1 Mo"so wa yao" nhag' khyag' nhag' myain" ru we' ce: mau" zo" re zaui: so: nae" akhang" ngonhaung" re qhaug' byid' to: mung: ngonhaung" qam: mashain. –2 Ngo-nhaung" wa anyham: avho' aqho' aqhid mau" zo" re to" pye' mung: apyag' asham" mau" zo" rere: makaid' lo: Mo"so: mungdao: re dang main" ra" akhyo khyo" Mo"so: qhid' kheim: mae ngonhaung" yao" gaung re byu yaug jab: yang lam" ra" mo,3 boe" nae" tau: qhaug' byid: va". – Ngon- haung" hau" kyo" ra" ngaui bau: lau dao: nghoe' to" ru ngaid: re wa seim" byaug: lo" va" mo; tau: za: nghoe' to: qhug' ru4 angaid: . – Mo"so: khyao dau ngaid; ra" Khristu; phung qab bao boe" ra" ngaui bau: lau dao: bo" bao wa malam mo; qhid' kheim: mae maqo" bao shao: ga: ce: myid gaung re ug: ra" mo"so wa yao: bam: aung khug myid nyain myo, jid' go: kyo" byid'5 pye' ra". – Ngonhaung" wa ngonhaung" yao" akhyo re hau" kyo" na mo, mangaid: Yesu Khristu wa AsAng ngaid: ra" akhyo we' ngonhaung" wa Yesu Khristu tau: mae" naonhaung" jeim ngaid: ra" akhyo re za:6 ahau" kyo". – Mug: caid' khug mae bag bao bao nae" ga: ta" ra" Mo"so wa Khristu; myo, khung: khyo" yang Mo"so: phung qab bao ba jhao: ra" nyain: bo" re qo" bao: myhao" byid: veshao: ga: nyhao" aung khug mae bao byid' ava".7 Ai qere: phung qab bao we' ham" hung: wa nyhao: nhaung" we' matin: Mo"so we' tin" ra". Ai: jo, nho" kam" myid zhai: yae: mae ke' to: mung: ngonhaung"8 mae jo; ra". – Ngonhaung" mae aja: ja: qug: khai: zag: lo ngaid qere: tam" kyo" to" ru maqhug' anhaung" akhoe' phau: qere:9 nhag' lam: mathao". – Pyam" yhin" ru phau: ngaid qere: , lhaui" pye' ru qhug' mo, mangaid: , be; nhaug' to: phau: ngaid yang:10 re: , se' pye' qhug' mo, mangaid: . – AsAng Yesu kao daui: ra" akhyo re nyhao:nhaung" gaung khyao mae myao myhao" qhu" nae" tau: Yesu shid kham: ra" khyo re khyao za: nyhao:nhaung" gaung khyao mae ke' ci11 ca". – Pe" ru: mung: ga" re Yesu kao daui: ru wa nyhao:nhaung" shid ba: ra" gaung sho: mae qo" myao: myhao" byid: veshao: . Nyhao: daui: na shi" mo, wa Yesu mathao mae khyao za: shid; ra" gaung khyao12 qhaug' to: va" mo, boe" na: ra". – Airu: mung: ngonhaung" mae wa shid no phau" ru naonhaung" mae kam" wa kao daui: na: ru boe" ra".13 Lam jang" ra" mathao: yang ngo mho: na: ru ngaid: ga: jham: tung" mae bo: ru we' dakhyo: ai: lam khug: ra" Solo ngo- nhaung" mae bona: ru mung: mho: ru14 ngaid: . – Nyhao: nhaung" AsAng Yesu re daui: to" yu yaug wa Yesu khyo" yang ngonhaung" rere: daui: to" yu mung: ngo- nhaung" we' daga" za: naonhaung" re yao" qhid' kheim: mae khae: yu: li" nae" ein:15 ngonhaung" ba: ra". – Byumyo: sho' mo, jeju re caung: khin" ko" we' dakhyo: ai: jeju wa Mo"so phung bao bao: myhao" nae" tau: ngaid: . Ja: nam jab alhab' wa naon- haung" tau: mae" ngaid: ra".16 Airu: mung: ngonhaung" wa nhag' caid' mo, mangaid: ngonhaung" adao: pyae: gaung qeim: zae" lo" qere: akhug: byu wa ne, khao: ngo" asag' khyo" za: xo' daui: na17 nae" ru angaid: . – Khoru: mung: ga" re de: de: myao: ra" ja: wa cebain: ceta tau: mae" za: ngaid mung: de: de: za: mangaid' ra" jham kam" wa apyad ato ngaid nae" ra" mathao: yang de: de: za" ja: re nyhao: nhaung" maqu" loza: de: de: za: mangaid'18 ja: re au: am" qu" mung: . – Dazab phau" ra" qug: khai: jham wa gyai qi" qhang: ra" apyaid ato: phung bao qam: so' re ngo- nhaung" tau: boe" lo nhao: ra".