1 Airu: mung: ana" wa Yesu Khristu mae ceim" qham: na mo, wa gaung khyao mae mangaid: lo: Solo mae su" ye" lo" geyang:2 qobo vhin: ru maqhug' genae". – Khoru: mung: ga" re Yesu Khristu we' dagaung dasho: za: kao so' daui nhao: ra" Solo: tarha" wa qobo: tarha" mae" we' shid: ra" tarha" lo, mae" ngo re lhoe' ke' byid'3 ra". – Qo bo: yang gaung khyao wa qam: nang: yang: khang" dao: tarha" re maqo" cao" kaid' ra" ja: re Mo"so wa yao: zo: re qobo qo" ra" gaung khyao we' dau nhao mung: yao" gaung mae qobo: kug' ngaui"4 xeim: toe' ra". – Gaung sho: khyo mae masu: lo: Solo mae su" na: ra" mo, ngon- haung" mae dang main" khyo wa khang"5 dao: tarha" re gyang" dang nhao: ra". – Pe" mung: ga" re gaung sho: o ngaui: ra" khyo: cao" ra" mo, gaung sho: we' tin" ra" akhyo mae za: nhag' nghae" ako". Solo: thao cao" mo, wa Solo we' tin" ra" ru mae za: nhag'6 nghae: ko" ra". – Airu: mung: gaung sho: re nghae" ra" mo, wa shid: khyo re qho mo, ngaid: ako". Solo we' tin" ra" ja: re myid mo, wa kao so' we' yaug yo: khyo re qho: ru ngaid: ra".7 Ceru: mung: gaung sho: we' tin: yang: za: myid: ra" mo, wa Mo"so we' tug' shai" ako". Mo"so o: ngaui: khyo re maqo" cao" ko".Gaigai: yao: maqo" cao" ko".8 Airu: mung: gaung sho: re ngae: ra" mo, wa Mo"so re nhag' magai: dag nhao –9 Ngaid qere: Mo"so: Solo naonhaung" khug mae daui: na: ngaid: re wa naonhaung" gaung sho: o: khyo" kao madaui lo: Solo mae kao daui: ako". Khag' ngaid qere: Khristu mae" Solo maqo" ra" yaug wa10 Khristu byu mangaid: . – Khristu wa naon- haung" akhug mae na: ngaid: re gaung sho: wa ashid ngaid yang: re: Solo wa dang main: ru mung: adaui: na: li" nae". –11 Khristu re: shid: ru mae" daui: to" yu: ra" Mo"so: Solo wa naonhaung" akhug mae na: jo; ngaid: re wa ai: naonhaung" akhug mae na: jo; ra" Solo khyo" mung: Khristu re daui: to" yu: ra" yaug wa naonhaung" ba: shid: ra" gaung khyao jham re re: daui: to" yu nae".12 Airu: mung: mao: nhaung: qe we" nyhao: nhaung" wa gaung khyao o: khyo: cao" ye: nae" tau: gaung khyao: jeim qe13 mangaid: . – Pe" mung: ga" re naon- haung" wa gaung sho" gin khyao re cao" yang: daui: na ko" ngaid: re shid genae". Solo khyo" mung: naonhaung" wa gaung sho" mau" zo" jham re se' pye' ko" ngaid:14 re naonhaung" daui: na genae". – Mo"so: Solo: yang jhui" au: she: qin" ra" mo, yaug khao: ngo" wa Mo"so: yao: zo: qe ngaid:15 ako". – Pe" mung: ga" re Mo"so: yang byid' to" ra" Solo wa naonhaung" re jeim boe" nhao: ru mangaid: gyaug vae din ci" ra" myid rere: maboe" nhao ngaid: ra". Ai: Solo wa ngonhaung" re Mo"so: zo: dau qe boe" nhao yang: Mo"so re Aba' Nga" Pho" ga: qo" yao nae" akhang" re qo" yu: bam va".16 Nyhao: nhaung" wa Mo"so: zo: dau qe ngaid: ga" rure sagso: qhu" byid: nae" tau: Mo"so: Solo yao: re: nyhao: nhaung" Solo we' qhain: mung: sagso: kham byid' ra". –17 Nyhao: nhaung" wa Mo"so: zo: dau qe dang: ngaid: re Khristu we' daga" za: qug: khai: re gaigai: yao: khae: yu mung: yao: we' daga" za: Ma the' khae: yu: li" nae".Zo: gyang" ngaid: re wa Mo"so: Ma re khae: yu nae" mo, ngaid: ra".18 Ana" cebang: mae" qug: khai: wa nyhao: nhaung" re phung" qhu" nae" phung bao we' dau tau" qu" re pe" za:19 mangaid: ein: ngo wa myid: ra". – Ce: myidkin wa Mo"so: zo: dau qe qu" nae" khyo: phain: to: qhug' ko" ra" ja: nam jab wa myao nug kao bau: ru we' lao" na:20 bam: ako". – Ce: myidkin wa thao" jeim" lo" nae" mang: din" khyo yao: za: yao: ye"21 lo ru mangaid: . – Phain: to: qhug' ra" ja: khao: ngo" wa byo; qeim: ze" jeim" lo" ru mae" lhoe' yu qhug' mung: Mo"so: yao: zo" langa: jo; ra" gelin: gego: shaid' khyo