1 Mao:nhaung: qe we" ngo naonhau-ng" mae hau" kyo: mung: khae: yu va" ngaui bau: lau dao: akhyo ngo naonhaung" mae2 xo' yang: hau" kyo: shinae". – Ngo naon- haung" re ta" hau" qu" va" mungdao: re naonhaung" zaui" tang: ci mung: aje amyid lam khug; pye' ru za: mangaid: ko" re wa ai: laudao" yang naonhaung" khyaid' yu: ru3 qhug' va". – Khoru: ga" re ngo yao: khae: yu va" akhyo naonhaung" re saoqhid' lhang mae mho" byid; va". Ai wa jham: dao: mae bo: ru: we' dakhyo: Khristu wa nyhao: nhaung" qobo: mathao shid kham: ava". –4 Shaung: nyhab' pye' ru qhug' thao jham: tung" mae tung" to" we' dakhyo: sam ba5 ein: ba re dam: daui: to" lo va". – Kepha shi" myao thao naungcao daxe: shid' yaug6 myao: ako". – Ai: thao mao:nhaung: qe ngo" yo je dalhang: dae the' myao: ako". Ai bam mae" myo: phyao: ana" joe" kao daui: na: ashi: ko". Daqhae: kam" shid:7 byaug veko". – Ai:thao Yaku the' myao: ra" ai: thao logyo: qe alhab' jhao" li" qhu"8 ra". – Lo" thao" mae lho" khye' mabyang" shi: re na: li" yaug ru: ngo rere: na: qhu"9 ra". – Ngo wa lai: lo" va" yo, re phung: re pyam" yhin" yaug mung: goe" thao" logyo: ngaid: ra" ein: mhang" nae" lao" mamain:10 qi". – Aiqe re: Mo"so: jeju" khyo" yang ngo cekhyo: boe" na: ru ngaid: . Aimung: ngo khae: yu va" yao" jeju wa ngo mae akeim aseim maboe" ngaid: ra" getau: logyo: qe tho' ngo wa je yang: thaug' qhao" na nae" wo". Airu: ein qere: ngo qam: ke' ru mangaid: ngo we' daga" ngaid: na: Mo"so:11 jeju wa qam: boke' na: ra". – Airu: mung: ngo ngaid qere: yao: bam ngaid qere: ngon- haung" dakhyo: za: mho" shid' ra". Ai we' dakhyo: za: naonhaung" re: lam" jang" veko".12 Khristu wa shid: byaug va" mae" dam: daui: to" li" va" ein: hau" kyo" na: re nao- nhaung" mae daqhae: daui: to" ra" akhyo13 majo, ga: pe" mung: mho ko". – Shid: ra" mo, dam: daui: to" li" akhyo majo, ngaid; re Khristu zug: wa daui: to" ru maqhug'14 nae". – Khristu wa daui: to" ru maqhug' ngaid: re ngonhaung" hau" kyo" rure: naon- haung" lam jang" khyo re: akeim aseim za:15 angaid nae". – Ai:tho' mae" Mo"so: akhyo mae mhug' ra" mo, ngo nhaung" boe"16 byaug va". – Khoru: mung: ga" re shid va" mo, daui: to" ru majo, ngaid: re Mo"so wa Khristu re madaui: to" yu nae" ana" kam" Khristu re taui: to" yu va" ra" ein: ngon- haung" wa Mo"so: akhyo re sagso: cao" kham: kyo" ru ngaid: .Shid va" mo, daui: to" yu: ra" akhyo majo, ngaid; re Khristu17 wa daui: to" li" nae" mangaid:. – Khristu madaui: to" ngaid: re naonhaung" lam jang" qere: pe" jeju mabo qobo: akhug mae thaui"18 lhau" na shi". – Ai:tho' mago" Khristu re lam jang" mung: yab pyo" lo" va" mo, wa byaug jeim" pye' mo, ngaid: byaug va" lase"19 boe" li" ra". – Nyhao: nhaung" ce" ta mae" tau: za: Khristu re lam lao" na: ngaid; re wa Xaosu byu qe alhab' mo, geim" mae" nyhao: wa sho: jhin: thao" mo, ngaid; bam va".20 Ana" kam" Khristu wa shid: byaug va" mae" daui: to" yu: qhug' va" mung: yab pyo" lo" va" mo, mae saoqhid' zaui" ra"21 ashi: boe" ava". – Khoru: mung: ga" re byu dayaug khyo" yang shid khyo boe" li" ra" we' dakhyo: byu dayaug khyo" daui: to" li" ra'' khyo mo" dakhe' bung" li" va". –22 