1 Ngo wa Khristu; ave, re cao" pyang" na: ru we' dakhyo: naonhaung" re: ngo mae lag yu mung: cao" pyang" na ge, .2 Mao: nhaung" qe we" naonhaung" ja: khao: ngo" mae ngo re beim: so" na gemung: ngo naonhaung" re pyang: to" ra" khang" dao: re phug' myao: taung" cao" na ko" ru: yang: ngo naonhaung" re gyai3 khin" ra" wo". – Yauggai qe: au: wa Khris- tu, ngaid: . Myiqe: qe: au: wa yauggai qe ngaid: Khristu; au: wa Mo"so ngaid: ru re naonhaung" ba veshao: ngo o ngaui: ra". –4 Yaug gai qe yaug khao: ngo" wa jhaung: mho' au: mangaid: lao" lapa pa: au: yao" au: mae au: thab' thab' ci: ngaid: re yao:5 yao" nga: khyoe' ru boe" ra". – Airu: mung: myiqe: yaug khao: ngo" wa jhaung: mho' au: mangaid: lao" lapa pa: na: au: yao" au: manghoe' ci ngaid: re yao: yao" nga: khyoe'6 ru boe" ra". – Myiqe: wa au: manghoe' ci ko" ngaid: re yao" xae qaug: pye' re je: gai: ra". Xae phyid' pye' ru pyaid' sho' qaug: pye' ra" ru qho' phau: ja: jho: ngaid: re wa7 au: thab' thab' ci shao: . – Yaug gai nau" wa Mo"so: khyao dau we' langa; ngaid; ru mung: yao" au: re manghoe' to:ca" myiqe:8 kam" yaug gai: nga: ngaid: ra". – Khoru: mung: ga" re yaug gai wa myiqe: mae" boe" li" ru mangaid; myiqe: kam" wa yaug gai9 mae" boe" li" ru ngaid; ra". – Yaug gai re myiqe: tau: mae" phain" to" ru mangaid: myiqe: re kam" yaug gai: tau: mae" ga:10 phain" so: to" ru ngaid: . – Airu: mung: mug' logyo: qere qu" tau" ke' re myiqe: wa11 yao" au: nghoe' ci: re je: gai: ra". – Ai qere: Mo"so mae yaug gai mabo lo: myiqe: za: wa pe" mangaid: ngaid; ra" myiqe: mabo lo: re: yaug gai za: pe" mangaid; ngaid; ra". –12 Myiqe: wa yaug gai: mathao: yang boe" li" yang: yaug gai re: myiqe" mathao yang ngaid: ra". Ja: nam jab kam" Mo"so khyo"13 boe" li" ru ngaid: . – Myi qe: wa au: mang- hoe' lo: jhaung: mho' re dau madau nyhao"14 akhug mae myid; tau" qu" ge, . – Yaug gai wa xae qhang to" re yao" gaung yao: jung" khyoe' ru ngaid; akhyo re jo, qao: tarha" khyo" mho" shid' na: ra" mangaid: i"?. –15 Myi qe: kam" wa xae qhang to" re yao" langa: ngaid: ra". Khoru: ga" re myiqe" xae wa yao" gaung nghoe' to: shao: ga: yhaug'16 byid' ru ngaid; ra". – Ai qere: dayaug yaug ngag; ha: ru ngaid: re getau: li wa ngon- haung" mae re: Mo"so: phung: akhug mae re: majo, shi: .17 Ngo ana" naonhaung" re mho nug shi" naonhaung" wa je: gai genae" khyo: ceim" zang" qham: li" ko" ru mangaid: lo: za: je: qeim: lo" nae" khyo: ceim" zang" qham geyang: ngo naonhaung" re makhin". –18 Saoqhid' re naonhaung" phung: akhug qham phaung ko" au: yao: cao: yao: mo,19 kho' ko" ga" akhyo the' gyo" ra". – The' gyo" ru we' dakhyo: dang re: adang nae" khoru: ga" re naonhaung" mae gai: ra" byu qe thug' lo" nae" tau: mo, kho' byo: myi"20 ru boe" ca" nae". – Airu: mung: naon- haung" dajo, qo mae za: zang" ham: li" ko" ru AsAng: myi" xeim re zo: nae" ga: zang"21 qham: li" ko" ru mangaid: . – Khoru: ga" re naonhaung" mae" damyo" saoqhid' mae" gyi: gyi: zo" ci mung: damyo" wa shaug' na" ci: ako" damyo" kam" vae: moe; qid22 shab' phau" ako". – Naonhaung" wa zo: shaug' nae"jo, qo yao: yao" yham maqo" ko" i"?. Airu: mangaid: lao" Mo"so: phung: re gaui qu" geyang: myaung mo, re qho' phyo' ko" i"? naonhaung" re ngo khoru: mho yang: qo" khin" nae" yha" ce: akhyo: yang ngo nao-nhaung" re khin" nae"23 mangaid: . – Khoru: ga" re ngo wa AsAng mae" qhug' ge; yu va" we' dakhyo: ai: gu: re naonhaung" jhao" dam: qhaug' byid' ke' ra" AsAng Yesu wa gyevo qe: lo, mae qhaug' ra" myi mae yao: cin main" yho' re24 yu: ra". – Ai mung: yao: wa jeju re caung: yang: cin main" re cug' phai" mung: mho: ru wa naonhaung" tau: byo; qeim: pye' ra" nga" gaung sho: ngaid: yu yang: zo: ge, ngo re myid: beim: nae" tau: cere kaid' na ge,25 ga: mho: ra". – Ai we' dakhyo: keim rere: yu mung: ce:keim wa nga" sa: mae nhae: to" dao:thang: sag' ngaid: . Naonhaung" aire shaug' khao: ngo" ngo re myid: beim:26 nae" tau: kaid' na ge, ga: mho: ra". – Airu: mung: naonhaung' cin main" re zo:mung: keim rere: shaug' khao: ngo" AsAng shid kham: ra" akhyo re myid: beim" na nae" tau: ai: AsAng joe" gyo" li" nae" ba na joe" sho' kaid' na ge, .27 Aimung: khag' ngaid yang: re: mamain: maqi" lo: cin main" we' keim re shaug' ra" yaug AsAng: gaung we' sa: re shaid' nghung:28 yaug boe" ra". – Byu yaug khao: ngo" wa yao: yao" gaung khyao nhag' lam: re myid: ca: qu" yang: cin main" we' keim re zo:29 shaug' veshao: . – Khoru: ga" re mamain: maqi" ru cin main" we' keim re shaug' ra" yaug wa AsAng: gaung khyao re maba: kho' khaui: yang: yao: yao" adao mae qobo boe" nae" zo: shaug' ra" yaug ngaid: ra". –30 Airu: mung: naonhaung" mae myo: sho' mo, wa qam: nang" ru we' maqao" maqo, bo gemung: gyai laug sho' wa kao seim31 byaug: veko". – Nyhao:nhaung" wa yao: yao" gaung re shi" saoqhid' ca: qu" ngaid: re Mo"so: yang dao: phyid' ru maqhug'32 genae" ngaid: ra". – Dao: phyid' ru qhug' ra" au: myid gye; byu qe we' daga" dao: phyid' ru maqhug' veshao: ein: AsAng: yang qobo dae byid' ru maqhug' nae" tau: mho"33 shid' ru qhug' na: bam: ra". – Airu: mung: mao:nhaung: qe we" naonhaung" AsAng: myi" xeim zo: nae" tau: ham phaung: na ko" au: yao: cao: dayaug we' dayaug jho"34 qham" ge, . – Naonhaung" ham phaung: ru mae Mo"so: dao: phyid' ru naonhaung" maqhug' genae" tau: vae: moe; yaug wa yao" yham mae" zo" yu veshao: . Getau: khyo jham we' tin: yang: wa ngo joe" li" lao" za: li" sho' nae".