1 Ngo adu: adae" shaid' ra" rure nao nhaung" dajhid' kholao" zang: qhao" byid: genae" rure ngo o ngaui: ra". Nao nhaung" nga" akhyo lhau" zang: qhao" byid: gela, . –2 Khoru: ga" re ngo wa naonhaung" re ve, vin: ra" tang: shain" zomyi: zo: re" ru: Khristu re qhaug' nae" tau: naonhaung" re AsAng dayaug we' vhin" byid: va" ru mung: Mo"so o ngaui: khyo: gaung yug yang: naonhaung" re caung gam: na:3 ra". – Qag: ra" lhao maui: yang Eva re ju" phyo' ruru: nao nhaung" nhag' myid qeim" zae" lo" mung: Khristu re jhid' ra" nhag' myid byaug lo" genae" rure myid; ci"4 ra". – Naonhaung" jhao" joe" li" yaug wa ngonhaung" mahau" kyo: shi" Yesu getau dayaug; akhyo li" hau" kyo: mung: naon- haung" makhae: yu shi" Solo re khae: yu ko" ngaid qere: magyo" qu" shi" ngaui bau: lau dao: tae" gyo: ko" ngaid: re ai: yaug re5 zang: qhao" byid' ako". – Ngo wa tho' kai" mae" logyo: qe tho' mae mavai" zo: je: ngai6 yaug ein: ngo mamyid;. – Dao: jhau: ru mae byu vhang: qeru: ngaid qere: ba jhao juyi mae kam" byu vhang: mangaid: Naon- haung" re khyo khe' gau: khao: ngo" mae ce: akhyo re de: de: za: ba se" nhao va".7 Ngo wa ngo yao" gaung re nyham: khyo" mung: naonhaung" jeju dam: xe' nae" re makhae: yu lo: naonhaung" re Mo"so: ngaui bau: lau dao: re hau" kyo:8 yang: ngo qobo qo" i"?. – Naonhaung" re bao" thaug' nae" getau: phung: mae" zao: kho mho' yu: ru wa ai bam mae" ngo lhaid'9 yu: ru ngaid: i"?. – Ngo naonhaung" we' daga" na shi" au: danam nam ca" qo: lo: re dayaug rere: qola: maboe" nhao. Makedoni mang: mae" li" ko" ra" mao:nhaung: qe wa ngo qo: ra" ja: re bin lao yo, zaui" pyang" byid: veko". Airu: mung: daja: mae re: ngo wa naonhaung" re qola: maboe" nhao lo: na: lai: lo va". Thao phyao: re: airu: na10 shinae". – Khristu; dao: so: ngo mae bo: jo, mung: ngo langa: yu: ra" akhyo re Akhaya mang: mae khoyaug lao" maqo" tam" kyo"11 ko". – Pe" mung: ga" re naonhaung" re ngo12 majhid' de; lo: i? Mo"so ba: ra". – Ngo ana" zaui" na: ra" mau" zo" re xo' yang: zaui: shi nae". Ngonhaung" we' daqi" dago" ngaid: ga: langa: yu: na ko" mo; nhag' myid re13 ngo phyo' pye' byid: nae". – Khoru: ga" re ceru" mo, wa logyo: lho yhe' mo, ngaid; ra". Mhug' vhain" mau" zaui: mung: Khris- tu; logyo: qe ngaid: ga: pyag' sham" mo,14 ngaid: ako". – Ceru re mug' nae" made, khoru: mung: ga" re ju" phyo' yaug satain: lao" re: bo" bao: logyo: dayaug ru: aqid ve;15 ci: ra". – Airu: mung: yao" mau" zaui: so" ra" mo, wa dang main" ra" mau" re zaui: so: mo, re"ru: yao: bam: gaung mae aqid ve, ko" ru wa lo" thao" ba re qobo dae qhug' khae: yu genae".16 Ngo dam: mho nug shi" ru wa ngo re khag' re: ago ein: data" ge, naonhaung" ngo re ago ga: ajho gelao" wa dajhid' kholao" qo" ngaid beim: nae" tau: ago ru: ngo re17 lham: khae: yu gela, . – Ceru: mho: ru wa yao: yao" gaung re langa: yu: