1 Ngo wa byumyu" cao jab myain" we' mug: logyo: myain" re ba: jhau qere: ngo mae jhid' kao myid mabo lao" wa myang:2 ra" daoso jhe' cang" we' za: dau: ra". – Lapa ba: pa ngaid qere: dao: no, lase" ba: pheim: ru we' laba lajhao ja: khao: ngo" qo" mung: bam jham re lao" qo" qhui: nae" lam khug; myid bo ngaid qere: jhid' kao: myid mabo3 re wa akeim aseim za: angaid: . – Nga" jo, nho" su re bin sho' gae byid; mung: nga" gaung re lao" ngha" pye' nae" qhi" qhaug' ngaid qere: jhid' kao myid mabo: re wa4 ngo pe" so' ha" mabo. – Jhid' kao khyo wa nhag' lam: qhang: ra" , nhag' nug' cug: ra" , jhid' myid wa mai qhi" nae" ga" khyo mabo, ngaid beim" myid mabo, nhag' lam:5 mamyhao. – Ave, made, makaid' , yao" so' ha" re maqho , nhag' jam: maba: yo: ,6 qobo bo: ga: mamyid: yu. – Magai: ja: mae mabo ngaui bau: dang main" khyo mae za:7 bo: ngaui bau". – Ja: nam jab . alhab' re qo" nghoe' to" ra" , ja: cao jab re myid; nghae"8 ra" , ja: cao mae zang: qhao" ra". – Jhid' kao khyo wa byo; baui" ga" ru khonhae" re: majo, , lapa: nyain: re: , aja: ja" myain" ba: jhau: ru re: , ba jhao juyi re: byo; baui"9 lo" nae". – Ana" kam" nyhao:nhaung" wa athaung: aphag' za: aba: , majab maby-10 ang" ra" khyo" za: lapa aba: pa: ra". – Jab sho' qo" ba mae"lao" kam" wa maba mase" mavai" mathao za" jham wa baui" lo" byaug11 nae". – Ngo wa zoshao: ta mae zoshao ru: dao: jhau: ra" zoshao ru: myid; ra" zoshao ru: tau" lag: ra". Ngaid qere: kao qi" lo lao" kam" wa zoshao: angau: to" pye' va". –12 Ana" au: nyhao:nhaung" wa bao tang" re" ru: qab qab za: amyao: na shi" thao lao" kam" wa de: de: bao bao the' myao nae". Ana" au: ngo ba: ru myao: ru majab shi: thao lao" kam" su ngo re myao: ru ba13 se" nae". – Ana" kam" lam khug: khyo , myid: nghae" khyo, jhid' kao khyo ce sam ja: dang: jo; ra".Ce sam ja: mae" jhid' kao: khyo wa qi" thao" ngaid: ava".