1 Nga" gaung ngo ba: ra" nhag' lam: shaogyang" Solo sagso: bo: kham: ra". Ngo mamhug' Khristu: qhid' kheim: mae dang:2 ra" dao: re ta" ra". – Ngo nhag' myid khug mae nhag' kaug' nhag' ngai mung: abang mabyid nhag' no: ru we' ta" kyo" ru wa –3 Gaung sho: khyo" ngo yao" mao: nhaung: qe ngaid: ra" ngo yao" amyu" qe: tau: Yesu Khristu we' gao: lin mung: Mo"so: nhang: kheim: lao" re: khae: yu nug: ein: myid:4 ra". – Yao: bam wa Mo"so: byu qe ngaid: ako" Mo"so wa yao: bam re yao: zo: toe' yu: ru we' phung bao yao: bam re qhaug' byid' ra". Yao: bam we' dao: thang" to:5 mung: tarha" re byid' to" ra". – Yao: bam wa phug' pho" qe mae" myhung: gyo" lo mo, ngaid: ako". Khristu re: Sosu byu khyo" yao: bam: amyu" khug mae bobo: ra". Alhab' re ug: na: ra" Mo"so wa nga: lho" shao: wo". Gaigai: nga: lho" shao: Amen.6 Mo"so: dao: so: wa madang main:7 ein: ta" ru mangaid: . – Israel mae" gyo" lo: ra" mo, alhab' Israel zo: gyang" qe mangaid: .Pe" mung: ga" re Isag' mae" she, ni" amyug: ashi: ein: mhang" yu nae" ga:8 mho: to" ra". – Ta" nug: ru wa gaung sho: khyo" khau: li" ra" zo: dau qe wa Mo"so: zo: dau qe mangaid: ko" ngaid: ra". Mo"so: dao: so: khyo" khau: li" ra" zo: dau qe re za: zo: gyang" dau lho" khyo" nghae" yu:9 ru qhug' ako". – Khoru: mung: ga" re ana" mae" thoegu: ngo dam: joe" li" lao" Sa:ra: wa yaug gai zo: khau: li" nae" ga: dao:10 so: byid' ra". – Ai za: lao" mangaid: shi: nyhao:nhaung" pho" Isag' khyo" mung:11 Rebedkha: re: ve, vin: li" mung: – Zo:tao lao" makhau shi: re zo:tao gai: ru magai: ru maba: kaid' shi: ko" mae" zaui: mau" khyo" mangaid: . Mo"so o ngaui: ra" khyo" khyin: yu: to" akhyo wa dang jhaug' shao:12 ga: qhu" ru ngaid: ra". – Ai mung: mao: mo" yaug wa yao: nhaung: mae jeim boe" ca" nae" ga: yao: myhi" re mho: to" ashi". –13 Jham: tung" mae ngo wa Yaku' re jhid' de, mung: Eso" re ngo ma o ga: ta" to" ra".14 Airu: mung: Mo"so wa matarha" ngaid:15 ra" ein: ta" nae" i"? airu: magai: ta". – Kho ru: mung: ga" re Mo"so wa Moshe re ngo jeju kaid' nug: ra". Ngo nhag' myain: nug: ra" yaug re nhag' myain: nae" ga: mho: to"16 ra". – Aimung: o ngaui su re: qo" tho' poe" yu: ru mangaid: .Tao: yaug re: gai: boe" ru17 mangaid: . Jeju byid' ra" – Mo"so za: qo" poe" byid' ra". Jham: mae tung" to" ra" dao: kheim: wa ngo nga" qam: so' nao re qhu" nae" tau: we' mug: myid gye, geim" mae nga" mang kheim: re hau" nhao" nae" tau: nao re ngo jhaung zug: boe" nhao: ru18 ngaid: ga: Pharaoh re mho: to" ra". – Ai:ru we' dakhyo: Mo"so wa yao: nug: ra" yaug re nhag' lam: qao nhao: ra".19 Airu: ngaid: re Mo"so wa pe" mung: qobo vhin shi: nae"? yao: myid: o: ra" khyo re khoyaug tam" qu" ko"? ga: ta" li"20 genae". – Sosu byu qe we" nao wa khag' ngaid mung: Mo"so re dao: dam: tau" i"? kaid' poe" to: qhug' ra" zai yo wa kaid' poe" yaug re nao wa pe" mung: ngo re ceru: kaid' poe"to" i"?ga: mamyid ngaid:21 ra". – Myid zhai: ug' kaid' yaug wa myid zhai: zho: nyha, re yao: o: ra" khyo: kaid' nae" we' yao: wa zho: nyha, dalhang" mae" za: zho: gam: ug' kaid' mung: dalam: re yhau: gyin" ru mae ci nae". Dalam: wa mang: da: voyo mae ci nae" tau: mae" kaid'22 nae" kheim: so' qo" ra". – Mo"so wa yao: nhag' gyid' ru re qhu" nae" we' yao" qam: so' re ba nhao nae" tau: jeim" lo" nae" mo; adao mae yao: wa nhag' lam: qhang qhang23 zang: qhao" byid' ra". – Aimung: nhag' myain" ra" keim we' yae: re phung bao: tau: nyhang" to: byid: va" ru mung: yao: bam re yao" phung bao: jo, nho" qi: re ba24 nhao nug; ngaid: re – Yuda, amyu" qere za: mangaid: labug amyu" qe: khug mae" lapa Hosea mho: to" ru we' dakhyo: khai: yu qhug' ra" ngonhaung" mae phung bao bao: myhao" nae" tau: kaid' ru dang: ngaid:25 re pe" ta" cang bo: i"?. – Hosea jham: tung" mae ngo wa yao: bam re nga" byu qe mangaid: ko" ngaid yang: re: nga" byu qe ein: mhang" nae". Aimung: ngo wa ngo majhid' de; ra" myhi" sag' re ngo jhid' yaug ein: ngo mhang" nae".26 Naonhaung" wa nga" byumyu" qe mangaid: ga: mho ko" ra" jo, qo mae na: ra" mo, wa daui: na: ra" Mo"so: yao: zo: qe ngaid: ra" ga: mhang" yu: ru qhug'27 genae" ga: mho: to" ashi". – Aimung: Israel amyu" qere qang yang: Esaia pa: to" ru wa Israel amyu" qe wa qid dae yae mae" ma coe nho" myo" laug ko" ngaid yang: re: na: dang: ra" mo, za: khyaid' yu: ru qhug'28 genae". – Pe" mung: ga" re Mo"so wa myid gaung byu alhab' mo, re phyaid za: dao:29 phyid' nae" ga: mho: to" ra". – Aimung: Esaia pa dao: mae ta" to" ashi" ru wa AsAng Mo"so yao" yang za: nyhao: nhaung" re zo: myid: qe ngaid: ga: za: matang" to: ngaid: re nyhao:nhaung" alhab' mo, geim" wa Sodom: vogaung: ru: boe" mung: Gomora, vogaung: we' dau nae" ga: bo: ra".30 Airu: mung: labug amyu" qe wa dang main: khyo re lao" macao" mo, lam" jang" myid: yang dang main" rure qo" veko". Ailao" nyhao: nhaung" khoru: ein: ta" shi:31 nae"?. – Israel amyu" qe wa dang main: tarha" re myhi sho' cao" ra" mo, ngaid: to: mung: dang main: tarha" shaid' khyo majoe" ko" ein: mho nae" i"?.32 Airu: ein: ru wa pe" mung: ngaid: i"? khoru: ga" re yao: bam wa lam jang" myid khyo" yang mangaid: lo: tarha" mau" zo" khyo" ngaid nae" dao" nghae" geyang: ngaid: ra". Airu: mung: yao: bam wa thaung" thoe jao: ngaid: ra" laug baui mae su" tha" lang" ako".33 Jham: paug' mae tung" to" ru wa byu qe tha" lang: jao: shaid' nghung" jao: boe" ra" laug baui re Ziun: bam dao mae ngo to: byid: va" ngaid qere yao: re lam jang" ra" mo, wa qho' gyaug maphau: lonae". Israel byu qe kam" wa Ai: laug baui mae tha" thu: lang: veko"