ra" yaug re" ru: ngo ta" ru mangaid: Mo"so ta" ra" khyo" re: mangaid: ago dayaug vae" jhau:18 re" ru: jhau: ru ngaid: . – Byu myo: sho' wa gaung sho: we' langa: yu gemung: ngo19 re: ai: khyo: langa: yu: ra". – Naonhaung" wa shab: ra" mo, mung: ago qere kao bau20 taung" zang: qhao" byid: veko". – Su nao- nhaung" re jeim toe' ru , aung: zo" ru , jo, nho" lhaid' yu: ru , gye kaid' ko" ru , bopyo' pyo' gengaid qere: naonhaung" zang: qhao"21 veko". – Ngonhaung" re mavae" mo, ga: jung" gemung: ngo mho: ra". Airu" ru re su vae" kaid' ra" khyo: ngo re: vae" ra" ein:ago dayaug ru: ngo mho: ra".22 Yao: bam wa Hebre amyu" ngaid ko" i"?ngo re: ngaid: .Yao: bam wa Israel qe ngaid: ko" i"?.Ngo re: ngaid: . Yao bam wa Abraham amyu" ngaid ko" i"? ngo23 re: ngaid: . – Yao: bam wa Khristu; mau" zaui: mo, ngaid ko" i"? yao: bam tho' ngo je: ngaid: ein: ago ru: ngo mho: ra". Ngo wa mau" je: zaui: yaug , se' da: be, khyaid' qhug' yaug , kyam: lhaung" ru qhug' yaug , shid' nae" qhi" ru alhang lhang phau"24 lo yaug ngaid: . – Yuda amyu" qe: lo, mae ngo wa byid xe loe" nae" dadae za: ca" yang: be; nhau" phau" ru ngo" lhang25 ngaid va". – Taui: jang vai" yang be; ru sam lhang laug baui: yang pye' ru dalhang qid lha byo; qeim: ru mae boleim" ru sam lhang. Qid dae mo" mae damyi daba myung" gyae" lhang: qin" rure: phau" qu"26 va". – Jo, qo khyi" khao: ngo" su" lhang: qin" qu" va". Qid dae mo" gau" au: mae" qug: khai: , lhaid' zo: lhaid' shaug' ra" qug: khai: . mao:nhaung: qe pyi qho ko" qug; khai: . labug' byu qe pyi qho: ra" qug: khai: . vomo" vogaung: mae joe" lo" ra" au: mae" qug: khai: seyo segae: joe" lo" ra" au: re" qug: khai: . qid dae mo" mae" qug: khai: , mao: nhaung: ngaid nhohab kaid' mo, pyi qho: ra" qug: khai: ceru"27 qug: khai: re ngo phau" lo va". – Qug: khai" ru we' mau" zaui" myaung: va" tho' mae mayab macam: gyaug ca" ru , vae: moe; qid shab' phau" ru , alhang lhang zo: shaug' zang" ru , gyo, myi: phau" ru , mai bau: xug' khye' maqo" ru ceru" qug: khai: myo: sho' jham ngo phau" lo28 va". – Airu" qug: khai: ngo mae myi" ne, nhai" zag lo: tho' mae phung: alhab' re qu" caung nae" re: ngo mae qo: vin bo:29 shi" ra". – Ngo qam: manang: re khoyaug lam: qam: nang: nae". Shaid' ru leim zo: yaug nhag' lam: malaung: re khoyaug lam:30 laung nae". – Ngo wa langa: yu qo: ra" ga" ngaid; re: nga" qam: nang" akhyo re ngo31 langa: yu nae". – Ngo mamhug' mavhain" rure apyaid ato nga: lho" ra" nyhao" AsAng Yesu Khristu: pho" Mo"so wa ba: na: ra". –32 Damasku' vogaung: mae mang: zug: Areta khaung: mao: wa ngo re myhag' yu nug yang: Damasku" vobyu qere vo gaung: geim" lhang" kham" to: nhao: ra". –33 Naungcao qe wa ngo re cam" mae ke' mung: vokham" dao mae" Bao: zo" kham: dung: khyo" yhoe" khyo" ke' qhug' yang: ai: yaug; lo, mae" qo" loe; lo: qu" va".