1 Byo, zaung ngaid: ra" nyhao: nhaung" myid gaung: yham wa byo; sin" lo" qere: mug: gaung: dao mae byu: lo; yang makaid' lo: Mo"so phain" to" mabyo, lo" apyaid ato: yham jo; rure nyhao: nhaung" ba va". –2 Nyhao: nhaung" ce: myid gaung: yham mae lhau" ceim" na: bam: ra" au: myid: nghae" kao laung: bau: na: bam: ra". Mug: gaung: yham khug mae qhug' laung" nae" re gyai3 o ngaui: na: bam: ra". – Vao: laung" ba re gaung lam: shopyaid' na jao: maqo" nae"4 ru mangaid: . – Ce: byo, zaung mae na: ra" nyhao: nhaung" wa la" ra" qo re vin mung: na jao: mae" thug' nug yang: kao laung: bau: ru mangaid: shid ba: ra" ja: re kao daui: ra" ru mae seim" byaug nae" tau: gang" tang: ra" yham khyo vao ye: nug yang: kao laung:5 bau: ru ngaid: . – Ai: jeju re qo" shao: ga: bao" yu yaug wa Mo"so ngaid: .Yao: wa ai: Solo re nyhao" aqao: vai" to: byid: va". –6 Airu: mung: nyhao: nhaung" khyao za: nhag' lam: qi" na zo" ce: byo, yham: gaung khyao mae na: na shi" au: ai: AsAng we' va" lin: na shi" ein: ru nyhao: nhaung" ba: na:7 bam: ra". – Nyhao:nhaung" wa myo, jid yaug myao: ra" khyo" mangaid: lo za: lam"8 myid khyo" daui: na mo, ngaid: . – Gaigai: nyhao:nhaung" nhag' lam: qi" na: bam: ru mung: ai: gaung khyao mae makhug ngha loza: ai: AsAng mae khug ngha nae" tau: qho9 ca" ra". – Airu: mung: naonhaung" gaung khyao: akhug mae yo yo za: laung" na ngaid qere: gao" lin: na ngaid qere: Mo"so o ngaui: ru boe" nae" tau: kao bau: ra" myid10 we' qam: phin" na ge, . – Khoru: mung: ga" re nyhao:nhaung" alhab' mo; geim" wa gai: ru magai: ru ,gaung sho: khyo" kaid' lai: lo va" ja: bin sho' qobo: aphug' qhug' khae: yu nae" tau: nyhao:nhaung" wa Khristu; dao: phyid' tao" myhao qhid' kheim: mae ceim" zang" qham ca" nae".11 Airu: mung: nyhao: nhaung" wa pe" nam re gyaug ca" ga" rure ba yang: ngo- nhaung" wa Sosu byu qere cao" aug' lhab' qin" ra". Ngonhaung" pe" ru" mo, ngaid: akhyo re Mo"so: qhid' kheim: mae de: de: za: qhu" to" ra" naonhaung" aung lag; myid qhid' mae" de: de: za: qhu" to: byid:12 naeva" ein: ngo myid; lam: ra". – Ngon- haung" wa ngonhaung" yao" gaung re naonhaung" qhid' mae caung: khin" yu mo, mangaid: airu" nhag' myid mae bo: ra" khyo: mangaid: lo: boe" doe, bam: rure qu" yang: ngaid beim" ra" mo; dao: re qo" kho' genae" tau: ngonhaung" mathao: yang naonhaung" zang: qhao" qhu" vegeshao:13 ga" ein: qhu" byid' ru angaid: . – Ngon- haung" wa na qere: Mo"so: tau: mae" ein: ana:. Aung gyang" ra" mo, wa naonhaung"14 tau: mae" ngaid veshao: . – Ai va" tho' mae byu dayaug yaug alhab' mo; tau: mae" shid kham: ru ngaid; re alhab' mo; shid kham: ava" ga: myid: zag: ci va" ru mung: Khristu; jhid' myid khyo" wa nyhao: nhaung" re jhui"15 au: she: na: ra". – Kao daui: na: ra" mo, re: yao: yao" nhag' lam: khyo" za: madaui: na lo: nyhao:nhaung" tau: mae" shid kham yang: dam: daui: to" lo: ra" yaug; tau: daui: na veshao: ga: yao: shid kham byid: va". –16 Airu: mung: ana" mae" nyhao: nhaung" khag' ngaid qere: gaung sho: shaid' khyo" khag' rere: maba Khristu re lao" gaung sho:17 khyo" wa maqo" ba ngaid: ra". – Byu ga" ru wa Khristu khug mae ngaid lao" asag' nyhang" yu: ra" daui: nam ngaid: ra". Axug' ga" ja: wa tha" lai" lo" mung: ja: cao jab18 alhab' wa asag' boe" li" ra". – Airu: boe" ru wa Mo"so: phungbao khyo" yang boe" ru ngaid: .Mo"so wa Yesu Khristu mathao: yang nyhao: nhaung" gye re yo nhao mung: AsAng we' zam" khug nhao: ra" ai: zam" khug: lo: tarha" akhyo re hau" kyo: nae" akhang" ngonhaung" re qhaug' byid' to:19 va". – Ai: tarha" kam" Mo"so wa Khristu akhug mae bo: na mung: myid gaung byu qe: qobo re maxam" to: lo: gye yo nhao: pye' mung: AsAng we' zam" khug; lo nhao: ra". Ai: zam" khug nae" tarha" rere: nyhao: nhaung" mae qhaug' byid: va".20 Ai mung: ngonhaung" wa Khristu; mau" zaui: logyo: qe ngaid: . Naonhaung" gye re yaug yo byid: mung: Mo"so we' zam" khug: na ge, ga: Mo"so wa ngo nhaung" khyo" yang nhug' peim" na: ru: ngonhaung" wa Khristu; gaung tha" boe" yang: naonhaung"21 re mho: kyo" na mo, ngaid: ra". – Khoru: mung: i"?ga" re Mo"so wa qobo maqo" ra" yaug re ngonhaung" mathao: yang qobo qo" yaug poe" yu: ra". Pe" mung: ga" re nyhao:nhaung" wa ai: yaug: mathao: yang Mo"so: qhid' kheim: mae dang main" ra" yaug boe" nae" tau: mae" ngaid: .