1 Alho re ngaui" pye' xeim: dau: we' tin: yang: pheim: kyo: nae". Nyhao: nhaung" wa ba: kho' khaui" ra" laba lajhao bo mo, ngaid: rure ceim" ba: bam va".Ngaid qere: laba lajhao wa byu re ngaid beim: nhao: ra". Jhid' kao: nhag' myid wa byu re gang:2 tang qi" qhang nhao: ra". – Byu dayaug yaug wa daja: ja: ba beim" ra" nhag' myid bo: ngaid: re yao: wa ba ca" ru we' dakhyo:3 maba shi: ngaid: ra". – Mo"so re jhid' kao yaug wa Mo"so: yang beim: so" ru qhug'4 va". – Airu: mung: alho re ngaui" byid' ra" sho: zo" ra" khyo we' tin: yang: mho nug: ru wa alho wa myidkin: dao mae akeim aseim ngaid: rure: daso za: ngaid; ra" Mo"so mae" lai yang: getau: Mo"so mana lo" rure ngonhaung" ceim" ba: bam5 va". – Mug: gaung we' myid gaung: dao mae Mo"so myo: sho' asang jham myo:6 sho' na: bam ngaid qere: – Ngonhaung" tau: mae" pho" ein: nae" wa Mo"so dayaug za: ngaid: ru mung: yao: khyo" alhab' boe" li" yang: ngo-nhaung" wa yao" tau: daui: na mo, ngaid: ra". Yesu Khristu ga" AsAng re: dayaug za: ngaid: ru mung: yao: khyo" acao jab boe" li" mung: yao: khyo" ngon- haung" daui: na: bam: ru ngaid: ra". –7 Ngaid yang: re: yaug khao: ngo" ce: laba lajhao mabo ngaid: ra". Aimung: daqhae: wa yui re kug' ngaui" ra" mau" zo" kaid' lo: qu" ru: yang cere" ru" zo: nam zo: ko" au: yui re kug' pye' va" sho: zo" ga: myid: ako". Ai wa yao: bam: nhag' myid qam: nang: geyang: nyain: vho" ru qhug'8 ako". – Zo: shaug' wa Mo"so: qhid' kheim: myo, nho nga: qo" nae" mangaid: . Jao" pye' ngaid qere: goe" lo" ru mangaid: . –9 Ngaid qere: nao nhaung" gelin: gego: zo: shaug' khyo wa qam: nang: mo; tau: tha"10 lang: jao: maboe" nae" lha" ge, . – Khoru: ga" re nao kam" wa ba: khyin: kho' nhag' myid bo qere: yui kug' jao: mae nao bozo" qin" ru re qam: nang: su dayaug yaug the' myao: re yui re kug' ngaui" ra" sho: re vae"11 zo: nhao: ru maboe" nae" i"?. – Ailao" ni" ave, re qu" yang: Khristu, shid kham yang: byid' ra" lam khug myid mae qam: nang" ra" ni" mao: nhaung: pho" wa byo,12 qeim: lo" ru qhug' li" nae". – Naonhaung" wa mao: nhaung: qe re zai" shaid' ru we' qam: nang" ra" yao: bam: lam khug: nhag' myid re dae te' byid' ru boe" mung: Khristu13 re re: shaid' nghung" ru boe" ra". – Airu: mung: nga" zo: shaug' mathao: yang nga" mao: nhaung: pho" qobo shaid' nhao yang: ngaid: re nga" mao:nhaung: pho" qobo makaid' veshao: ngo wa ana" mae" khon- hae" re: nung: sho: mazo: lo: nae".