1 Mao: nhaung: qe we" naonhaung" akhyo jham re naonhaung" maba mase" lo: na: bam genae" rure ngo manug phug' pho" qe jham thaui: gyid' mae khoru: su" lo ko" ru rere: , qid dae ne mae khoru: lai:2 phyid' lo ko" ru rere: , – Yao: bam jham thaui: khug mae we' qid dae khug mae Moshe yang Babtizan: byid' ru re qhug'3 lo veko". – Alhab' geim" wa Solo we' tin" ra" daja: za" sho: re zo: veko". Alhab' mo; geim" Solo we' tin" ra" daja: za" shaug'4 pho: re ceim" shaug' veko". – Khoru: ga" re naonhaung" jhao" cao" ra" Solo we' tin" ra" ai: laung: mo" baui mae" thug' ra" qid re ceim" shaug' veko". Ai: laung: mo" baui5 wa Khristu ngaid: ra". – Ngaid yang: re: Mo"so wa yao: bam mae" myo: sho' mo, re nhag' madag ai mung: yao: bam wa gaoso6 yo mae shid: gain: byaug: veko". – Ai bam wa magai: ru mae myo, nyaid ko" re" ru: nyhao: nhaung" wa myo, mano, nae" tau: ce jham wa nyhao" tau: mae" khu: shid'7 ngaid: ra". – Byu qe wa zo: shaug' mung: zaung: na: bam: ako". Ai thao to" ye, go" nhain" na: bam: ako" ga: jham: mae bo:8 ru we' dakhyo: – Byu daqhae: wa alho re goe; pa" ko" ru we' dakhyo: dagoe; pa" ge, . Dam: daqhae: phavae mau" zaui: gemung: dane; ba mae za: shid' tug: samtaung shid: lo" pye' ko" ra". Ai mung: naonhaung" re:9 phavae mau" dakaid' ge, . – Yao: bam mae" daqhae: wa AsAng re jham" qu" lag yu: qu" geyang: lhao maui: yang thoe" se' qhug' ko" ru: ngonhaung" wa Khristu , re jham" qu"10 lag yu: ra" khyo: makaid' gejhao". – Yao: bam mae" daqhae: Mo"so re nyung geyang: se' qhug' ko" re" ru: nyhao: nhaung" re:11 manghang: gejhao". – Ai: akhyo jham wa khu: shid boe" nae" tau: yao: bam mae boe" qhu" ra". Lo" thao" bain: mae joe" na: bam: ra" nyhao:nhaung" re mho" shid' nae" tau: jham: dao: mae tung" to" ru ngaid: ra". –12 Airu: mung: dayaug yaug yao: yao: wa tang za: ye; jo, yaug ngaid: ga: myid: jho: ra" yaug khag' ngaid qere: magyang: lang: nae"13 tau: lha" na shao: . – Byu qe mae boe" ba: ra" nhaung" khoe' jham" qu" lag yu: ru za: naonhaung" phau: ko" ra". Mo"so wa dang jhaug' ra" yaug ngaid mung: naonhaung" maqo" zang: qhao" nae" ra" ju" phyo' jham" qu" lag yu mau" we' qo" loe, beim nae" gau: khyo rere: seim" nyhang" to: byid' li" nae".14 Airu: mung: ngo jhid' de; ra" mo, we" sulho re goe; pa" ra" akhyo jham re15 jao" lha" na ge, . – Ngo wa naonhaung" re nhag' gyang: mo, re" ru: myid yang: mho: ra".Ngo mho: ru re gyo" tau" lag: yu16 ge, . – Naonhaung" jeju caung: yang: nga: yu: na: ra" keim wa Khristu, sa: we' zam" khug: ru mangaid: i"?.Cug' phai" gae: ra" cin main" wa Khristu; gaung sho: re zam"17 khug: ru mangaid: i"?. – Khoru: ein: re nyhao:nhaung" myo: sho' mo, ngaid qere: cin