1 Ngaui bau: lau dao: re hau" kyo: nae" tau: Mo"so: yang logyo: dayaug khyo" khyin: yu: to" ra" Khristu jeim ngo Po"lu wa naonhaung" jhao" pyang dao: tung"2 ke' ra" wo". – Geco' ne, Mo"so wa lapa qe: nhaid' dao: thoe khyo" ngaui bau: lau dao: re byid: nae" ga: dao: so: byid' to: va" ra" khyo re shaogyang" jham: paug' mae3 tung" to" ra". – Ai: ngaui bau: lau dao: wa Mo"so: yao: zo: ngonhaung" AsAng Yesu Khristu khyo ngaid: ra".Yao: wa Sosu byu khyo" Davi zo: myid: boe: mae" khau: li"4 ra". – Yao: wa shaogyang" Solo qam: o: khyo" shid: ra" mo, mae" dam: daui: to" li" yang: Mo"so: yao: zo: ngaid: ga: aso: zhaug' qhug' yaug nyhao: nhaung" AsAng5 khyaid' yu yaug ngaid: ra". – Byumyu" cao jab' alhab' mo, wa Yesu re lam khug: lo genae" tau: mae" au: jhui" she nae" Mo"so wa AsAng Khristu Yesu khyo" yang ngo6 re logyo: aya: byid' ra". – Amung: Roma vogaung: mae na ko" ra" mo, naonhaung" re: Yesu Khristu: byu qe boe" genae" tau: mae" Mo"so: yang khai: yu: to: va" mo, ngaid ko" ru: yang ai: bam: phaung mae bobo: ako".7 Airu: mung: Mo"so jhid' de, yang: yao" amyu" boe" nae" tau: khai: yu: to" ra" Roma vogaung: bao: alhab' re ngo pyang dao: tung" vhin: ke' ra". Naonhaung" pho" Mo"so we' AsAng Yesu Khristu; jeju we' ngaui bau: yaug yo: ru wa naonhaung" mae jo; jo, veshao: wo".8 Naonhaung" lam jang" ra" akhyo re mug: myid gye, geim" mae hau" nhao" na ko" ru: yang ngo wa naonhaung" alhab' mo; tau: mae" Yesu Khristu khyo" yang saoqhid' Mo"so: jeju re caung: khin"9 ra".– Pe" mung: ga" re ngo wa yao: zo" ngaui bau: lau dao: re cao" hau" kyo" ra" akhyo mae nhag' lam: bo taung" zaui: so: vin vo; na: ra" akhyo re Mo"so wa nga" sagso: ngaid: ra". Ngo wa abang mabyid lo: jhaung: mho' ru mae naonhaung" re re:10 bo: mho' bao" na:. – Ana" mataung" myao" re Mo"so o ngaui: ngaid: re wa ce:lhang naonhaung" jhao" ngo qo" li" nae" khyo phung" byid: nae" tau: mae" Mo"so re ngo11 jhaung: mho'na: ra". – Pe" mung: ga" re naonhaung" nhag' lam: re zhaug' tang: ra" qam: o: bo nhao nae" tau: mae" Solo we' tin" ra" min jeju naonhaung" re gae byid: nug: ru: yang ngo naonhaung" we' gyai12 jho" myao nug; ra". – Naonhaung" we' ngo wa lam jang" myid mae jho" qham: na mung: dayaug we' dayaug qam: jho"13 pyang" nae"ru ngaid: ra". – Mao: nhaung: qe we" ngo naonhaung" jhao" li" nae" tau: myo: sho' lhang seim" qu" va". Ngaid qere: tam" kyo" kaung: kag' ru: yang naonhaung" jhao" maqo" li" ru ngaid: ra" akhyo re naon- haung" maba lo: na genae" rure ngo ma o ngaui. Ana" joe" tam" kyo" to" ru jo; ashi".14 Ngo wa Helini amyu" qe laba lajhao bo mo, mabo mo, we' labug byumyu" cao jab: dao mae qo vin jhin de, yaug ngaid: ra". –15 Airu: mung: yang: ngo wa Roma bao: re ngaui bau: lau dao: hau" kyo: nae" ein: kao bau: ru ngaid: ra".16 Ngo wa Khristu: ngaui bau: lau dao: mathao: yang qho' gyaug: ga" ru mabo khoru: ga" re ai: mungdao: wa aqhid Yuda qere shi" qhid yang: ai: thao Helini byu we' lam khug: ra" mo, alhab' re khyaid' yu: khyo byid' ra" Mo"so: qam: o: kheim: so' ngaid:17 ra". – Khoru: mung: ga" re dang main" ra" yaug wa lam" jang" myid khyo" kao daui nae" ga: jham: mae tung" to" we' dakhyo: lam khug: khyo mae tang: jo; ra" Mo"so: mung dao: wa lalam lakhug: tau: mae ngaui bau: lau dao: khyo" yang bao kyi: ra".18 Airu: mung: dang main" mungdao: khyo re majo ma-ang: khyo: yhung: ko" ra" aphaug' alhain: kaid' ra" mo, re Mo"so nhag' gyid' rure mug: gaung mae" qhu"19 byid' ava". – Khoru: ga" re ba ca" Mo"so: akhyo re de: de: za: qhu" byid' ava". Airu: mung: yao: bam wa Mo"so: akhyo we' tin: yang: gai: ba: ra" gu: re yao: bam wa de: de: za: ba: yu: aveko". Ce: mathao mae Mo"so wa yao: bam re qobo dae byid' ru ngaid:20 ra". – Khoru: ga" re myo; yang qo" myao: ra" ja: nam jab phain" so: to" ra" jham re qu" mung: thain" madaui: qam: o: yang gang" tang: na: ra" gyag maqaui: Mo"so wa myo; yang maqo" myao: ra" Yao" jo, nho" we' mug: thug' saopeim mae" bao: jo, va" airu: mung: yao: bam wa yao: yao" qobo21 re maqo" zang" nghoe' to: loko". – Yao: bam wa Mo"so re ba se" ko" ngaid yang: re: yao: bam wa Mo"so re macaung: ko" , jeju re mabeim: so: ko" yao: bam nhag' caid' noyaug aseim akeim mae du" dae" lhang:22 qin" ako". – Airu: mung: qobo wa shid: ru: yang ug: to" ru we' dakhyo: nhag' myain" jeju wa dang main" ru: yang ug: to: mung: AsAng Yesu Khristu khyo" yang apyaid ato:23 kao so' re qo" yu nhao: ra". – Aimung: yao: bam wa apyaid ato: Mo"so re lhaui" pye' mung: byu lho , ngho' lho , byid khyid yaug: ra" gug' nyhug' jham: alho we' yoe" qin" ra" alho jham re za: caung: byid' ako".24 Ai mung: Mo"so wa yao: bam yao: cao: phung yug nhao: ra" gaung sho: aqho’ aqhid: ra" akhug khyo nhao: vhao" ke' ko"25 ra". – Yao: bam wa Mo"so: dang main" khyo re mhug' pyag' ru we' tha" yu: pye' gemung: phain" AsAng Mo"so re caung: nae" atha" Mo"so phain: to" ra" ja: re yao: bam pa" caung: byid: yang: caung da" na: ako". Phain" AsAng wa apyaid ato caung: khin" byid' ru qhug' veshao: wo". Amen.26 Yao: bam ceru: kaid' ko" ru: yang Mo"so wa aqho' aqhid mung: ra" gaung sho: mhin shab' ra" shaid' khyo qhaug' pye' ava". Myiqe: qere: gaung sho: zam" ra" akhyo mae yauggai qe we' lhaung" zam" akhyo" mazam" lo: mangaid' ra" akhyao27 khyo" zam" ko" ra". – Ai we' dakhyo: yaug gai qere: myiqe: qe we' gaung sho: lhaung" zam" re" ru: mazam" lo: mangaid' ra" akhyao khyo" yao: cao: yao: sa: sho: shab' ra" khyo" jho" zam" ako".28 Airu: mung: yao: bam wa Mo"so re beim: so: nae" akhyo re mamyao lo: ko". Yao: bam wa aung gyang: myid mabo lo: ko" mung: madau mashab: ra" ja: re kaid' nae" shaid' khyo nhao: pye' ru phau"29 ako". – Yao: bam wa makhyang: mashab: ru , magai: ra" phavae mau" kaid' ru , so' kho' o: byid: ru , nhung: ru , byu: kao se' ru , gye kaid' ru , mhug' vhain" ru , myo,30 byo, qho: ru , nhag' lam: kaui: ru. – Gaui mho shao" pyao: su , Mo"so re nghang" ra" su , ngaid beim: su , phug su , mashab ma khyang" dao: jhau su , myhi" pho" mho dao: magyo: su , dao: so: mazaung su , –31 Zo: myi: qere majhid' de, su , gyelag: lag: su , nhag' khyag' myid mabo mo, ngaid:32 ako". – Ceru: kao daui: na: ra" mo, wa shid nae" main: qi" ra" ga: Mo"so: tarha" mae tung" to" rure yao: bam ba gau ngaid: ako". Pe" mung: ga" re yao: bam wa yao: bam: kaid' shaid' tho' mago" su geje qere re: qam: bo: byid' ako".