1 Shaogyang" mo; tau: aunglam we' tin: yang: Galati mang: mae" phung: jham re ngo pyang: to: co' ru we' dakhyo: nao-2 nhaung" re: kaid' na ge, . – Ngo joe" li" lao" za: lhau" khyui: zhang: nae" khyo" mangaid: lo: za: nhaid' ba mae" saoqhid' ba mae yaug khao: ngo" yao: yao: qo" ra" gu:3 mae" dabam re qaung" to:ge, – Ngo naon- haung" jhao" joe" li" lao" naonhaung" mae" lam ga" ra" dayaug re ngo tung" khye' tung" byid' ke' mung: naonhaung" Aunglam jham4 re Yerusalem: khyo vhin: ke' nae". – Ngo re: ye: au: dau lao" wa yao: bam we' daga" ye: nae" ngaid: .5 Makedoni mang: khyo ngo ye: zai ngaid mung: ai mae" thug' mung: naon-6 haung" jhao" li" nae" ein: myid: ra". – Ngo naonhaung" we' daga" gyo, yo, lhau" khug: lai nae" myid; to" ra" naonhaung" wa ngo su" qin" ra" shaid' khao: ngo" mae ngo ci nae" aunglam bao" genae" ein: lam" ra". –7 Ngo lai: jao" lo" zo" mae" za: wa naon- haung" re maqhug' nug pe" mung: ga" re8 na nae" ein: myid; lam: ra". – Pentikoti poe bana joe" sho' Ephesu vomo" mae ngo na9 nae". – Khoru: mung: ga" re ngo wa khyao za: zaui: mau" re qo" zaui: nae" kham: dung: bung" jo; ra". Ngo re tam" kyo" mo, re: myo: sho' na: .10 Timoti wa naonhaung" jhao" li" ra" au: magyaug mavae lo: qo" na: qin: nae" tau: yao: re qu" caung: yu ge,. Khoru: mung: ga" re yao: wa AsAng: mau" zo" re ngo khoru: zaui" re khoru: yao: re: airu: bozaui:11 yaug ngaid: ra". – Khag' yang re: gaui qu" ra" khyo: dakaid' ge,. Ngo jhao" qo" joe" li" shao: yao: re yo yo za: dai" ke' ge,. Mao: nhaung: qe we' daga" yao: li" lo nae" re myid; lao" na: ra".12 Ana" mao: nhaung: pho" Apo"lu akhyo mao: nhaung: qe we' daga" yao: nao- nhaung" jhao" li" joe" shao: ngo gyai jhain: va". Ana" au: naonhaung" jhao" yao: dajhid' re: manug; li". Ai qere: dau: ra" ayo, re yao: lo: li" nae".13 Naonhaung" lha" yang: lao" na ge, lam khug khyo mae tang za: ye; jo, ge, yaug gai:14 qam: o: ru: phin: ge, – Ja: khao: ja: ngo" re jhid' myid we' zaui: so" na ge,15 Mao: nhaung: qe we". Stephain mo' wa Akhaya mae saoqhid' shi: meim" ngaid; ra" yao: wa shao gyang" ra" mo; mau" re bao" thaug' nae" ga: yao: nhaung" gaung re qhaug' byid; mo, ngaid ko" ru nao-16 nhaung" ba: ako". – Ai bam ug: gam: ra" qao: mae re: , yao: bam we' daga" mau" vin mo; qao: mae re: na mung: ceim" shid'17 ra" akhyo phug' cao" na ge, . – Stephain: Fotunatu Akhaya bao: re: joe" li" lo geyang:18 ngo wa ngaui bau" ra". – Ngo we' naon- haung" myid; re yao: bam wa lhau: zhung" yaug yo byid' ako". Ai ru: mung: cebam re19 ceim" beim: so" na ge, . – Asia mang: mae" phung: jham naonhaung" re au" ke' ako". Agula we' Priskila tao re: gyai bo: au" ke'20 ako". – Mao:nhaung: qe alhab' mo; geim" wa naonhaung" re au" ke' ako". Shao gyang" ra" bobaug' jho" baug mung: naon- haung" re: dayaug we' dayaug jho" au" na ge, .21 Au" ke' ra" dao: kheim: cegu: re ngo Po"lu wa nga" lo; yang yao: tung" ke' ru22 ngaid: . – Dayaug yaug wa AsAng Yesu Khristu re majhid' de, ai: yaug wa nhang: kheim: phau: veshao: wo". Mo"so wa gyo"23 li" lo: ra". – Nyhao" AsAng Yesu Khristu: jeju wa naonhaung" mae ajo; na veshao:24 wo". – Nga" jhid' de; myid wa Khristu Yesu mae naonhaung" alhab' bam we' daga" ajo, na veshao: wo". Amen.