main" dayho' mae" za: ceim" zo" na yang: nyhao: nhaung" alhab' wa dagaung18 dasho: za: ngaid: bam va". – Gaung sho: byu ngaid: ra" Israel qere qu" qu" ge, phain mae" phain qab: yu zo" ra" mo, wa phain we' zam" khug: yaug ngaid: mangaid: i"?. –19 Ngo pe" nam re mho nug: ra"? ein: re sulho re goe; pa" ru daja: ngaid mung: sulho re kug' ngaui" khyo re: lha" nae" getau daja:20 ngaid: ein: mho nug: ra". – Airu: mho nug: ru mangaid: taung bug: byu qe ngaui" ra" xeim: wa Mo"so re byid' ra" xeim: mangaid: yui re kug' ngaui" ru angaid. Naonhaung" yui jham we' zam" khug: na genae" rure21 ngo mangaui. – Ai: AsAng: keim we' yui jham: keim re daga" za: naonhaung" magai: qhain: shaug' AsAng: zo: shaug' jao: we' yui: zo: shaug' jao: re daga" gai: bo:22 vao zo: nae" mangaid: . – Mo"so nhag' yo: nae" khyo: nyhao:nhaung" gai: kaid' ja: i"?. AsAng tho' nyhao: nhaung" phungbao qam: o: je: bo: i"?.23 Byu: tarha" mae pe" ja: rere: gai: kaid' ga: ta" to" ru wa dang: ein: ngaid qere: ja: khao: ngo" wa gai: ru mangaid: . Nyhao: nhaung" wa pe" ja: rere: gai: kaid' ra" akhang" qo" ngaid qere: ja: khao: ngo" wa mo, je qe: tau: pe" so' ha" maqo" ngaid:24 ra". – Khag' ngaid qere: yao: yao" tau: mae" za: mamyid lo: su: tau: mae" re: so'25 ha" bo: qho ge, . – Gai jao: mae aung" ra" ja: pe" rere: shao: ra" nhag' myid we'26 zo: ge, . – Pe" mung: ein: re myid gaung gye, geim" we' ai mae jo; ra" ja: alhab'27 wa AsAng mae za: ngaid: ra". – Malam khug: ra" byu dayaug yaug naonhaung" re zo: shaug' poe khai: re nao ye: nug: re ye: wa, . Naonhaung" qhid' kheim: mae nyhang" jaung: to" ra" pe" ngaid qere: shao:28 ra" nhag' myid we' zo: ge, . – Ngaid qere: dayaug yaug ce wa yui phain qab: ngaid: ra" ga: ta" kyo" ngaid: re ba yaug ta" kyo: va" ru mung:mashao lo: ein: myid gelao"29 wa dazo: lo: . – Shao: ra" aung lag: myid ein: ru wa ngo yao" aung lag: myid re mata" nug. Su: aung lag: myid re mho nug: ra". Nga" gelin: gego: qo" zaui" kheim: so' re su dayaug: aung lag: myid: yang gai: aung30 nae" i"?. – Ngo wa jeju khyo" yang bo: zo: bo: shaug' ngaid: re khoru: mung: yang: wa ngo jeju so" ra" akhyo mae pe" ga: qobo31 vhin jung" khyoe' phau: nae" i"?. – Airu: mung: naonhaung" wa zo: ngaid qere: , shaug' ngaid qere: , pe" zaui: pe" so" ngaid qere: alhab' geim" mae Mo"so: phungbao32 nga: re qho zo" re" zaui: so" na ge, . – Byu alhab' mo, khyaid' yu: ru qhug' vegeshao: ein: ngo wa ngo yao" so' ha" re maqho lo:33 su: so' ha" re za: ngo qho: ra". – Byu alhab' bam: o ngaui: ra" khyo: ja: khao: ngo" mae ngo cao" na: re" ru: naonhaung" re: Yuda, byu , Helini' byu , Mo"so: phung: vao byu qe: tau: mae" tha" lang: jao: maboe" lo: na ge, .