1 Mao: nhaung: qe we" naonhaung" wa khang" dao: tarha" re ba: to: mo, ngaid ko" ru: yang ana" ngo ta" kyo: nae" akhyo re naonhaung" nyang" za: ba: gyo: genae". Khang" dao: tarha" wa byu kao daui: na:2 ra" gu: mae za: ug: ra". – Dao: tau" wa yham qo" va" myiqe: dayaug wa yao" yham sang pho" adaui: na: au: khang" dao: tarha" khug mae yao: wa yham sang pho" we' xo' taui" na: ra".Ngaid qere: yham sang pho" shid lao" kam" wa yham sang pho" we' gyo: mae to" ra" tarha" mae" loe; beim: ava". –3 Airu: mung: yao" yham sang pho" daui: na shi" au: getau yaug gai we' zam" lao" kam" wa yaug zhang: myhi" ein: gai: mho: ra". Yaug gai shid va" lao" kam" wa ai: tarha" mae" yao: loe; ava". Airu: mung: yao: wa getau yaug gai dayaug we' dam: lo, xo' ngaid yang: re: lao shaid' yaug mangaid: lo:4 ngaid: ra". – Ai ru: mung: mao: nhaung: qe we" naonhaung" wa Khristu khyo" mung: tarha" re lhoe" shaid' ra" akhyo mae naon- haung" gaung khyao re shid: ra" mo, boe" nhao ge, alao" naonhaung" shid: ra" mo, mae" dam: daui: yu qhug' ra" yaug Khristu we' lo, xo' genae". Alao" naonhaung" wa Mo"so: qhid' kheim: mae khyag' thaid' ra"5 mo, boe" lo genae". – Khoru: mung: ga" re ngonhaung" wa byu Sosu gaung khyao shaid' mae cao" yang: kao so' daui: na au: khang" dao: tarha" yang nhug' peim: byid' ru qhug' ra".Qobo shaid' lhoe" nug: ra" nhag' lam: we' ngonhaung" kao daui: lo: bam va". Ai mung: ngonhaung" kaid' ra" lo, mau" alhab' wa shid: ru mae thao"6 byaug va". – Daba ngonhaung" re taui" lhaung" to" ru mae" ngonhaung" shid: gao: va" ru: yang ngonhaung" wa khang" dao: tarha" mae" loe, beim: bam va". Airu: mung: ngonhaung" wa tung" to" ra" tarha" axug' khyo re macao" lo: shaogyang" Solo khyo asag' khug mae kao daui: na nae" ngaid: ra".7 Airu: lao" ngonhaung" khoru: ein: ta" nae" i"? khang" dao: tarha" mae qobo bo: i?. Magai: bo ngaid qere: khang" tarha" khyo" yang za: qobo re myao: ra" khoru: mung: ga" re myo, nyaid o: dabyid ga" dao: re khang" tarha" khyo" yang mho lao" za:8 aqo" ba: ra". – Airu: mung: khang" dao: mae ta" kyo" to" rure qu" tau" mung: qobo wa nga" aung khug: nhag' lam: mae ngae" ra" myid aja: ja: re boe" thug' li" nhao: ra". Khang" dao: majo, ngaid: re qobo wa ashid9 ngaid: ra". – Genhae" ngo wa tarha" maci lo: dalhang na: lai: lo: qu" va". Airu: mung: khang" dao: tarha" joe" lao" qobo wa dam:10 daui: li" mung: ngo wa shid va". – Kao we' tin" ra" khang" dao: wa shid no we' re: tin"11 ra" ein: ngo the' myao: ra". – Qobo wa agu qho: yu mung: ai: khang" dao: tarha" khyo" yang ngo re mhug' vhain" mung: yang: ngo12 re se' pye' ra". – Airu: mung: tarha" re: shao gyang" ra". Khang" dao: tarha" jham re: shaogyang" ra". Dang main" ra".Gai lho" khyo jo; ra". Khang" dao: tarha" yang qobo mae" maqo" khyaid' yu ngaid: ra".13 Ailao" gai: nam wa nga" tau: shid nae" ja: boe" ra" i"? maboe" nhao ngaid: ra". Shaid' yug: re: shaid' yug: ru: ba: qu" so: nae" tau: shaid' yug: wa gai: ra" akhyo re nga" aung khug mae shid khyo poe" ke'14 ra". – Khang" dao: tarha" wa Solo we' tin" ra" khyo ngaid: rure ngonhaung" ba: ra". Ngaid qere: ngo qobo: jeim shid ba: ra" byu15 dayaug ngaid: . – Ngo wa ngo yao: zaui" ra" akhyo re ngo yao: maba: gyo: khoru: mung: ga" re ngo wa ngo yao: nug: ra" ja: re makaid' lo: ngo yao: manug: ra" nam re za: kaid' na yaug ngaid: ra".16 Ngo wa ngo yao: manug: kaid' ra" lo, mau" re kaid' na: ru: yang ce: lo, mau" khyo" khang" dao: tarha" wa jo: ra" ga"17 rure bo: myid vang" ru ngaid: ra". – Airu: mung: ce: lo, mau" kaid' ra" yaug wa ngo mangaid: nga" aung khug mae bo: ra"18 qobo: yang kaid' ru ngaid: ra". – Khoru: ga" re gaung khyao sa: sho: ngaid: ra" ngo mae gai nam mabo ein: ngo beim" ra". Pe" mung: ein: re nga" akhug mae gai: ra" ja: kaid' nae" kao bau: myid bo: jo, ngaid qere:19 maqo" zaui: ngaid: ra". – Ngo wa gai: ra" lo, mau" re kaid' nug ngaid qere: ngo makaid' lo: ngo makaid' nug: ra" makhyang" ra" lo,20 mau" re za: ngo kaid' ra". – Ana" ngo ma o ngaui: ra" ja: re kaid' ru wa kaid' yaug ngo mangaid: nga" nhag' lam: khug mae bo: ra"21 qobo yang kaid' ru angaid: . – Aru:mung: gai: ra" lo, mau" re ngo zaui: lao" magai: lo, mau" zo" rere: zaui: nhao: ra" tarha" re ngo22 the' myao: ra". – Nga" aung khug mae" nhag' myid wa Mo"so: tarha" re nhag' shid23 nhag' dag khae: yu nug: ra". – Airu: ngo wa ngo yao: myid o ngaui: tarha" we' gye tug' she: ra" tarha" daja: wa nga" aung khug mae bo: jo; ashi" ga" tarha" daja: re dam: myao: ashi". Nga" gaung khyao khug mae bo: jo; ra" qobo: tarha" wa ngo re jeim toe'24 na: ra". – Gya we" ngo ru" yaug we" sho: jhin: ra" byu dayaug ngaid nhaung wo". Ce: ashid gaung khyao mae" ngo re khoy-25 aug li" lhoe' yu nae" laug yha". – Ngon- haung" AsAng Yesu Khristu khyo" yang khyaid' yu: ra" Mo"so: jeju wa qi" qhang: jo, veshao: wo". Khoru: mung: ga" re qobo: tarha" wa nga" gaung sho: we' daga" bo: na ngaid yang: re: nhag' lam: khug mae ngo wa Mo"so: tarha" re cao" mung: nga" byu: gaung sho: shaid' khyo" wa qobo: tarha" re cao" yaug ngaid: ra" wo".