2Korinthu-10

(SHAO GYANG" JHAM: PAUG' )

切换到福音影视网-新版圣经

  • 1 Naonhaung" myo; myao mae nyham: khyo'' ru mamyao shi: ko" ru mae nao- nhaung" re lag qu" mung: vae" ra" myid bo: ra" ngo Po"lu wa Khristu: nau" nhae" myid khyo" yang naonhaung" re mho'
  • 2 bain" ke' ra". – Ngonhaung" re gaung sho: o: khyo: cao" mung: zaui: mo, ngaid; ga: jho mo, re mho: ra". Ngo myid: yaung: ru vae" ra" akhyo wa nao nhaung" jhao" joe" li" au: ai qhi" vae" zai mangaid: lo:
  • 3 ein: mho' bain" ra". – Ngonhaung" wa gaung khyao we' su" lhang: qin" ngaid qere: gaung khyao we' tin" ra" khyo: gye
  • 4 khe' qin" mo, mangaid: . – Ngonhaung" ci: gye khyung gye zai jham wa gaung sho: we' matin: Mo"so: qam: so' khyo" yang vokham" vomo" jham re qo" phyo' sin" pye'
  • 5 ra" gye khyung jham angaid: . – Ai: Gye khyung sin: jham khyo" yang byu qe: tau" da jham rere:,Mo"so re qo" ba nae" juyi re phyo' qheim" ra" satain: jham rere: aung: pye' mung: alhab' mo; nhag' myid re lao" zhang: ci mung: Khristu; dao: kheim: re
  • 6 gyo" cao" na: ra". – Naonhaung" wa gyo" cao" na veko". Matae" gyo: lo: na: ra" mo, alhab' re qobo dae byid: nae" jin" jin" ngo-
  • 7 nhaung" na: bam va". – Myo, nho nga: lao: re za: qu" ko" i"?. Dayaug yaug kam" ngo wa Khristu; byu ngaid: ga: yao" gaung yao:
  • 8 beim" ra". – Ai: yaug Khristu; byu ngaid: ru: ngonhaung" re: Khristu; byu ngaid: rure ba: to: ge, naonhaung" re phyo' nae" tau: mae" mangaid: , zhaug' tang nae" tau: Mo"so wa ngonhaung" mae qhaug' byid' ra" phung qab bao rere: ngo nga: yu yang:
  • 9 qho' gyaug nae" khyo majo, . – Ngo tung" vhin: ke' ra" tung" khye' khyo" yang naon- haung" re kyaug' nhin" na: ru mangaid: . –
  • 10 Khoru: mung: ga" re ai: yaug; tung" khye' wa yhau: gyin" ra" tung" khye' , kheim: so' bo: ra" tung" khye' ngaid; ra". Yao: re yao: myao lao" kam" wa bun mabo yaug dao: seim za: ba: jhau yaug ga: ba: ta" ako". –
  • 11 Ngo-nhaung" wa va" na mung: tung" khye' mae" dao: kheim: jham we' dakhyo: za: gaung yae mae na: na qere: ngonhaung" wa lo, lam: pyam" zaui: so: mo, ngaid: rure
  • 12 ba se" to: ge, . – Yao: yao" gaung re khin" ra" mo, we' ngonhaung" gaung khyao re ta" lao" manug: ta" zham" , dau re: manug: ta" tau" yao: bam wa yao: bam: gaung khyao we' dau tau" ako". Aibam wa aung nhag'
  • 13 magyang: mo, ngaid; ra". – Ai: tho' mago" ngonhaung" wa sheve, ze langa: mayu naonhaung" jhao" joe" li" nae" ru Mo"so tu" ka" byid' ra" khyo: za: ngonhaung"
  • 14 langa: yu: ru angaid: . – Ngonhaung" wa naonhaung" jhao" mamyhi majin" joe" li" ru mangaid: khoru: mung: ga" re Khristu; ngaui bau: lau dao: mathao mae joe" li"
  • 15 ru ngaid: . – Ngonhaung" wa ngonhaung" agin akhyo mae" lhoe" yang: su geje zaui: ko" mau" zo" mae vao yang: ngaid beim:
  • 16 nga: yu: ra" khyo" makaid'. – Aire" ru: su: latu" laka" akhug mae bovao: zaui: mung: ngaid beim" ru makaid' lo: naonhaung" mug: mae" lo yang: getau: mug: khyo re: ngaui bau" lau dao: hau: nae" akhang" qo" nae" tau: naonhaung" lam khug myid qao" gethao za: nyhao:nhaung" latu" laka" je:
  • 17 lae: lo nae" ein: myid: nghae" ra". – Aru: mung: ngaid beim" ra" yaug wa Mo"so:
  • 18 akhug mae ngaid so" na shao: . – Khoru: mung: ga" re yao" gaung re yao: khin" ra" yaug wa jao dang yu qhug' yaug mangaid: Mo"so: yang khin" ra" yaug za: jao dang yu qhug' ra" yaug ngaid: ra".
回到本卷目录 回到本版本目录 回到首页