1 Mau" zam" zaui: cao: ngaid ko" ra" naonhaung" wa Mo"so: jeju re akeim amyid khyo" dage; yu ge, ein: ngo nhaung" wa2 naonhaung" re ta" peim" ke' ra". – Myo, myhung" dao: kheim: ein nae" atae kam" o ngaui: ra" ayo, mae nao ta" dao: re ngo tae" gyo" yu va" ga: mho: to" we' dakhyo: ana" yao: o ngaui: ra" ayo, ngaid: ra".Ana" yao:3 khyaid' yu nae" ba na ngaid: ra". – Zaui: mau" zo" mae qobo vhin nae" made, lo: pe" ja: mae re: ngonhaung" wa tha" lang:4 nae" ru akaung: akag' pe" makaid'. – Yhin" qhug' ru , qug: khai" ru , magai: loe, lo"5 mau" qug: we' thaung" qhug' ru. – Be, ko" ru , kyam: lhaung" qhug' ru , Su be; yhin" ru , mau" zaui: so" ru , lha" nae" ru , moe, shab' ru jham re gyai zang: qhao" mung: . –6 Nhag' lam: shaogyang" ru , ju yi ba: ru , nhag' lam: qhang: ru , jeju kaid' ru , shao- gyang" Solo re khae: yu: ru , gaigai: jhid'7 ru. – Dang main: tarha" hau" kyo" ru, Mo"so: phung bao re qhu" ru , dang main" ein: ra" sin: jham re lo, yo lo, vai: ve; ci:8 ra" khyo" yang re: . – Langa: qhu" ru we' khyoe' ru caung" ru we' jung" rure phau: mung: mhug' sham" yaug ru" ru mangaid9 qere: boe" ra" yaug. – Su: yang maba mo, ru: na mo, ngaid qere: je: ba mo, ru: , shid qhug' yaug ru: ngaid qere: kao daui: ra" yaug be; yhin" qhug' yaug ru ngaid qere: se' pye' ru: maqhug' yaug10 Nhag' ngai yaug ru: ngaid qere: khyao za: ngaui bau" na yaug myaung sho" yaug ru: ngaid qere: byu myo: sho' mo, re qo" dai nhao yaug pe" maqo" majo, nhohab ngaid qere: ja: cao jab re sang yaug ngaid: ra" mathao yang re: Mo"so jaung: nha: to" ra" phung: mho" pho" dang dang ngaid; ra" khyo aja: ja: mae bao bao za:qhu"va".11 Korinthu bao: we" ngonhaung" wa nhaid' ho" ci yang: naonhaung" re dao: jhau: ke' ra" lhe".Ngonhaung" nhag' myid rere: naonhaung" tau: loe, sho' phung"12 to: byid' ra". – Ngonhaung" wa naon- haung" re jhid' kao: ru mazang" am: ci nao nhaung" kam" wa ngonhaung" re jhid' kao: ru naonhaung" aung khug mae zang"13 am: ci: ako". – Jeju qo" tug' veshao: naon- haung" aung khug rere: je: lae: ke' ge, yao: yao" yao: zo: qere" ru: ngo ceru: mho: ra".14 Malam khug; ra" mo, we' daga" za: dao kang re daqhain" vo, ge, . Pe" mung: ga" re tarha" maci: ra" mo, we' dang main" ra" mo, jho" dau: ru pe" jo; i"? bo" bao we' caid'15 wa pe" byin zam" jao: jo; ra"?. – Khristu we' min: yui Beliala wa jho" zhaung" ru pe" nam jo, nae". Lam jang" mo, we' malam khug mo, qobo aphug' daqi" the' yu zai16 i"?. – Mo"so: yham wa sulho jham we' khoru: qo" gai: jho" ngug' genae" i"?. Pe" mung: ga" re nyhao:nhaung" wa kao daui: ra" Mo"so: yham ngaid: ra". Mo"so ngo wa nga" byu qe: nhag' mae vao: ab' nae". Yao: bam we' daga" na: jo, nae". Ngo wa yao: bam: Mo"so boe" mung: yao: bam wa nga" byumyu" qe ngaid: li" genae" ga: ta"17 ru we' dakhyo: ngaid: ra". – Airu: mung: Mo"so mho: to: shi" ru wa nao-nhaung" wa airu" mo; phaung mae" thug' mung: gethaung: sain na ge, mashao: ja: re lo; yang lao" daye: tin: ge, . Airu: lao" za: naon- haung" re ngo khae: yu nae".18 Naonhaung" ra" pho" boe" nae". Naon- haung" wa nga" yauggai myiqe: zo: qe boe" genae" ga: qam: mo" bo: ra" Mo"so mho: to" ra".