1 Mao: nhaung: qe we" shaogyang" Solo: jhaung qhu" akhyo re maba lo: naonhaung"2 na genae" rure ngo mamyid: ngaui. – Nao- nhaung" wa qhid' phyao: taung bug byu qe ngaid shi: ko" au: mae nhaid' jid: ra" sulho jham jhao" bobo: lo" ra" akhyo re nao-3 nhaung" ba gau ngaid: ako". – Airu: mung: Mo"so: Solo khyo" yang ta" kyo: mung: khag' re: Yesu re mavae" nhang: ko" ru rere: , Yesu wa Mo"so ngaid: ga" ru shaog- yang" Solo mae mangha lo: khag' re: maqo" ta" ko" ru rere: , naonhaung" ba genae" tau: ngo ba se" nhao: ke' ra".4 Jeju jhaung qhu" aja: ja: jo, ngaid qere:5 Solo wa daso za: ana: ra". – Jham: mho" su we' zaui: nae" mau" khyao aja: ja: jo, ngaid qere: AsAng wa dayaug za: ana: ra". –6 Tha" lhag' zaui: so: nae" mau" zo" aja: ja: jo; bam ngaid qere: , yao" mau" qo" vin vo, nae" tau: qam: o: pin" byid: ru wa Mo"so7 daso za: ngaid: ra". – Byu myo: sho' mo; so' ha" nae" tau: mae" yaug khao: ngo" re Solo wa khyo khe' khao: ngo" qhu" byid'8 na: ra". – Ai mung: Solo wa dayaug re juyi laba lajhao ai: Solo khyo" za: dayaug re ba9 se" juyi byid' to" ra". – Ai: shaogyang" Solo khyo" yang dayaug re lam jang" myid byid' ra". Dam: dayaug re no phyo: qo" pho: gai10 nae" akhang" byid' ra". – Dayaug re mug' pho" ve, lho kaid' qhu" nae" jid , dayaug re lapa pa nae" , dayaug re nhag' myid so ba: kho' khaui: nae" , dayaug re myain" aja: ja: ba: jhau nae" jid , dayaug re lase" ba:11 pheim nae" jid re byid' ra". – Cegu: alhab' wa Solo daso za: khyo" zaui: byid: mung: byu yaug nge, re yao: o ngaui: ra" khyo: jeju jhaung qhu" re byid: gae: ra".12 Khristu: gaung khyao mae adau atam" myo: sho' de; ra" ru we' dau: ra". Byu: gaung khyao mae adau atam" aja: ja: bo ngaid qere: ai jham wa gaung khyao13 dalam: za: ngaid: ra". – Ai we' dakhyo: nyhao:nhaung" alhab' wa Yuda, byu ngaid qere: , Helini' byu ngaid qere: , jeim ngaid qere: , jeim mangaid: yaug ngaid qere: dagaung dasho: za: boe" nae" tau: mae Solo daSo mae za: Babtizan: re khae: yu: bam va" mo, ngaid: . Nyhao:nhaung" alhab' wa Solo daSo mae danhag' lam: mae za:14 ceim" shaug' bam va". – Ai: gaung khyao wa gaung khyae: dadau mae za: de; na: ru mangaid: myo: sho' qhain" to" ru angaid: . –15 Khyid wa ngo lo, mangaid' ru mung: gaung khyao we' pe" matin: ga: mho: re khyid wa gaung khyae: adau mangaid: i"?. –16 No: khye' re: ngo wa myo, jid' mangaid' ru mung: gaung khyao we' pe" matin: ga: mho: re no: khye' wa gaung khyao: adau17 mangaid: i"?. – Dagaung geim" myo, jid' ngaid: re khoru: the' gyo: nae"?. Dagaung: geim" no: khye' ngaid: re khoru: ba: sheim18 nae nae"?. – Airu: mung: Mo"so wa gaung khyao: adau aja: ja: re yao: o: khyo: gaung khyao mae yhaug' to" bam: ru ngaid:19 ra". – Alhab' wa gaung adau daja: za: ngaid: re gaung khyao ga: ru qo" boe" nae"20 mangaid: . – Ana" kam" gaung khyao mae adau atam" jham myo: sho' bo ngaid qere:21 dagaung za: ngaid: . – Myo, jid' wa ngo nao re ma o ga: lo, re magai: mho. Aire" ru: au: re: nao re ngo ma o ga: khyid' re magai: ta" nae". Ai:tho' mae qam: nang" ra" adau atam" jham wa gaungkhyao: tau: so' ha" je:22 qo" byid' ra". – Mavai" zo: za" abang: adau23 jham re: je yang: boe" ra" doe; ra". – Nga: mataung" bo nhohab ngaid: ra" abang: adau jham re: je: nga: bo: ra" ru boe" ra". –24 Nga: bo: ra" abang: adau jham wa getau nga: bo: ra" ja: jham re ma o manug ko"25 ngaid: ra". – Gaung khyao mae yao: cao: majho" kho' lo: abang: adau jham aja: ja: re dau yaung" za: Mo"so myho" gae: yaung: to: mung: ngai: ra" atam" adau jham re je:26 nga: qo" ra" akhyo boe" nhao: ra". – Airu: mung: atam" adau dalam: dayae dayo: no phau: lao" getau: adau jham re: bo: phau: ko" ra". Adau dalam: khin" ru qhug' lao" re: getau: adau jham alhab' re: bo: ngaui27 bau"ako". – Naonhaung" wa Khristu; gaung khyao qe ngaid mung: adau abang:28 jham re: ngaid: ako". – Mo"so wa phung: khug mae" saoqhid' logyo: , shid' ein: ru mae lapa qere , sam mae mho" shid' mo, re , ai: thao mae mug' pho" ve, lho qo" kaid' mo, , no phyo: gai byid: nae" kheim: so' qo" ra" mo, phung: tau qe su re khyo qhid' au: jhui" ba: she mo, , myain" aja: ja: ba: jhau: ra" mo, . alhab' re yao" jo, qo mae29 yao: nha: to" ra". – Phung: byu qe alhab' bam: logyo: ngaid ko" i"? na mae: na wa lapa qe ngaid ko" i"?.Alhab' wa mho" pho" qe ngaid ko" i"?.Alhab' geim" wa mug' pho:30 qo" kaid' qhu" mo, ngaid ko" i"?. – Alhab' bam: geim" wa no re qo" pho: gai mo, za: ngaid ko" i"? Alhab' wa myain" aja: ja: ba: jhau mo, ngaid ko" i"? Alhab' wa lase" ba: pheim mo, za: ngaid ko" i"?.31 Naonhaung" qi" thao" jeju jhaung qhu" re o ngaui: na ge, ai: tho' mae je: gai: ra" daja: re ngo naonhaung" re ta" kyo: shi: nae".