1 Naonhaung" phavae mau" zaui" na ko" ra" ga: ta" hau" na: ako". Taung bug: byu qe mae lao" maboe" qu" ja: nao- nhaung" mae boe" na ko" ga" ru ngo the' gyo" ra". Yaug gai nau" qe wa yao: pho" myiqe: cug' re jhui" na: ga" lau dao: ngaid:2 ra". – Naonhaung" wa gaung yug ca" ra" ru mae myid: nghao" na shi: ko" i"? Airu: kaid' yaug re naonhaung" phaung mae" nhag' makhyag' lo: khe' thug' pye'3 ge, . – Ai ru: mung: ngo naonhaung" we' gaungsho: mae va" na qere: Solo khyo" wa mava" lin. Ngo yao: naonhaung" we' daga" na: re re" ru: ai: nyain: vho" ra" yaug re4 ana" yao: dao: phyid' pye' naeva". – Dao: phyid' ra" akhyo kam" ngonhaung" AsAng Khristu: akho: akhang" khyo" yang nao- nhaung" nga" Solo we' daga" bin: qham phaung thao nyhao:nhaung" AsAng Yesu5 phungbao re ngha yang: – Ai: yaug: Solo wa Yesu Khristu; ba na mae khyaid' yu: ru qhug' nae" tau: yao" gaung khyao byo, qeim: ra" khyo satain" lo, mae qhaug': ke'6 ge, ein: ngo mho nug: ra". – Naonhaung" ngaid beim: nghao" na: ru wa gai: ra" mau" mangaid: .Dajhid' za" main" phaui: wa cin main" bam geim" re ngae: bai" li" nhao: ru7 naonhaung" maba ko" i"?. – Naonhaung" mae main" mabo ko" we' dakhyo: main" axug' re shepye' pye' ge, Asag' main" jam: boe" nae" khoru: ga" re Khristu ga" ra" nyhao: nhaung" lai loe, yao nau" wa nyhao:8 nhaung" tau: xeim: ngaui" pye' va". – Ai ru: mung: anyain: avho: mung: ra" main" xug' re shelhaui" pye' mung: main" mabo: cin main" ga" ra" nhag' lam: phyu: ru , dao: so: dang: ru we' poe kaid' gelang: .9 Naonhaung" tarha" mavao: ra" phavae: khyo mae nyain: vho" na mo, we' mazam" genae" tau: qhid' phyao: mae" phyo: mho"10 dao: mae tung" ke' va". – Aire" ru: tung" ke' qere: magai: ra" phavae mau" mae bo: nhaung" khoe' na: ru , myo, no, o: byid: ru , lhaid' zo: vhain" zo" ru , sulho re goe; pa" ru , cejham re zaui: so" na ko" ra" myid gye, byu jham we' dajhid' re: magai: zam" ein: mata". Airu: ngaid lao" wa naonhaung" ce: myid gye, mae" phao: thug' lo" ca" li"11 genae". – Ana" wa mao: nhaung: ein: mho nae" yaug lam: magai: phavae mau" mae au: am" na: ru , myo, no, o: byid: ru , sulho goe; pa" ru , gaui mho shao" pyao: ru , lhaid' zo: lhaid' shaug' ru airu: kaid' yaug we' magai: zam" khug: ru za: mangaid: zo" ya: yhid nam daga" qhain: zo: qhain: shaug' ru magai: kaid' ein: khang" dao: tung" ke'12 ra". – Ngha mae na mo, re dao: phyid' nae" ngo we' matin: akhug: byu qere wa naonhaung" gai: mho" shid' genae" ngaid:13 ra". – Ngha byu qere wa Mo"so dao: phyid' li" nae" ngaid: ru mung: ai: makhyang" ra" byu qere naonhaung" akhug mae" khe' thug' pye' ge, .