1 Ana" naonhaung" ngo re tung" byid' ke' ko" akhyo wa yaug gai wa myi: mayu2 lo: na: ru wa gai: ra". – Ngaid qere: magai: ra" phavae mau" mae mazao" nyain: vho: nae" khyo: yaug gai khao: ngo" yham sang myhi" yu shao: . Myiqe: khao: ngo" re:3 yaug gai yu veshao: . – Yaug gai wa li jo; ru we' dakhyo: yham sang myhi" we' zam" na veshao: . Aire" ru: myiqe: re: yham sang4 pho" we' zam" khug: na veshao: . – Myiqe: wa yao" gaung masang yaug gai she, asang: ra". Ai we' dakhyo: yaug gai re: yao" gaung5 yao: masang myiqe: she, asang: ra". – Yao: cao: myiqe: yaug gai gaung sho: zam" ra" li re daha dajao" ge, . Naonhaung" byin qham: nyang yang: jhaung: mho' nae" tau: tau" da: to" ayo, gu: mae kam" gai: jao" na: ra". Aire" ru: jao" ru mae naonhaung" gaung sho: zam" khyo maqo" zang: yang: satain" yang ju" phyo' ru ma qhug' nae" tau: ai : ayo, akhin: lai lao" azhao: mae" we' dakhyo: gaung sho: dam: zam" na6 ge, . – Ngo naonhaung" re ceru: ta" ru wa amyin" byid' ru mangaid: akhang" byid' ra"7 khyo" za: angaid: . – Xaosu byu alhab' wa ngo we' dakhyo: qo" na ko" re wa ngo je: o ngaui: ra". Aiqere: byu yaug khao: ngo" wa Mo"so byid: gae: ra" jeju dayaug daja: khyo" qo" khae: yu: ra".8 Airu: mung: yham sang myhi" maqo" ra" mo, we' cug' mo" qere mho nug: ru wa9 ngo re" ru: na ko" re wa gai: ra". – Ai qere: gaung sho: shaid' mae maqo" zang: ko" re wa myi: vhin" lo, xo' yu ge, . Gaung sho: shab' mhin: na: nae" tho' myi: vhin" yu: ru wa je: gai: ra".10 Yham sang pho" qo" mo, re mho nug: ru za: mangaid: AsAng khang" to" ru wa yao: yao" yham sang pho" we' magao: lo:11 na shao: ga: bo: ra". – Kao" pye' lao" wa lao maqo" lo: na shao: . Airu: mangaid: lao" kao" pye' va" yaug gai we' dam: zam" na shao: . Yaug gai re: yao" myiqe: re12 dakao" pye' ge, . – Dang: ra" gu: re Mo"so mamho: . to: qere: ngo khang" to" ru wa naonhaung" dayaug yaug malam khug: ra" yham sang myhi" qo" mung: ai: myiqe: wa yao: yao" yham sang pho" we' na nug:13 ngaid: re dakao: ge, . – Ai: re" khyo: myiqe: re: malam khug: ra" yham sang pho" qo" mung: ai: yaug gai we' daga" na nug: ngaid:14 re ai: yaug gai re dakao" pye' ge, . – Pe" mung: ga" re malam khug: ra" yaug gai wa yao" yham sang myhi" tau: shaogyang" ra". Malam khug: ra" myiqe: re: yao" yham sang pho" tau: shaogyang" ra". Ai ru: mangaid: lao" naonhaung" yao: zo: qe wa mashao15 gyang". Ana" kam" shao gyang" veko". – Ai qere: malam khug yaug gao" lo" nug: ngaid: re gao" lo" veshao: . Airu" mae myiqe: ngaid ngaid yaug gai ngaid ngaid jho" tam" to: nae" akhyo majo, . Nyhao:nhaung" wa nyang vang" taung" na genae" tau: Mo"so16 khang" dao: to" to: va". – Myiqe: myhi" we" ni" yham sang pho" re khyaid' yu nae" maqo" khyaid' yu nae" rure nao khoru: qo" ba:? Aire" khyo: yaug gai we" ni" yham sang myhi" re qo" lhoe' yu nae" maqo" khyaid' yu nae" ein: rure nao khoru: qo" ba nae" i"?.17 Mo"so wa byu yaug nge, re Mo"so myho" gae byid' to" ru we' dakhyo: ai: AsAng: yang yaug khao: ngo" re khai: yu: ru we' daru: za: yaug nge, cao" na ge, phung: khao: ngo" mae ce: dao: kheim: ngo ta"18 to: va". – Nyaug phyid' khae: yu va" yaug khai: yu: ru qhug' ngaid: re. Nyaug phyid' li re dajao" pye'. Nyaug phyid' ru makhae: yu shi" ra" yaug re: khai: yu: jeju qhug' ngaid:19 re nyaug dadam: phyid' lo: . – Nyaug phyid' ra" akhyo re khae: yu makhae: yu ein: ru wa mayhau: gyin: ngaid: ra". Mo"so: khang" dao: cao" pyang" nae" she, jeju qo"20 nae" ru ngaid: ra". – Yaug khao: ngo" wa Mo"so: yang khai: yu qhug' ra" au: mae pe"21 ru: ngaid: ru airu: yao: na shao: . – Nao wa su: jeim ngaid: