1 Mo"so myid o ngaui: ru we' dakhyo: Yesu Khristu: logyo: Aya: mae nha: to: qhug' ra" ngo Po"lu we' mao: nhaung:2 Sotheni' wa – Khristu mae shao kyang" yu nae" tau: khai: yu qhug' ko" ra" Korinthu mae" Mo"so: phung: mae bobo mo, we' jo, qo khyi" khao: ngo" mae ngonhaung" AsAng Yesu Khristu mang khyao: lao: jhaung: mho' na mo, alhab' bam: re pyang dao: tung"3 vhin: ke' ra". – Ai: AsAng wa ngonhaung" AsAng za: mangaid: naonhaung" AsAng re: ngaid: ra". Yesu Khristu we' pho" Mo"so mae" jeju we' ngaui bau: yaug yo: ru naon- haung" mae ajo; na shao: wo".4 Khristu sagso: wa naonhaung" mae5 zaug: jo; veko" ru mung: – Aja: ja: mae nhaid' sho qam: o: juyi laba lajhao qam: o: naonhaung" mae bo veko" ru ngaid:6 ra". – Khristu mae nao nhaung" re byid' to: va" Mo"so: jeju jhaung qhu" re myid: qu" zo" naonhaung" akhyo Mo"so: jeju7 re caung: khin" na: wo". – Airu: mung: nyhao:nhaung" AsAng Yesu Khristu joe" li" nae" ayo, re myid: nghae" zo" lao" na ko" re pe" jeju jhaung qhu" re: naonhaung" mae maca" lo: .8 Ngonhaung" AsAng Yesu Khristu: ba na mae re: qobo vhin jao: mabo lo: sho' naonhaung" re gang" tang: lo nhao nae". –9 Ngonhaung" AsAng ngaid: ra" yao: zo: Yesu Khristu we' qo" zam" khug: na nae" tau: jeju byid' ra" Mo"so wa lam ga" dang jhaug' yaug ngaid: ra".10 Mao:nhaung: qe we" naonhaung" myain" daja: za: jhau: na yang: nao nhaung" magao: malin lo: za: myid tau" da daja: za: , nhag' lam: dakhe' za: mae gang" tang taung" za: ngaid: na veshao: ein: AsAng Yesu Khristu mang kheim: mae naonhaung" re11 nhug' peim" ke' ra". – Khoru: mung: ga" re naonhaung" yao: cao: mavang" jho" byo; na ko" ra" ga" rure Kaloe: yham byu qe12 ta" geyang: ba: ra". – Ceru: ein: ngo mho nug: ru wa naonhaung" mae ngo wa Po"lu byu ngaid: , ngo wa Apo"lu thao cao" yaug ngaid: , dayaug wa Kepha; byu ngaid: , dam: dayaug wa ngo wa Khristu thao cao" yaug ngaid: ga: ta" geyang: ngo ta" ru13 ngaid: . – Khristu wa akhao: akhyae: jo; jo, va" i"?. Po"lu wa nao nhaung" tau: pyao: mae shid byid: va" i"?. Po"lu mang mae naonhaung" Babtizan: khae: yu veko" i"?.14 Krispu we' Gayu' mae" lai yang: nao nhaung" mae khag' rere: Babtizan: ngo mabyid' ru mung: Mo"so: jeju re caung" ra". Aimung: Po"lu yao" mang khyo" Babti- zan: byid' ra" ga: khag' re: mata" ko" ngaid:15 ra". – Stephain: yham byu qere Babtizan: byid: va". Ai mae" mo, je qere Babtizan:16 byid' ru ngo mabeim: . – Babtizan: re byid: nae" tau: Khristu ngo re nhao: ke' ru mangaid: . Ngaui bau: lau dao: re hau: nae" tau: nhao: ke' ru angaid: . Ai qere: Khristu pyao: zang akeim aseim maboe" veshao: byu qe: laba lajhao juyi re maci lo: cao" hau" qin" ru ngaid:.17 Pe" mung: ga" re jeim" lo" ra" mo; tau: pyao: zang wa ago: mau" zo" ru" ru ngaid: . Khyaid' yu qhug' ra" ngonhaung" tau: kam" ai: akhyo jham wa Mo"so: phung bao18 ngaid: ra". – Ba jhao mo; juyi re ngo phyo' pye' nae" sozo: du" ra" mo, nyain: rere: ngo lhau: phyo' pye' nae" ga: jham: tung" mae19 tung" to" ra". – Airu: mung: juyi ba yaug khai: mae na: i"?. Jham: tung" pho" wa khai: mae na: i"?. Qug: khai: re ba: sho' mo, khai: mae na: i"?. Myid gye; juyi re Mo"so wa adu: adae: poe" pye' va" mangaid:20 i"?. – Khoru: ga" re Mo"so wa juyi: yang tau" phyid' na: ru we' dakhyo: myid gye, wa yao: yao" juyi we' Mo"so re maqo" ba yang: adu: adae: hau" kyo" ra" dao: khyo" lam khug mo, re khyaid' yu nae" Mo"so o21 ngaui: ra". – Yuda, byu qe wa mug' pho" ve, lho re mho' ako". Helini' byu qe wa22 juyi re mho' ako". – Ngonhaung" kam" wa pyao: zang mae shid qhug' va" Khristu: akhyo re hau" kyo" ra". Ai: akhyo jham wa Yuda, qe: tau: tha" lang: jao: ngaid: ra". Taung bug byu qe: tau: kam" wa adu: adae:23 mau" ngaid: ra". – Ngaid qere: khai: yu qhug' ra" Yuda, qe ngaid ngaid Helini' byu ngaid ngaid Mo"so: phung bao we' Mo"so: juyi ein: nae" ru wa Khristu: tarha" ngaid:24 ra". – Mo"so: adu: adae: mau" wa byu: laba lajhao tho' je: juyi bo: ra". Mo"so: qam: nang" ru wa byu qe: qam: o: tho' je yang: bun bo: ashi".25 Mao: nhaung" qe we" khai: yu: ra" akhyo re myid: qu" ge, khai: yu qhug' ra" mo, mae myid gye; juyi ba: ra" byu , kheim: so' bo: ra" byu , zug: jid de; ra" mo,26 myo: sho' mabo ko" ngaid: ra". – Mo"so wa juyi bo: ra" mo, re qho' phyo' nae" ga: myid gye; akhyo mae adu: adae: ngaid: ra" mo, re khyin: yu: ra". Qam: o: kheim: so' bo mo, re qho' phyo' nae" ga: myid gye; akhyo mae qam: nang" ra" mo, re khyin:27 yu: ra". – Ham" hung: bo mo, re qho' phyo' nae" tau: myid gye; akhyo re myaung su , pe" khyag' mathaid' su we' agoe" qere28 khyin: yu: ra". – Airu: mung: Mo"so: qhid' kheim: mae khag' re: ngaid beim: nae"29 akhyo majo, . – Ai: Mo"so khyo" yang naonhaung" wa Yesu Khristu mae na: na veko". Ai: AsAng wa Mo"so: tau" yaung we' dakhyo: nyhao: nhaung" mae juyi din: main" ru shaogyang" ru we' khyin: thug'30 yu: akhyo ngaid: ra". – Ai ru: mung: jham: tung" mae bo: ru we' dakhyo: ngaid beim" ra" yaug wa apyaid ato: Mo"so mae za: ngaid beim" na shao: wo".