1 Jhid' kao: khyo re cao" qho: na ge, Solo jhaung qhu" re o ngaui ko" ru mae lapa pa:2 ra" jid re je: yang: o ngaui ge,. – Khoru: ga" re byu dayaug wa geja" myain" jhau: re yao: wa byu qere mata" lo: Mo"so re za: ajhau: ra" pe" mung: ga" re yao" dao: kao" ano, re su: yang maba: gyo: byid; ko" ngaid; ra". –3 Lapa pa: ra" yaug kam" wa zhaug' tang: ra" dao: , qam: byid: mho" shid' ra" dao: , yaug4 yo nhao: ra" dao: jham re ta" ra". – Geja" myain" re jhau: ra" yaug wa yao" gaung: tau: mae" za: ngaid; ra" lapa pa: ra" yaug kam" wa phung: re jhui" zhaug' tang: ra". –5 Naonhaung" alhab' bam: getau: myain" ba: jhau genae" re ngo ngaui: ra". Lapa ba: pa genae" re je yang: ngaui: ra". Khoru: ga" re getau: myain" ba: jhau yaug wa phung: re zhaug' tang nae" dao: kao re maqo" pheim: qhu" ru mung: ai: yaug tho' lapa pa yaug6 wa je: qi" ra". – Mao: nhaung: qe we" ngo naonhaung" jhao" li" mung: aja: ja" myain" jhau qere: , lamyhung" pheim: ra" dao: , ba: kho' khaui" yu: ra" dao: , lapa dao: we' mho" shid' ra" dao: , naonhaung" re mata" kyo: re naonhaung" tau: pe" so'7 ha" bo nae" i"?. – So' mabo: ra" zai jham thoe thug' ra" ja: khulhao: we' tang: ru" ru mae lao" thoe dakheim: we' dakheim: jho" shai" ru mabo lao" pe" re maid: myhang" ru pe" re be; myhang" ein: ba: gyo" kho'8 nae"?. – Labo" re: phyid' phyid' kho' kho' mamyang: thug' kyo: re gye zin: to" ca" va"9 ga: khoyaug ba: seim" nyhang" nae". – Ai we' dakhyo: naonhaung" re: naonhaung" yao: jhau: ra" myain" khyo" phyid' kho' taung" de: de: za: majhau: kyo: re naon- haung" wa pe" nam re jhau: ein: khoyaug ba: gyo" se" nae"? la dao mae jhau: pye' ru10 za: boe" byaug nae". – Myid gaung: dao mae myain" thoe aja: ja: jo, ngaid qere: thoe ja: khao: ngo" wa pe" re mho nug; ru11 ba: gyo" kho' gau ngaid; ra". – Airu: mung: myain" thoe lase" ngo maba: gyo: re wa dao: jhau yaug; qhid' kheim: mae byu: jeim ru: ngo boe'' mung: nga" qhid' kheim: mae re: dao: jhau yaug wa byu: jeim boe" ra". –12 Airu: mung: naonhaung" Solo: jhaung qhu" re kao bau o: na ko" ru mae ai: phung: re qo" qi" qhang nae" ja: re za: o ngaui: na13 ge, . – Airu: mung: su maba: gyo" ra" myain" thoe re jhau yaug wa mho nug: ru lase" re ba: pheim: kyo: nae" tau: jhaung:14 mho' ge, . – Khoru: mung: ga" re ngo maba: gyo" ra" myain" khyo" jhaung: mho' ngaid: re nga" nhag' lam: wa jhaung: mho' va" ngaid yang: re: ngo ba se" myid wa so'15 ha" mabo. – Ailao" pe" ru: kaid' nae" i"?. Nhag' khug mae re: ba se" myid khyo" re:16 caung: nghaui" nae". – Airu: mangaid: lao" nao nhag' khug khyo" jeju caung: nghaui" au: maba: gyo: yaug bo: re ni" dao: kheim: maba: gyo: yang: jeju caung" ra" thoe gyo" cao" mung: Amen ga" ra" thoe pe" ru: ba:17 mho: ke' nae" yha". – Nao yao: wa jeju dang dang caung" ru ngaid qere: geyaug;18 tau: mae" pe" maso' ha". – Naonhaung" alhab' mo; tho' myain" aja: ja: je: ba: jhau: ru mung: Mo"so re ngo jeju so" ra". –19 Ngaid yang: re: phung: akhug mae getau aja: ja: myain" khyo" dao: datug kheim: qo" jhau: ke' ra" tho' su re mho" shid' ru mae dao: ngo" kheim: re ba: gyo: nae" khyo:20 qo" jhau nae" ngo je: qam: ke' ra". – Mao: nhaung: qe we" juyi khyo" myid; yaung: ru mae zoshao maboe" gejhao" mashab: ru mae kam" zoshao ru: boe" na gelang: myid: yaung: mau" mae kam" wa ade, qe ru: boe"21 gelang: wo". – Ai: khang" dao: mae tung" to" ru wa nga" byu qe re getau labug byu qe: sho we' nhaid' dao: thoe khyo" ngo jhau nae". Ai qere: yao: bam matae" gyo: ko" ga:22 apyaid ato: Mo"so mho: ra". – Airu: mung: myain" aja: ja: jhau: ra" ru wa lam jang" va" mo; tau: pe" ve, lho maboe" malam khug shi" mo; tau: mae" kam" wa ve, lho boe" ra". Lapa pa: ra" mau" kam" malam khug mo; tau: mangaid: lam khug va" mo,23 tau: ngaid: ra". – Airu: mung: phung: zo: ngaid va" mo, qham phaung: na ko" mo, alhab' geim" wa aja: ja: myain" jhau ko" ngaid: re maba: gyo: mo, malam jang" mo, vao li" yang: tae" gyo" ngaid: re yao: bam wa naonhaung" re ago qe ga: mho genae"24 mangaid: i"?. – Airu: mangaid: lao" phung: vao byu alhab' bam: lapa pa: na ko" ngaid; re malam jang" yaug maba: gyo: yaug vao li" re phung: vao byu alhab' mo; khyo" yao" qobo ta" shid' ngaid; re yao: re mho" shid'25 ru yao: ba: gyo" yu: ra". – Ailao" yao" aung khug mae zug' nyham" to" ra" ja: khao: ngo" pheim: qhu" mung: yao: wa goe; pa" lo: ru we' Mo"so re lam jang" lo: li" nae" Mo"so wa naonhaung" mae dang dang na: ra" khyo re sagso: qhu'' ru boe" nae".26 Mao: nhaung: qe we" alao" pe" ru: ein: ta" nae" naonhaung" zang" qham: na ko" au: ba: caung: yaug ba: mho" shid' yaug myo, myhung" qo" myao yaug getau: myain" ba: jhau yaug we' yao" lase" ba: pheim: ra" yaug ceru: aja: ja: na: ru mung: mau" zo" alhab' mae zhaug' tang nae" tau:27 qam: ke' ge, – Getau: myain" ba: jhau: ru bo: re shid' yaug sam yaug mae" maje shao: ai: mae dayaug yaug wa dao: kao ai: gu:28 re pheim: kyo: veshao: . – Dao: pheim: kyo: nae" byu mana: dau ngaid: re yao: wa phung: khug mae sae za: na mung: Mo"so29 we' za: jho" jhau veshao: . – Lapa shid' sam yaug kho pa: na mung: gegu: damyo"30 wa gyo" tau" vegeshao: . – Zaung: na ko" mae" dayaug re daja: ja: phung" qhu" ru ngaid: re saoqhid' jhau: na yaug wa tae" lo"31 veshao: . – Pe" mung: ga" re alhab' bam: wa mho" shid' ru the' khae: yu genae" we' alhab' bam: wa ta" peim" ru the' khae: yu genae" tau: naonhaung" alhab' bam: wa dayaug: thao dayaug lapa pa: ru ngaid:32 ra". – Lapa qe wa yao: yao" solo re qo"33 aung: ako". – Mo"so wa anhaung" akhoe' Mo"so mangaid: lo: yaug yo: khyo AsAng Mo"so ngaid: ra". Shaogyang" ra" phung: alhab' mae ngaid: na: we' dakhyo: –34 Myiqe: qe wa phung: khug mae sae za: na: na veshao: khoru: ga" re yao: bam wa jhau nae" akhang" maqo" ko" khang" dao: tarha" mho: to" ru we' dakhyo: yao: bam wa yauggai qe ug gam: ru mae na ca" ra". –35 Yao: bam daja: ja: mho" xeim: yu nug ko" ngaid: re yham mae yaug gai bam re myid' yu veshao: myiqe: wa ai: phung: mae mho" shid' re qho' ja: ngaid: ra".36 Aire Mo"so: mung dao: wa naon- haung" mae" thug' li" ru ngaid; i"? naon- haung" mae lam: joe" li" ru ngaid; i"?. –37 Ngo naonhaung" jhao" tung" vhin: ke' ra" dao: wa Mo"so: khang" dao: ngaid; ra" akhyo re lapa ngaid: ra" yaug mangaid: lao" Solo jhaung qhu" qo" ra" yaug wa khae: yu veshao: maba: ra" yaug kam" maba: ru: na38 veshao: . – Mao: nhaung" qe we" lapa pa nae" ein: kao bau: na ge, .39 Getau: myain" jhau: ra" khyo rere:40 datam" pye' ge, . – Ja: nam jab alhab' wa dau nyang: ra" khyo" boe" na: ru: cao" na ge, .