na: au: Mo"so: yang khai: yu qhug' re pe" dagaung yug , ngaid qere: nao jeim mae" loe, nae" akhyo: myao:re22 loe, nae" khyo: qam: ke' wa, . – Pe" mung: ein: re jeim ngaid: na: au: khai: yu qhug' yaug wa Mo"so: khug mae loe; beim su ngaid va".Aire" ru: loe; beim qhug' na: au: khai: yu qhug' ra" yaug wa Khristu; khug23 mae jeim ngaid: ra". – Naonhaung" wa aphug' byid: yang: vai: to: va" mo, ngaid24 mung: byu qe: jeim dadoe, lo: ge, . – Mao: nhaung: qe we" naonhaung" re pe" ru" ru mae" khai: yu qhug' ko" re airu" mae yao: Mo"so we' zam" khug: na ge, .25 Tang: shain" qe we' tin: yang: Mo"so mae" khang" dao: ngo maqo" qere: lam: lang" yaug boe" shao: ein: AsAng: jeju re khae: yu va" yaug ru: ngo mho: ke' ra". –26 Ngo mho nug: ru wa ana" ta mae" qug: khai: mathao mae myi: mayu lo: na: re je:27 gai: ra". – Nao yham sang myhi" qo" va" lao" wa kao" pye' nae" ein: damyid lo: . Yham sang myhi" re kao" pye' lao" getau28 dayaug daqho lo: . – Nao yham sang myhi" na: ngaid: re qobo mathe' myao. Yaug gai maqo" qu" shi" myiqe: re: yaug gai yu: ru qobo mangaid: . Ai qere: airu: kaid' mo, wa myid gye; kyi" khyag' qug: khai: phau: ca" genae". Ngo wa ai ru" mae" loe; beim29 nhao nug: ra". – Mao: nhaung: qe we" ce: akhyo ta" shid' ru ayo, akhin: wa jhe' lo: ava" mung: yham sang myhi" qo" ra" yaug30 wa maqo" yaug ru: boe" nae". – Ngug: yoe" qin" ra" yaug wa mangug yaug re" ru: , ngaui bau: yaug wa mangaui bau: yaug re" ru: , jo, nho" zai yo vai yaug wa myaung31 sho: mo, re" ru: boe" nae". – Ce: myidkin: jo, nho" re ci yhung: mo, wa maci yhung: mo, re" ru: ngaid nae". Pe" mung: ein: re ce: myidkin mae" na khyao: ye, khyao: wa32 qui" laui" lo" byaug nam ngaid: ra". – Ngo naonhaung" re myid: qug: myid: ci" ru mae" loe; beim nhao nug: ra". Ug' khug' mavai" mo, wa AsAng re khoru: nhag' dag nhao nae" laug ga: AsAng we' tin" ra" ja: jham33 re za: caung da" ba: ra". – Ug' khug' vai" yang: na yaug wa yao" yham sang myhi" re ngaui bau: nhao nug: ru yang myidkin we' tin" ra" ja: jham re za: myid: lha" ba: ra". –34 Ai we' dakhyo: ug' khug' mavai" ra" myiqe: we' yham khaung: myhi" zang wa jho" shai" ra". Ug' khug' mavai" ra" myiqe: wa yao" gaung khyao we' solo shid' ja: geim" shaogyang" veshao: ga: AsAng: mau" zo" re za: myid zang: zaug: ra". Yham khaung: myhi" zang kam" yao" yham sang pho" re khoru: nhag' qo" dag nhao nae" laug ga: ce: myidkin dao mae" suna re za: myid: ci" na:35 ra". – Ngo ceru: mho: ru wa naonhaung" so' ha" genae" tau: ngaid: . Naonhaung" re nhaung" khoe' nhao nug yang: mangaid: . Naonhaung" nyang vang" taung" nhag' lam: mabyo, lo: khonhae" re: Mo"so: mau" zaui" na genae" tau: mho: ru ngaid:.36 Zomyi: dayaug wa ug' khug' mavai" lo: na: sin: lo" re madau ngaid: ra" ga: ai: zomyi: re o yaug myid: nghae" ngaid: re wa akhyo: vao kaid' shao: . Airu: vhao" yu: ru37 wa qobo maboe" ngaid: ra". – Ngaid qere: yaug gai wa khag' yang majhain: lo: vhao" yu nae" ga: yao: yao" nhag' lam: mae myid: phyid' to: gau ngaid: re yao: wa ai: myiqe: nau" re myi: vhin" yu: ru wa je: gai: ra". –38 Airu: mung: myi: vhin" yu yaug wa agai kaid' ru ngaid va". Myi: mayu lo: qo" na yaug wa je: gai: ra".39 Yham sang myhi" wa yao" yham sang pho" na au: taui: vhe' to" ra". Yham sang pho" shid: byaug lao" kam" wa yao: myid vang" ra" getau dayaug we' ug' khug' gai: vai" ra". Airu: ngaid yang: re: AsAng mae40 za: gang" tang: na ca" ra". – Ngaid qere: yao: wa yham madam: qo" lo: na: jo; re wa je: yaug yo: ru we' nga: lho" nae" ngaid: ra".Ngo re: Mo"so: Solo qo" yu yaug ngaid: ein: myid: nghae" ra".