1 Ngo Po"lu wa jeim mangaid: gelin: gego: na: qin" yaug mangaid: i"?. Logyo: dayaug re: ngo ngaid: mangaid: i"?. Nyhao: nhaung" AsAng Khristu re myao: qu" va" mangaid:i"?.Naonhaung" wa ngo AsAng: mau" zo" zaui" ru mae" boe" li" ashi: jham2 mangaid: ko" i"?. – Ngo wa su: logyo: mangaid: nao nhaung" logyo: yao: ngaid va". Khoru: ein: re ngo logyo: dang ngaid: re naonhaung" wa naung cao qe ngaid: ra" khyo" yang ngo re so: xam: xam" to:3 veko". – Nga" akhyo re li" cao" ca: myid' qin" ko" ra" mo, re ngo phaug' tau" ru wa4 ceru: ngaid: ra". – Ngo nhaung" wa zo: nae" shaug' nae" akhang" maqo" mo, i"?. –5 Logyo: geje qe AsAng: yao: nhaung: jham we' Kepha, ru: lam jang" ra" yham sang myhi" re daga" jhui" qin" nae" akhang"6 ngo maqo" i"?. – Ngo we' Banaba shid' yaug wa mau" zo" re magai: lhag' ke' lo: mazaui: magai: ru mae thang: na nae"7 tao ngaid: i"?. – Byu kho-yaug wa yao: yao" zao: kho vin yang: gye mau" vin vo, genae"?. Khyae kaid' mung: ai mae" qhovo: qhoshi: re mazo: lo: khag' na genae"?. Khoyaug wa yao zam: mung: yao nug'8 mashaug' lo: lhaung" na ko"?. – Ce: akhyo re byu qe myao: ra" khyo" za: ngo mho: i"?. Khang" dao: tarha" re: ce: akhyo ta"9 to" ra" mangaid: i"?. – Khoru: ga" re gaug nao" ra" nung" nhaid' mae gyain magai: zhaung: byid: ga: Moshe tarha" mae tung" to" ra". Mo"so wa nung: jham re za: mho:10 to" ru ngaid: i"?. – Airu: mangaid: lao" ngonhaung" tau: za: ceru" tarha" to" ru ngaid: i"?.Gai gai: yo kaid' yaug wa myid: nghae" zo" kaid' ru mung: gaug nao: yaug re: gaug qo" yu nae" re myid: nghae" zo" nao: veshao: ga: nyhao:nhaung" tau: mae"11 tung" to". – Ngonhaung" wa naonhaung" khug mae Solo: myug: shi: re sin: mung: naonhaung" myid gaung: ashi: re yaid: yu: re wa so' ha" va" ein: gai: mho nae"12 i". – Su geje: amyu" qe ce: akho: akhang" re naonhaung" mae" qo" yu ko" ngaid: re ngonhaung" wa je yang: gai: qo" mangaid: i"?.Ngaid qere: ngonhaung" wa ai: akho: akhang" re mayhung: lo: za: Khristu: ngaui bau: lau dao: re matam" kyo" geshao: ein: ngonhaung" wa khyo khe' gau: khao: ngo"13 mae zang: qhao" na: bam: ru ngaid: . – Solo mau" ngaid: ra" pa" jhaung: yham mae mau" zaui" na mo, wa ai mae" shaogyang" ra" ja: re zo" na: khyo rere: , phain re qu" gam caung mo, wa phain dao mae" qab zo" na:14 akhyo rere: naonhaung" maba ko" i"?. – Ai we' dakhyo: za: ngaui bau: lau dao: re hau" kyo" ra" mo, wa ai: ngaui bau: lau dao: mae ngha yang: kao so' khau ca" nae" ga: AsAng15 Amyin" khyo" to" ra". – Ngaid qere: ngo wa ai: akho: akhang" re maci yhung: shi: nao nhaung" ngo re airu: kaid' byid: genae" tau: ce: dao: kheim: tung" ke' ru mangaid: khoru: ga" re byu dayaug yaug nga" myo, nho nga: lao: re zai" sham: pye' byid' tho'16 mae wa shid qhug' ru je: gai: ra". – Ngo wa ngaui bau: lau dao: re hau" kyo" ru shi" za: angaid: re wa phug nae" akhyo pe" majo, . Khoru: ein: re mahau" kyo: lo: maqo" na. Mahau" kyo: lo: na lao" ngo mae nhang:17 kheim: zao" nae" ngaid: . – Ai ru: mung: kao bau taung" zaui: so" re wa so' ha" qo" nae". Manug makhyaid' zaui: so" ngaid: re vhin qhug' ra" mau" re amyid avho: zaui"18 pye' ru boe" nae" ngaid: ra". – Airu: mung: ngo qo" nae" so' ha" wa pe" ngaid: i"?ga" re ngaui bau: lau dao: ta" hau" ra" au: akho: akhang" pe" mayu lo: . Ngaui bau: lau dao: tae" gyo: mo, re zao: kho magain nhao lo: ta" kyo: mho" shid' ru nga" tau: so' ha" qo" nae" ngaid: .19 Ngo wa khag' jeim mangaid qere: gai: boe" ra" qhi" byu myo: sho' re qo" sham" gam: yu sho' ein: alhab' mo; daui mung20 yaug boe" na: ra". – Yuda, qere qo" sham" gam: yu nae" tau: ngo wa Yuda, byumyu" ru" ru ngaid: ra". Khang" dao: khug mae na mo, re qo" sham" gam: yu nae" tau: tarha" akhug mae" byu ru" ru ngo boe"21 na: ra". – Mo"so: qhid' kheim: mae tarha" maci lo: na: ru kam" mangaid: . Khristu; tarha" akhug mae na mung: ai: tarha" taung gaung mae na: ra" mo, re qo" sham" gam: yu nae" tau: ngo wa ja: nam jab mae tarha"22 maci yaug ru" ru ngaid: ra". – Qam: nang: mo, re qo" ge; yu nae" tau: qam: nang: mo; phaung mae ngo wa qam: nang: yaug ru: boe" ra". Daqhae: re daja: ja: khyo" qo" lhoe' yu sho' byu alhab' mo, mae ngo aja:23 ja: cao" boe" na: ru ngaid: . – Ngaui bau: lau dao: Min jhaung: re qo" yu nae" tau: naonhaung" we' daga" ngaui bau: lau dao: mae ja: khao: ngo" ngo zaui: so" ra". –24 Tao: mai qhi" jao: mae alhab' geim" ceim" tao: veko" ngaid yang: re: byu dayaug za: jhaung qhu" aqo" ra" khyo re naonhaung" maba ko" i"?. Ai mung: jhaung qhu" qo" nae" tau: jho" tao: mai qhi" jao: mae25 bovao: na ge, . – Mai qhi" poe mae bovao: ra" mo, wa aja: ja: myo, nyaid o: byid: na nae" mae" zang" pye' mung: byo, qeim: ja: dain zi re qo" yu: re qo" yu sho' qam: ke' thaug' qhao: veko". Nyhao: nhaung" kam" wa mabaui mabyo, lo" ra" dain zi re qo"26 yu nae" khyo: qam: ke' mo, ngaid: . – Airu: mung: ngo wa bin: zang khyo din: din: za: tao" ra". Thaung: poe mae lo, zhab' re mug: le; phyo: la dao mae aje amyid thaung" pye'27 ru: mangaid: . – Su re mho" shid' mung: ngo yao: re: akeim aseim maboe" nae" tau: nga" gaung re ngo yao: theim yang: nhau" na: ra".