lhoe'22 yu qhug' veko". – Pe" mung: ga" re phain: to" gu: alhab' wa ana" ba zo: khau no no: ru we' dakhyo: no kyang: kyang" na: rure23 ngonhaung" ba: ra". – Ai: gu: za: mangaid: shi: nyhao: nhaung" wa Solo mae zo: qhid' ga: toe' yu qhug' yang: gaung khyao re lhoe' yu qhug' ra" akhyo re kao bau taung" lao" na ko" au: nyhao: nhaung" re: nyhao: nhaung" aung khug mae kao laung: bau:24 na mo, ngaid: ra". – Airu: mung: nyhao: nhaung" wa myid: nghae" ra" khyo" yang khyaid' yu: ru mae qo" joe" ra". Myid nghae" ra" ja: the' myao va" lao" kam" wa getau mamyid: nghae" ca" lo: .The' myao va" ja: re pe" ein: ba: myid: nghae" lo:25 nae". – Nyhao:nhaung" wa mathe' myao: qu" shi" ra" ja: re myid: nghae" na: ngaid: re wa nyhao: nhaung" wa aire nhag' lam:26 qhang qhang za: lao" na ca". – Airu: mung: Solo re: nyhao: nhaung" qam: nang" akhyo mae bao" thaug' yu: ashi". Khoru: mung: ga" re nyhao: nhaung" wa pe" nam re mho' ca" ga" rure maba: mho' mo, ngaid: ra". Airu: mung: nyhao: nhaung" maba: jhau , maba: mho' nyung: na: ra" akhyo re27 solo khyo" bao" thaug' byid' ra". – Nyhao: nhaung" nhag' lam: re myao: kyao" ra" Mo"so wa Solo: myid rere: ba: ra". Pe" mung: ga" re Solo wa Mo"so myid: o: ru we' dakhyo: yao" byu qe: tau: mae" Mo"so:28 jhao" mho' byid' na: ra". – Mo"so o ngaui: ra" khyo: jhui" yu qhug' ra" mo; tau: we' yao: re jhid' kao: ra" mo; tau: ja: nam jab wa dadang: dashaug' za: ceim" qham ko"29 rure ngonhaung" ba va". – Aimung: Mo"so wa yao: zo: re mao: nhaung: qe myo: sho' gu: mae" zo: qhid' mao: mo" boe" nae" tau: mae" we' yao: bam rere: yao: zo" ave, akhyao we' jho" dau nae" khyo: re: qhid' mae" ba: to: gau we' nyhang" yaung: to:30 gau ngaid: ra". – Airu: mung: Mo"so wa saoqhid' mae" myid: yaung: to: va" mo, re khai: yu: ra".Yao: khai: jhui" yu: ra" mo, re dang main" ru mae nha: to" ra".Airu: nha qhug' ra" mo, rere: nga: yhe' ra".31 Airu: mung: cejham re qu" yang: ngon- haung" pe" ta" cang bo: i"?. Mo"so wa ngon- haung" bo: de; na: ngaid: re ngonhaung" re32 gye khoyaug qo" kaid' nae" i"?. – Yao: zo: re lao" o: mado lo: ngonhaung" alhab' mo; tau: mae" qhaug' byid' pye' ra" yaug wa ja: khao: ngo" rere: mabyag lo: nyhao:nhaung"33 re byid' li" nae". – Mo"so: yang khyin: yu: to" ra" mo, re khoyaug qobo qo" zhaug' nae" i"?. Yao: bam qobo maqo" rure Mo"so:34 yang ta" hau"pye' ava". – Qobo vin: ru khag' ngaid: ra". Khristu Yesu ngaid: ra". Yao: shid qhug' va" ai: thao mae yao: wa dam: daui: to" li" yang: Mo"so: lo, yo shaid' mae zaung: jo, mung: nyhao: nhaung" tau: agyo: mae jhaung: mho' byid' na yaug35 ngaid: ra". – Airu: mung: Khristu jhid' kao khyo mae" ngonhaung" re khag' qo" kao" pye' byid: nae"? qug: khai" yang i"?. Nhag' ngai: ru: yang i"? yhin" qhug' ru: yang i"? myaung sho" ru we' se' pye' qhug' ru jham: yang ngonhaung" re Khristu jhid' kao: khyo mae" qo" kao" pye' nae" i"?.36 Jham: tung" mae ni" mathao: yang ngonhaung" wa ne, qug khao: ngo" mae shid gyain: nogyain: we' jho" qhug' na: ra" se' pye' nae" jaung: qang: to" ra" yao re" ru: ngonhaung" re kaid' to" ako" ga: tung" to"37 ru we' dakhyo: ngaid: ra". – Ngonhaung" re maqo" kao: genae". Ngonhaung" re jhid' kao: ra" Khristu khyo" yang ai: gu: alhab're38 aung doe; pye' va" ru ngaid: . – Khoru: mung: ga" re nyhao:nhaung" AsAng Khristu mae bo: ra" Mo"so: jhid' kao: khyo mae ngonhaung" re khoyaug wa qo" lao" kao"39 pye' nae"?. – Myhao: thao" ru we' no; thao" ra" ru: yang re: phain: to: qhug' ra" pe" ja"yang ngaid qere: AsAng Yesu khyo" byid' ra" Mo"so: jhid' kao: ru mae maqo" kao" pye' byid: nae" ein: rure ngo ba: ra".