1 Naonhaung" yao: cao: jho" byo; mau" thug' li" re shaogyang" mo; qhid' kheim: mae ta" sho' rure makhae: yu lo: taung- bug qe: qhid' kheim: mae vae" ta" ru2 dayaug yaug bo ko" i"?. – Shaogyang" mo, wa myidkin: mang: din" re dao: qo" phyid' rure naonhaung" maba ko" i"?. Nao nhaung" wa myidkin: mang: din" re lao" dao: gai: phyid' ngaid: re ngai: thao" ra" mau" re magai: jho" ta" sho' ko" i"?. –3 Nyhao: nhaung" wa mug: logyo: qe re lao" re: dao: phyid' nae" mo, ngaid: rure maba ko" i"?. Aimung: myid gye; mau" rere:4 dao: gai: phyid' nae"mangaid: i"?. – Airu: mung: naonhaung" myid gye; mau" zo" jho" ta" sho' nae" ru bo ko" re phung: mae" myo, nho nga: lao: mataung" bo: ra" yaug5 re tarha" zug: kaid' nhao ko" i"?. – Ceru: mho: ru wa naonhaung" qho' phau: genae" tau: mho: ru ngaid: . Nao-nhaung" mae juyi ba su dayaug za: lao" mana ko" i"?. Mao: nhaung: yao: cao" mau" re qo" ba: ta" sho' nae" su dayaug za: lao" mana lo: ko" i"?. –6 Mao: nhaung: yao: cao: zug: jho" kug ko" ru za: mangaid: malam khug mo; qhid' kheim: mae re: zug: jho" kug genhaung7 i"?. – Ai re" ru: naonhaung" yao: cao: zug: jho" kug: ra" khyo wa qobo mo" ngaid: ra". Zug: makug lo: pe" mung: pyam" yhin" ru8 makhae: yu ko"?. – Yao: yao" zai yo seim: lo" nae" ru wa o: byid ko" i"?. mao: nhaung yao: cao: jo, nho" zai yo re wa pyam" yhin" mung: vae" vhain" yu: pye' ko" i"?. –9 Matarha" ra" yaug wa Mo"so: mang: din" Ma maqo" khae: yu: akhyo re naonhaung" maba ko" i"?. Khyo danghung: ge, magai: phavae mau" mae nyain: vho" na su , sulho goe; pa" su , su: myi: lao shaid' su , yaug10 gai yao: cao: phavae mau" kaid' su , – Su: zai khug' su , Saung" so' kho' su , Zo" yid shaug' yid su , nhang: myain" nhang: thoe mung su , lhaid' zo: lhaid' shaug' su , ceru" mo, wa Mo"so: mang: din" Ma maqo"11 khae: yu genae". – Qhid' phyao: naon- haung" daqhae: airu" mo, ngaid: lo veko". Ngaid qere: ana" kam" AsAng Yesu mang khyao: khyo" yang Mo"so: Solo khyo" yang re: cid' shao: pye' qhug' mung: dang main" ra" khyo joe" veko".12 Alhab' geim" re ta" nae" made, sho' qo" kaid' nae" akhang" ngo qo" qere: ja: khao: ngo" mae so' ha" bo: ru mangaid: . Alhab' geim" re zaui: nae" akhang" ngo qo" va" ngaid qere: pe" akhyo: yang ngaid ngaid13 ngo wa jeim manug: boe". – Zo: nam wa vae: dug' tau: mae" , vae: dug: wa zo: nam: tau: mae" ngaid: ra". Ngaid qere: Mo"so wa shid' ja" geim" re daga" phyo' qheim" pye' li" nae". Gaungkhyao wa phavae mau" zo" tau: mae" mangaid: lo: za: ai: AsAng: tau: mae" ngaid: ra". Ai: AsAng re: gaung khyao14 tau: mae" ngaid: ra". – Mo"so wa yao" phungbao qam: so' khyo" AsAng Khristu re daui: to" ke' ru we' dakhyo: ngonhaung"15 re re: daui: to" yu: li" nae". – Naonhaung" gaung khyao wa Khristu gaung khyao adau atam" ngaid: ru maba ko" i"?. Airu: ngaid: re Khristu gaungkhyao adau atam" re yu mung: Yaug zhang: myhi" gaung khyao gai:16 kaid' nae" i"? magai: kaid' nhao. – Khoru: ga" re yaug zhang: myhi" we' zam" yaug wa ai: yaug zhang: myhi" we' dagaung dasho: za: ngaid va" rure maba ko" i"?. Ai shid' yaug wa dagaung dasho: za: ngaid: genae" ga: jham: tung" mae ta" to" ra". –17 AsAng Mo"so mae zam" khug: na yaug wa ai: AsAng we' nhag' lam: Solo mae dajham18 za: ngaid: ra". – Phavae mau" re jao" lha" ge, byu qe ba: kaid' ra" getau: qobo mau" zo" alhab' wa gaung khyao: ayae mae jo; na: ra".Magai: phavae mau" kaid' yaug wa shaid' nghung" na yaug ngaid: ra". –19 Khoru: mung: ga" re Mo"so byid' to" ra" naonhaung" gaung khyao wa shao gyang" Solo: na yham ngaid: rure nao nhaung" maba ko" i"?.Naonhaung" wa naonhaung" yao" gaung khyao re sang mo, mangaid:20 Mo"so she, asang: ra". – Naonhaung" wa aphug' byid: yang: vai: to: va" mo, ngaid: ako". Aimung: naonhaung" gaungkhyao we' nhag' lam" solo khyo" yang Mo"so: phungbao re bao: myhao" byid' na ge, .