1 Byu qe wa ngonhaung" re Khristu: daui mung mo, we' Mo"so: akao" dai kham2 zam: su qe ga: jho vegeshao: . – Ai mae" daja: wa zai zam: ga" yaug wa vin tang:3 jhaug' zaug ca" ra". – Naonhaung" we' mo, je byu qe wa ngo re dao: so: maza- ung yaug ga: tau" phyid' gengaid qere: ngo pe" shui manho. Nga" gaung re ngo matau"4 phyid' qu". – Pe" mung: ga" re ngo yao" gaung ngo yao: qobo mavae" vhin: ru beim: ngaid yang: re: qobo maqo" ein: maqo" tau" phyid' ngo re tau" phyid' nae" ru wa Mo"so5 ngaid: ra". – Airu: mung: ayo, majoe" shi: re mug: caid' khug mae nghoe' to" ra" ja: re phung" qhu" ke' mung: aung khug mae myid: yaung: to" ra" ja: re paui: qhu" nae" AsAng joe" li" nae". Ai: ayo, majoe" shi: re dao: dajho" phyid' ge, Yao: joe" li" lao" yaug khao: ngo" re caung: khin: ru jo, lao: nae".6 Mao: nhaung: qe we" , naonhaung" wa jham: dao: mae maze: lo" nae" we' su geje re maphug' myao: ca" ga: ba: gyo" lo" genae" we' nhag' lam: qi: ngaid beim: yang: dayaug we' zam" khug dayaug re manug: ru maboe" veshao: ein: ngo we' Apo"lu akhyo re dao: tau" khyo" ta" kyo"7 ru ngaid: . – Khoyaug lam: naonhaung" re jho" shai" nhao: ra"? su: lo, mae" maqhug' yu shi" ru daja: ja: jo, shi: ko" i"? qo" khae: yu va" ru maqhug' khae: yu shi" yaug ru:8 pe" mung: phug: laung" na ko" i"?. – Ana" naonhaung" jo, nho" qo" veko". Ngaui re: qo" veko". Ngonhaung" mana: au: naon- haung" zug: zaung: na veko". Ngonhaung" re: naonhaung" we' daga" qhug' zug: nae" tau: naonhaung" re zug: boe" nhao nug:9 ra". – Pe" mung: ga" re se' nae" taui" to" ra" mo, ru: Mo"so wa logyo: qe ngaid: ra" ngonhaung" re lo" thao" mae phoe' qhu" li" nae" ein: ngo jho: ra". Ngonhaung" wa myid: gye, byu qe we' mug: logyo: qe: qhid' kheim: mae ceim" qu" zhaug' to:10 mo, ngaid: bam va". – Ngonhaung" wa Khristu mathao: yang byu vhang: ngaid: ra". Naonhaung" kam" wa Khristu mae juyi ba mo, ngaid: ako". Ngonhaung" wa qam: nang" ra" byu qe naonhaung" wa qam: o: phungbao ham" hung: bo: ra" byu qe11 ngaid: ako". – Ngonhaung" wa qho' phyo' ru phau" ra" mo, ngaid mung: ana" re: moe, shab' phau" ru , mai bau: xug' khye' maqo" ru , se' da: be, khyaid' ru qhug'12 ra". – Ngonhaung" wa na ye, majhao mo, yao: yao" lo; yang zaui: zo: mo, ngaid: bam va". Jung" khyoe' qhug' au: min gam byid: pyam" yhin" ko" au: zang: qhao" mo, boe"13 na: bam va". – Jung" khyoe' qhug' lao" ngonhaung" wa nau" nhae" za: dam: tug' jhau: ra". Ana" joe" myid gye, mae" maca' majhaid' ru , jo, qo khao: ngo" mae" boe, said re" ru: sham" khyo" pye' ru boe" na: bam: ra".14 Naonhaung" qho' phau: veshao: ein: ngo ce: ru: tung" ru mangaid:.Ngo wa naonhaung" re nga" jhid' de; zo: dau: qeru:15 myid yang: ta" peim" ru angaid:. – Nao- nhaung" mae Khristu: akhyo mho" shid' byid' ra" mho" su datug yaug na ngaid qere: Pho" ga: ru myo: sho' mana ngaui bau: lau dao: khyo" yang ngo naonhaung" re Khristu16 mae khau: ke' va". – Airu: mung: ngo zaui: so" lo: ru we' dakhyo: naonhaung" re: zaui: so: genae" tau: ngo nhug' peim" ke' ra". –17 Ai: akhyo jham: mathao: yang Mo"so mae lam: lang" ra" ngo jhid' de; ra" zo: Timoti re naonhaung" jhao" nhao: ke' ra". Yao: wa jo, qo khao: ngo" mae" phung: alhab' re ngo mho" shid' re" ru: Khristu Yesu mae ngo zaui" lo: ave, jham re nao nhaung" xam: geshao: yao: wa ta" peim" li" nae". –18 Naonhaung" jhao" ngo yao: wa mali" ga: jho mung: daqhae: ngaid beim" akhyo boe"19 byaug veko". – Ai qere: Mo"so o ngaui: re wa mataung" myao" re ngo naonhaung" jhao" li" nae". Alao" ngaid beim" ra" mo; dao: thoe re za: mangaid: yao: bam: qam: so' rere: ngo yao: myao: ba: yu nae". –20 Pe" mung: ga" re Mo"so: mang: din" wa dao: thoe kheim: mae gang" tang: jo; ru mangaid: phungbao mae gang" tang: jo, ru21 angaid:. – Naonhaung" pe" nam re o ngaui ko"? Ngo vose: ci yang: li" nae" rure o ko" i"?. Mangaid: lao" jhid' de, nau" nhae" myid khyo" li" nae" o ko" i"? Kholam: re o ko"?.