1 Mao: nhaung: qe we" Ngo naonhaung" jhao" joe" li" ru wa Mo"so: akhyo re sagso: kham hau" kyo" ra" au: myhao: thao" ra" juyi we' gai: thao" jhau myain" khyo" yang2 li" ru mangaid: . – Khoru: ga" re Yesu Khristu ga: yaug pyao: zang mae shid kham va" AsAng mae" je yang: naonhaung" mae pe" ja: rere: ngo maba ein: myid: pye'3 va". – Ngo naonhaung" we' daga" na shi" au: qam: nang" ru we' gyai gyaug: nin"4 ra" khyo" za: ngo alhaung" na: . – Naon- haung" lam khug: khyo wa byu: juyi mae5 mangha – Mo"so: phung bao mae ngha yang: nga" dao: ngo hau" kyo" ru wa byu: juyi we' mai qhi" ra" mho" pyag' dao: ru: mangaid: lo: za: Solo: kheim: so' qam: o: khyo" yang ngaid: ra".6 Ngaid qere: ngonhaung" lam: lang" ra" mo, .re juyi: akhyo ta" kyo" ra". Ce: myid gye, mae" juyi mangaid: myid gye, mae byo, qeim: na ko" zug: qe: juyi khyo" re:7 mangaid: lo: za: – Xaosu byu qe mamyao lo: sho' nyham" to: mung: mug: myid majo, shi: mae" ngonhaung" phung bao: tau: Mo"so jaung: to: va" Mo"so: juyi re no; thao" dao: thoe we' ngonhaung" hau"8 kyo" ra". – Ce: juyi re myid gye, zug: qe dayaug re: maba ko". Aba ko" re wa phung bao bo: ra" AsAng re pyao: zang mae majin"9 se' genae". – Jham: tung" mae bo: ru we' dakhyo: Mo"so re jhid' kao: ra" mo; tau: nga" mau" zo" re no" yang re: magyo: myo, jid' yang re: mathe' myao byu: nhag' myid khyo" re: matho' myid: thug' ra" ja: alhab'10 re ngonhaung" hau" kyo" ra". – Mo"so wa Solo khyo" yang ce: akhyo jham re ngo- nhaung" re li" bao: qhu" ra". Khoru: ga" re ai: Solo wa Mo"so: no; thao" ra" mae11 jo; ra" alhab' re qo" pug: qhu" ra". – Byu mae bo: ra" no; thao" ja: re byu mae bo: ra" Solo mae" je yang: khag' qo" ba nae" i"?. Ai we' dakhyo: Mo"so: no; thao" ja: re Mo"so mae bo: ra" Solo mae" je yang: khoyaug12 re: maqo" ba. – Ngonhaung" wa myid gye; Solo re khae: yu: to: mo, mangaid: . Mo"so ngo nhaung" re byid' to" ra" jeju re ba nae" tau: Mo"so: yang nhao: ke' ra" Solo re ngo nhaung" qo" khae: yu: bam va". –13 Ai: juyi: akhyo re byu: juyi mho" shid' ra" khyo" ngonhaung" ta" kyo" ru mangaid: . Solo mho" shid' ra" khyo" ngonhaung" hau" kyo" ra". Solo we' tin" ra" akhyo jham re Solo jaung" ra" gu: Solo we' tin" ra" myain" khyo" ngonhaung" ta" hau" kyo"14 ru ngaid: . – Azhao: mae" gaung sho: suna na: ra" byu wa Mo"so: Solo akhyo jham re maqo" khae: yu ngai’: ra". Ai wa yao" tau: adu: adae: mau" zo" ngaid: byaug yang: Solo khyo" yang za: qo" kho' khaui" yu: ru mung: gaung sho" byu qe t’o' ba: gyo" ru15 mangaid: . – Solo: byu kam" wa ai:’akhyo jham alhab' re’qo" myao: kyao" kho' khaui: mung: ba: gyo" ra". Ai qere: ai: yaug re khoyaug re: maqo" myao: kyao" kho' khaui:16 ko" ngaid: ra". – Ai: yaug re qo" mho" nae" khoru" yaug lam: Mo"so: nhag' myid re qo" ba: i"?ngonhaung" kam" wa Khristu; nhag' myid re qo" khae: yu: bam va".