: jeju khyo" yang re: jab byang" ru boe" lo nhao: ra".8 Airu: ein: mho qere: khang" dao: tarha" khyo" mho: ru mangaid: naonhaung" jo main: ra" jhid' de; myid: akhyo re lag yu: qu" nug yang: tau" qhu" ru angaid:. –9 Khoru: mung: ga" re naonhaung" kam" wa nyhao:nhaung" Asang Yesu Khristu; gyid so re ba veko". Yao: wa dai yaug ngaid qere: naonhaung" tau: myaung yaug boe" li" va". Aimung: naonhaung" wa Byu ai: yaug khyo" mung: jo, nho" dai kham qo" mo, boe"10 genae". – Cera" mau" mae ngo wa nga" shaid' khyo" myid yang: kaid' va". Khoru: ga" re anhag' mae" kaid' qhid va" tho' kaid' nug: myid saoqhid' qhu" mo, naonhaung" ngaid ko" mung: ai we' naonhaung" tau:11 gai lho" ra". – Airu: mung: lai: lo va" yo, kao bau: ru: ana" re: naonhaung" qam: ke' thaug' qhao: mung: cemau" re zaui" kyab'12 ge,. – Khoru: mung: ga" re zaui: nug; myid bo: ru wa maqo" zaui" rure mamyao lo: qo" zaui: va" mau" mae qu" yang: kao bau: lo:13 ra". – Airu: mung: supe" wa yo yo za: qo" zo: qo" shaug' na yang: naonhaung" wa qug: khai: phau: geshao: maein lo: qo" ra" ja: re myain zo: danhaid' lho" ve, dagaung14 jho" gae: ci geshao: ein: ru ngaid:. – Myo: myo: qo" yaug maje: nang: nang: qo" yaug getau maca" ga: jham: tung" dao: kheim: we' dakhyo: gae byid' tarha" re qu" yang:. –15 Ana" naonhaung" jo, nho" wa yao: bam: qugkhai: re bao" thaug' yu ko" mung: thao phyao: yao: bam: jo, nho" wa naonhaung" qug: khai: myaung sho" ra" au: bao" thaug' yu gezai ngaid; ein: ngo qo" myid; ra".16 Ngo naonhaung" tau: mae" kao bau: ra" nhag' lam: re Titu rere: ke' byid: yang:17 Mo"so re jeju so" ra". – Yao: wa nga" mho dao: re gyo: yang: za: re: mangaid: yao: yao" myid khyo" nug nug za: naonhaung" jhao"18 ye" lo" ru ngaid; ra". – Ngaui bau: lau dao: we' tin: yang: phung: khao: ngo" mae" mo, caung: khin" ru qhug' ra" mao: nhaung: pho" dayaug rere: Titu we' daga" za:19 ngonhaung" bo: nhao: ke' ra". – Ai: mao: nhaung: pho" wa naonhaung" aung lam jhaung qhu" jham re ngonhaung" cao" gae: qin" ra" au: ngo nhaung" we' daga" za: bo: cao: qin" nae" khyo: phung: khyo" khyin: to: qhug' yaug ngaid: ra". Naonhaung" jhaung qhu" cegu: re AsAng yao" phung bao bao nae" mae ngonhaung" kao bau: khyo: jhaung qhu" cao" byid' qin" ra". –20 Ngonhaung" wa gyai myo" ra" jhaung qhu" jham re zhang: gae: qin" au: ngonhaung" re qobo mavhin genae" khyo lha" zo" re" cao"21 gae: qin" ru ngaid: . – Mo"so: qhid' kheim: mae za: mangaid: byu qe: qhid' kheim: mae re: dang main: gai lho" nhag' myid22 za: ke' ci: qin" mo, ngaid: . – Aimung: ja: nam jab mae nhag' lam: zang: zaug: ra" mao: nhaung: dayaug rere: ai tao we' daga" bo: nhao: ke' ra". Ai: yaug re ngonhaung" alhang lhang ca: qu" re lam ga" yaug ngaid: ru the' myao: . Aimung: ana" nao nhaung" re lam yang: yao: wa je: qam: ke' li" nae". –23 Titu wa pe" ru" yaug ngaid; i"? ga: dayaug daqo: myid: ko" re nga" byin zam" cao: ngaid: ra". Naonhaung" mau" re ngo we' daga" za: zaui: so" yaug re: ngaid: ra" getau: mao: nhaung: tao wa pe" ru" ru ngaid: ra" ga: myid: ko" re phung: qe: logyo: tao ngaid: ako". Khristu; phung bao nga: re:24 ngaid: ra". – Airu: mung: naonhaung" jhid' kao: akhyo we' ngonhaung" wa nao nhaung" mathao: yang langa: yu: ra" akhyo re phung: khao: ngo" ba: lo" nae" khyo: ai bam: qhid' kheim: mae ciqhu" na ge, .