1 Ngo wa naonhaung" jhao" myid qug; myid khai: ra" khyo" wa mali" lo: nae" ein:2 myid: zag: ci va". – Khoru: mung: ga" re ngo naonhaung" re nhag' zai" ngai nhao: re ngo nhag' zai" ngai nhao: ra" mo, mae" lai yang: khoyaug lam: ngo re bongaui3 bau: nhao nae" i"?. – Ngo ngaui bau" ra" akhyo wa nao nhaung" na mo, alhab' bam: ngaui bau" ra" akhyo: yang ngaid; rure ngo nhag' dag: ra". Aimung: ngo joe" li" au: ngo re ngaui bau: nhao nae" mo, wa nhag' ngai: ra" mo, mabo nae" tau: saoqhid' re"4 tung" khye' mae ngo tung" to: va". – Gyai nhag' kaug' nhag' ngai myid qug: myid ci" ngug byid ngug nhe' we' ngo naonhaung" jhao" tung" vhin: ru ngaid: . Naonhaung" nhag' myid: ngai genae" tau: tung" ke' ru mangaid: .Ngo nao nhaung" re khoqhi" jhid' de; ra" akhyo re ba nhao nug yang: tung" ke' ru angaid: .5 Byu dayaug yaug re zao" nhag' kaug' nhao: ru dang: ngaid: re naonhaung" mae" dayaug daqo: mathao: yang ngo re nhag' kaug' nhao: ra". Naonhaung" re gyai ein: wa6 maqeim nug. – Naonhaung" myo: lo bug: yang yao: re qobo dae byid: veko" ru wa7 yao" tau: mae" main: qi" ava". – Ai: yaug xo sho' nhag' makaug' byo; lo" nae" khyo: yao: re qobo khyaid' byid: mung: nhag' jo,8 yo nhao ge, . – Airu: mung: naonhaung" yao" adao mae jhid' kao myid bo shi" akhyo re the' myao sho' qhu" genae" tau: ngo9 mho' ke' ra". – Airu: mung: nao nhaung" khyo khe' khao: ngo" mae tae" gyo: ko" la, matae" gyo: ko" la, ba nug yang: ce: tung" khye' yang naonhaung" re lag yu: qu" ru10 ngaid: . – Naonhaung" dayaug yaug re yao: shaid' ra" qobo khyaid' byid: ko" ngaid: re ngo re: ai: yaug: qobo re khyaid' byid' ra". Ngo qobo daja: ja: re khyaid' byid' ngaid: re naonhaung" mathao: yang Khristu; myo,11 nho khyo" ngo lhoe' ke' ru ngaid: . – Airu: kaid' ru wa satain: ngonhaung" re ma-aung nae" tau: ngaid: ra". Satain" tau" da re nyhao:nhaung" ceim" ba: bam va".12 Khristu; ngaui bau: lau dao: re hau" kyo: nae" tau: Troa vogaung: khyo ngo joe" ye" re AsAng wa ai mae mau" zaui: so: nae" tau: khyo phung" to: byid' ru re ngo myao:13 ra". – Ai ngaid yang: re: Nga" nhaung: Titu' re mathe' myao mung: nhag' mamyain yang: ai: vogaung: bao: re au" co' mung: Makedoni mang: khyo lai: ye" lo" va".14 Ngonhaung" wa Khristu we' daga" aung myaug: ru qo" nae" tau: re: , ai: AsAng re ba se" ra" ein nae" sheim nae pyo" ja: wa ngonhaung" khyo" yang jo, qo khyi" khao: ngo" ngae: lo" nae" tau: re: nyhang" byid' ra" Mo"so: jeju re caung: khin" ra" wo". –15 Khoru: ga" re ngonhaung" wa khyaid' yu qhug' va" mo, we' seim" byaug mo; agyo: mae Mo"so khyo" yang Khristu; nae pyo"16 ra" ja: boe" bam va". – Seim" byaug: ra" mo, kam" wa shid: ra" shaid' mae sheim nae ja: ngaid: ra". Khyaid' yu qhug' mo, mae kam" wa kao daui nae" sheim nae pyo" ja: boe" ra". Airu: mung: khoyaug lam:17 ceru we' main: qi" nae" i"?. – Pe" mung: ga" re Mo"so: mung dao: re laung: yang: ta" mo, ru: mangaid: lo: za: phyu yaung" ra" nhag' lam: we' Mo"so o ngaui: ra" khyo" yang apyaid ato: Mo"so: qhid' kheim: mae Khristu: lau dao: re hau" kyo" ru ngaid: .