Adam" mathao: yang byu alhab' mo, geim" shid: lo" ru we' dakhyo: Khristu: mathao: yang byu alhab' mo, geim" kao dam: xo'23 daui: ru qhug' va". – Ngaid qere: byu yaug khao: ngo" wa azo" tai" daui: li" nae" Khris- tu wa sao qhid' zaui" ra" shimeim" ngaid; . Ai: thao Khristu dam: joe" li" lao" yao: we'24 tin" ra" mo, daui: to" li" nae". – Ai: thao Khristu wa ug: gam kheim: so' alhab' re va: pye' zo" ai: ayo, mae yao: wa yao: pho" Mo"so jhao" ai: mang: din" re qhaug' byid;25 mung: bain: thao" , – Khristu wa yao" gyevo jham re yao" khyid vo: qao: mae to" pye' ra" ayo, joe" ug gam nae" kheim: so'26 qo" ra". – Lo" thao" mae gyevo: shid zug: wa seim" pye' nae" ru qhug' nae" ngaid: . –27 Ja: nam jab alhab' re Byu: yao: zo" khyid vo: mae to" pye' va" ga: jham: tung" mae bo: ra". Ja: nam jab alhab' yao" o mae khyo" to: va" ga: mho qere: ja: nam jab re byu: khyid vo: mae to" to" ra" yaug wa mabo: leim" ga" ra" khyo de: de: za: ngaid: ra". –28 Ja: khao: ngo" re yao" agyid' mae to" to: thao ja: khao: ngo" re yao" agyid' mae nha: to: yaug; ug: gam: rure ai: yao: zo: rere: nha: to" ru qhug' mung: Mo"so wa alhab' ja: khao: ngo" mae boe" na yaug ngaid: ra".29 Shid mo, madam: daui: to" li" ga" ngaid; re shid va" mo; gaung tha" kaid' yang: Babtizan: kham: ra" mo; akhyo re khoru: ta" nae". Shid va" mo, gaung tha" pe'' mung: Babtizan: re khae: yu ko" i"?. –30 Airu: mung: nyhao: nhaung" re: yo, khao: ngo" mae qug: khai: khyo aja: ja: pe" mung:31 ceim" phau" na: bam: i"?. – Ngo ne, qug; shid kham: ra" ein: nyhao" AsAng Yesu Khristu mae naonhaung" mathao: yang ngo32 ngaui bau: vae" phug: ra". – Sushid jham madaui: to" li" lo: ga" ru dang: ngaid; re byu jham ta" keim" khyo: ngo wa Ephesu vogaung: mae zoqhid we' jho" zhaug' ra" ru wa ngo mae pe" akyu" bo nae" i"?. Aimung: zo: yang: shaug' yang: na gelang: Xaosu wa ne, myi: sao pho" shid zai va"33 ga: ta" zai ngaid; ra". – Naonhaung" khyo dadae: ge, . makhyang" ra" byin zam" cao: qe wa gai: ra" ave, angau: re zai" qheim"34 byid' ako". – Jo main: ra" khyo: beim: so: ge, qobo dakaid' ge, naonhaung" mae" damyo" Mo"so re maba ko" ceru: ein: mho: ru wa naonhaung" re ngo qho' phyo' ra" khyo" mho: ru mangaid: .35 Shid mo, wa khoru: ba: daui: to" li" nae" i"? yao: nhaung" wa pe" ja" gaung khyao we' dam: daui: li" genae"?ga: dayaug36 daqo: myid' li" nae". – Sugo qe we" naon- haung" qho" to" ra" shi: jid' mabab: qeim:37 37pye' re agae mayaug; li" va" re. – Ashi: re qho" ra" au: boe" li" nae" agae re nao qho" ru mangaid: . Saung so ngaid ngaid gaug ce' ngaid ngaid qho" ke' re ajid' ashi:38 re za: aqho" ra". – Mo"so wa yao: o ngaui: ru we' dakhyo: za: gaung khyao byo, byid' ra" ashi: ajid' khao: ngo" re yao: we' tin:39 te' ra" . – Gaung khyao mae" sho: wa daja: za: mangaid: . Byu: gaung sho: wa daja: , gug' nyhug' jham: gaung sho: wa daja: . Ngo: jham: sho: wa gogyo ngaid mung: ngho' zo: jham mae" sho: wa aja:40 ja: angaid: . – Ai va" tho' mae mug: gaung we' tin" ra" gaung khyao jham we' myid gaung we' tin" ra" gaung khyao jham ga: jo; ra". Mug: mae" gaung khyao jham bao qhi: ru wa myid mae" gaung khyao jham bao: yaung" ru we' majho" dau ngaid:41 ako". – Ba mo" khye' bao: ru dakhyo: , lho" mo" khye' bao: yaung" ru wa daja: , kyi qhi: yaung" ru wa daru: dam: ngaid: ra". Kyi jham mae lao" re: dace' we' dace'42 qhi: yaung" ru jho" shai" ashi". – Shid va" mo, dam: daui: to" li" nae" akhyo re: ai we' dakhyo: za: ngaid: . Byo; qeim: lo" nae" khyo: qho" to: qhug' ra" gaung khyao wa dam: daui: li" lao" mabyo, maqeim lo"43 gaung khyao ngaid: ra". – Qho" ke' ra" au: phug' made, bab; lo" ra". Qho" ke' ra" au: qam: mabo , dam: daui: to" li" lo: ru kam"44 wa qam: o: bun bo: ra". – Qho" ke' ru wa myid gye, gaung khyao ngaid: ra". Dam: daui: to" li" ru wa Solo gaung khyao ngaid: ra". Myid gye, gaung khyao jo; ru we' dakhyo: Solo: gaung khyao re: jo; ra". –45 Airu: mung: saoqhid' re" Adam: wa daui: ra" byu gaung boe" li" va" ga: jham: mae ta" to" ra". Thao re" Adam: wa kao byid' ra"46 Solo boe" li" va". – Solo: gaung shi" boe" ru mangaid: , myid gye; gaung khyao shi" boe" mung: thao re she, Solo gaung boe"47 ra". – Saoqhid' re" gaungkhyao wa myid zhai: mae" boe" li" yang: myid gaung we' tin" ra" byu boe" li" ra". Thao: re" gaung- khyao kam" wa mug: gaung mae" thug' li"48 ra" AsAng ngaid: ra". – Myid gaung mae" boe" li" ru wa myid gaung: byu ru: ngaid: ra". Mug: gaung mae" boe" li" yaug kam" wa mug: gaung: byu ru" ru ngaid: ra". –49 Nyhao: nhaung" wa myid gye; gaungkhyao ave, akhyao re ve; ci: ru ru: mug: gaung: ave, akhyao rere: ve; ci ca" nae".50 Mao:nhaung: qe we" ngo mho nug: ru wa gaung sho: we' sa: wa Mo"so: mang: din" Ma re maqo" khae: yu ngaid: ra". Byo; qeim: ra" ru wa mabyo; qeim: nam ja: re maqo" ge; yu nae" ein: sho' kyo" ke'51 ru ngaid: . – Gyo" qu" shi: ge, ngo naon- haung" re no; thao" akao daja: ta" kyo: shi: nae". Nyhao: nhaung" alhab' geim" wa gaigai: yao: yab: myhid' ze: lo" nae"52 mangaid: . – Lo" thao" labo" li" maid: ke' ra" au: mae myo, danyag lhe' caid' davhag' mae nyhao: nhaung" alhab' mo; wa tha" lai" lo" nae". Ai: labo" gaigai: yao: maid' yo, joe" li" zai ngaid mung: shid va" mo, wa maqeim mabyaug lo: za: dam: daui: to" li" genae" ngaid: ru we' nyhao:nhaung" re:53 tha" lai" lo" byaug nae" ngaid: . – Ba: byo, qeim: ra" gaung khyao re: mabaui mabyo; lo" gaung khyao ge; ve; yu nae" . Shid ba: ra" gaungkhyao wa magai: shid lo" gaung54 khyao re ve; yu nae". – Ce: byo; qeim ba: ra" gaungkhyao wa mabyo, maqeim: shaid' khyo , ce: shid ba: ra" gaungkhyao wa mashid lo: nae" gau: khyo vao lo" ra" au: shid: rure aung myaug: ru: yang myug: pye'55 va" ga: jham: mae tung" to" ra". – O" shid zug: we" ni" sin: wa khai mae i"?.Mo:vo: mug: we" ni" aungdoe; khyo wa khai: mae56 i"?. – Shid zug' sin: wa qobo mau" ngaid: ra". Qobo: qam: so' wa khang" dao: tarha"57 ngaid: ra". – Nyhao: nhaung" AsAng Yesu Khristu khyo" yang nyhao:nhaung" re aung myaug nae" akhang" re byid' ra" Mo"so: jeju wa qi" thao" ngaid: ra".58 Aimung: ngo jhid' de; ra" mao:nhaung: qe we" naonhaung" vin vo; ra" mau" wa ai: AsAng mae jeju qi" thao" ngaid ru re beim" na ge, . khonhae" re: gyag maqui: gang: tang taung" na mung: AsAng: mau" zo" mae vin tang: za: zaui: so" na ge, .