1 Mao: nhaung: qe we" kao so' daui: ra" ave, shao gyang" ra" ave, we' Mo"so o ngaui: ra" xeim" ngaui" byid: mung: daui: na: ra" naonhaung" gaung khyao Mo"so re qhaug' byid: genae" tau: Mo"so: nhag' myain" jeju khyo" naonhaung" re nhug'2 peim: qam: byid' ke' ra". – Naonhaung" wa myidkin: ave, angau: re maci lo: gai lho" ra" khyo we' dang main: jab byang" khyo ga" ra" Mo"so o ngaui: ru wa pe" ja: ngaid: khyo re qo" mho" ba: yu nae" tau: naonhaung" nhag' lam: asag' tha" lhag' yang: seim" nyhang" na ge,.3 Ngo re Mo"so byid' ra" jeju jhaung qhu" re ngha yang: naonhaung" yaug khao: ngo" re mho: ke' ra".Naonhaung" yao" gaung re ang: ra" tho' mae je yang: damyid ge, lam" jang" myid re cao" yang: Mo"so wa yaug khao: yaug ngo" re kaid' byid' ra" khyo: gelho: za: dang main" ra" nhag' lam:4 we' myid ca" ra". – Dao: tau" byu dayaug: gaung khyao mae abang: athaung: adau atam" myo: sho' ngaid: ra". Ngaid yang: re: gaung bang: athaung: adau jham wa5 zaui: mau" yao: ja: yao: qo" ako". – Ai we' daru: za: nyhao: nhaung" wa myo: sho' yaug ngaid: bam yang: re: Khristu mae dagaung dasho: za: ngaid: ra".Yaug khao: ngo" wa dayaug we' dayaug: gaung6 tam" gaung bang: jham ngaid: ra". – Airu: mung: nyhao: nhaung" re Mo"so byid' ra" jeju jhaung qhu" wa yao: ja: yao: getau tau qo" mo, ngaid: ra". Lapa pa nae" jeju qo" yaug wa lapa pa shao: . Mo"so: mau" zaui: so: nae" jeju qo" yaug wa zaui: so:7 vin vo, shao: . – Mho" shid' nae" jeju qo"8 yaug wa mho" shid' shao: . – Su re qam: o: byid: nae" jeju jhaung qhu" qo" su wa qam: o: cao" byid: shao: myaung sho: mo, re gae byid: nae" yaug re: nhag' dag taung" gae byid: shao: . Zug: jid qo" yaug re: dang main: taung" zug: shao: , nhag' ba: myain: nae" jeju qo" yaug re: qi sam: su: zaui: so: shao: .9 Jhid' de; myid mae geim kaid' ru mabo , magai: ra" ru re ca' mung: gai: shab:10 ra" rure zaui" zag: ci ge, . – Dayaug we' dayaug mao: nhaung ru: jhid' de; khyo: nhag' taui" na ge, dayaug we' dayaug jho" phug' jho" myao: nae" kao bau ge, . –11 Mau" zo" mae qam: ke' ge, danoe" dashoe ge, ai: AsAng re aung khug nhag' lam: alhab' we' kao bau taung" caung da" byid'12 na ge, . – Ngaui bau: taung" myid: nghae" na ge, qug: khai: qhug' re zang: qhao" ge, . Ayo, khao: ngo" jhaung: mho' na ge, . –13 Shao gyang" ra" mo, qo" ca" nam re naon- haung" jo, nho" mae" gae byid: ge, bang" vo qere da" zho: da" jhaug' nae" qam: ke'14 na ge, . – Naonhaung" re yhin" ra" mo, re jhid' myid qhu" ge, danhang: ge, min za:15 abyid: ge, . – Ngaui bau" ra" mo, we' daga" bo: ngaui bau: ge, ngug: ra" mo, we' daga"16 bo: ngug ge, – Yao: cao: nhag' lam: dakhe' dagau: za: bo ge, nhag' lam: damyid: qi: ge, nyham: ra" mo, re jhui" zam" khug: yu ge, ngo juyi bo: ein: yao: yao" gaung re17 dangaid beim: ge, . – Khag' rere: dae co' daphaug' ge, byu qe: qhid' mae gai shab:18 ra" ave, re za: qhu" byid' na ge, . – Naon- haung" wa gai: boe" qae: byu alhab' we'19 nyang vang" za: na ge, . – Ngo jhid' kao: ra" mo, we" naonhaung" yao: cao: dae co' dajho" phaug' ge, khoru: mung: ga" re qobo dae co' phaug' nae" ru wa nga" mau" angaid: ngo yao: dam: xe' nae" ga: Mo"so20 mho: to" ra". – Airu: mung: ni" gyevo vae: moe' ngaid: re yao: re byid: zho: wa, yao: qid shab' phau" re yao: re qid byid: jhaug' wa, nao ceru: kaid' lao" yao" au: dao mae fa: myi: gyoe: re kai" to" byid' li" nae". –21 Makhyang: mashab: ru yang da aung nhao. Gai: ra" khyo" yang makhyang: mashab: rure aung: pye' wa, .