1 Ngo naonhaung" re Kenkhre voga- ung" phung: mae" caung da" myhi" ngaid: ra" nyhao: nhaung" nhae: mo" Phebe re2 bang" se" byid' ke' ra". – Shao gyang" ra" mo, kaid' nug: ru we' dakhyo: AsAng: mang mae naonhaung" yao: re lham: tug: yu mung: yao: mae qo ca" ra" ja: khao: ngo" re lham: bao" thaug' yu ge, .3 Ngo we' daga" Khristu mau" re bo: vin vo; lo ko" ra" Priskila we' Agula tao re bo:4 au" byid: gela, . – Yao: tao wa yao: tao: kao re nga" tau: qhaug' pye' yang: ngo re khyaid' yu: qu" va" shid' tao ngaid: ako". Ngo dayaug za: yao: tao re jeju beim: so" ru mangaid: labug byu qe: phung: jham alhab' re: yao: shid' tao re jeju beim: so" ako". –5 Yao: shid' tao wa yham mae zang" ham yang: lhaung" pa" caung: ko" phung: byu qere re: ngo au" ke' ra" ein: bo: ta" kyo: ge, Aimung: Asia mang: mae" Khristu re sao qhid' lam" yaug ngaid: ra". Ngo jhid' de; ra" Ephenaetag: rere: bo: au" byid: gela, . –6 Nyhao: nhaung" tau: mae" qam: ke' yang: mau" zaui: byid' ra" Mari rere: au" byid:7 gela, . – Ngo we' daga" kyam: laung" lo: ra" Yuda, mao: nhaung: tao ngaid: ra" Androniku: we' Junia tao rere: au" ke' ra". Yao: shid' tao wa logyo: qe: phaung mae mang qi" ru we' nga" qhid' mae naung cao8 boe" va" tao ngaid: . – AsAng: khug mae ngo jhid' de; ra" Ampali re au" ke' ra". –9 Khristu mau" zo" mae ngonhaung" mau" vin cao: ngaid: ra" Obanu: re we' ngo jhid'10 de; ra" Sataku' re re: au" ke' ra". – Khristu mae vin tang" ra" Apele re au" byid: gela, Ai mung: Arestubulu yham byu qere re:11 au" ke' ra". – Nga" banam ngaid: ra" Hero- dion: re au" ke' ra". Nakithu yham byu qe mae" mao: nhaung: qe re au" ke' ra". –12 AsAng: mau" zaui: tao ngaid: ra" Truphena: we' Truposa: tao re au" ke' ra". Aimung: AsAng: tau: mae" mau" myo: sho' zaui" lo yaug ngaid: ra" ngo jhid' de; ra" ba nam13 pho" Persi re au" ke' ra". – AsAng: mau" vin vo; ru mae baug thug' yaug ngaid: ra" Raphu: we' yao: myhi" re re: bo: au" byid: gela, yao: myhi" wa ngo re yao: zo: dayaug re" ru: gam caung: lo yaug ngaid: ra". –14 Asunkistu , Phelegun: , Hermas: , Patro- ba , Hermes bam: we' yao: bam we' daga" ngaid ko" ra" Khristu mao:nhaung: alhab'15 mo, re au" ke' ra". – Alao" Philogu: , Julia , Nenia we' yao: nhae: mo" re re: Olampa: we' yao: bam we' daga" ngaid: ra" Mo"so:16 byu qe alhab' mo, re au" ke' ra". – Naon- haung" yao: cao: dayaug we' dayaug shao- gyang" ra" bo: baug baug yang: jho" au" ge, Khristu; phung: alhab' re: naonhaung" re au" ke' ko" ra".17 Mao:nhaung: qe we" naonhaung" qo" gyo" yu: lo: ra" mho" shid' dao: we' shai" ra" mo, kho' mo, , shaid' nghung" ra" akhyo re zaui" ra" mau" zo" re lha"18 jao" yang: na ge, . – Pe" mung: ga" re airu: kaid' ra" mo, wa nyhao:nhaung" AsAng Khristu re caung da" mo, mangaid: yao: bam: vae: dug: khau mau" zo" re za: zaui: so: mung: min dao: we' khin" dao: thoe jham khyo" yang pe" maba mo, re mhug'19 pyag' pye' ako". – Naonhaung" mho dao: gyo" cao" na: ga" ra" akhyo re byu alhab' mo, jhao" byo: myi" lo" va". Airu: mung: naonhaung" gaung tha" kaid' yang: ngo wa gyai ngaui bau" ra". Ai: ru naonhaung" re ta" peim: nug: shi" ru wa gai: ra" mau" mae kam" wa juyi bo yaug boe" nae" tau: , makhyang" ra" mau" mae kam" wa qobo maqo" yaug ru: boe" nae" tau: ngo o: ra". –20 Ngaui bau: yaug yo: ra" AsAng Mo"so wa mataung" myao" re satain: re naonhaung" khyid qao: mae zab: nhaug' to" li" nae". Nyhao: nhaung" AsAng Khristu nhag' myain" ra" jeju wa naonhaung" we' daga"21 jo; na veshao: wo". – Nga" mau" zaui: byin cao: ngaid ko" ra" Timote we' nga" banam ngaid ko" ra" Lusai , Jasun: we' Sosipata: bam wa naonhaung" re au" ke'22 ko" ra". – Phyo mho" dao: cere tung" vhin: ra" yaug ngo Terti: wa AsAng: khug mae23 naonhaung" re au" ke' ra". – Ngo bo:na: ra" yham sang pho" Ge-u: we' phung: byu alhab' mo; geim" wa naonhaung" re au" ke' ako". Vozug: ngaid: ra" Erastu we' mao: nhaung: ngaid: ra" Kuatu ai tao wa naon-24 haung" re au" ke' ra". – Nyhao:nhaung" AsAng Yesu jeju wa naonhaung" alhab' mo; we' daga" ajo; na shao:. Dang dang ngaid: na shao: wo". Amen.25 Getam: geto mae" nyham" to" ra" lase"26 akao re ana" qhu" byid: mung: – Byumyu" cao jab qe tae" gyo: lam khug genae" tau: lapa qe: jham: mae tung" to" we' dakhyo: Mo"so: khang" dao: khyo" yang yao: bam re qhu" byid: nae" ra" lase" akao re phung" byid' ra" jeju we' daqi" ngo hau" kyo" ra" ngaui bau: lau dao: ngaid: ra" Yesu Khristu akhyo hau" kyo" ra" khyo" yang naon- haung" re lam: lang" tang koe, nhao: ra"27 AsAng – Daso za" juyi we' jab byang" ra" Mo"so wa Yesu Khristu khyo" yang mug: myid aqae: qae: mae phung bao qi" na veshao: wo". Amen.