1 Supe" re tarha" dao: phyid' nug ko" ra" byu qe we" naonhaung" wa qobo mae" maloe, ko". Naonhaung" wa su re tarha" dao: phyid' ko" ru: yang naonhaung" yao" gaung rere: naonhaung" yao: tarha" dao:2 phyid' yu: ru ngaid: ra". – Airu: makhy- ang" ra" mau" zo" zaui: so" ra" mo, re Mo"so wa tarha" dao: phyid' ru dang main"3 ru ngonhaung" ba: ra". – Airu: kaid' shaid' ra" mo, re naonhaung" dao: phyid' na ko"ru naonhaung" yao: re: ai re" khyo: dam: cao" kaid' ra" mo, we" Mo"so dao: phyid' ru4 mae" loe; ein: myid: na ko" i"?. – Mo"so: jeju wa naonhaung" nhag' myid atha" qo" lo genae" tau: jhui" she: yu: re maba lo: , jab byang" jeju kaid' ru , zang: qhao" ru , nhag' lam: qhang: ru jham re naonhaung"5 ma nug makhyaid' kaid' ako" i"?. – Ai ru: mung: naonhaung" nhag' lam: qao geyang: nhag' lam: matha" ko" ru: yang Mo"so: dang main" ra" khyo: dao: phyid' ru we' nhag' gyid' khyo re qaung" to" ako". –6 Mo"so wa byu yaug khao: ngo" re yao: yao" lo, qaug mau" zo" mae cao" yang:7 aphug' jhaung qhu" byid' li" nae". – Gai: ra" mau" zo" zaui: so" na mung: phung bao phug' te' nga: yhe' nae" we' mashid kao so' re qho: na: ra" mo, re Mo"so wa apyaid8 ato: kao so' byid' li" nae". – Yao: yao" tau: mae" za: myid mung: jo main: ra" khyo re ngag: pye' yang: shaid' nghung" ra" khyo mae cao" ra" mo; dao mae Mo"so nhag'9 gyid' ra" dae za: byid' li" nae". – Saoqhid' Yuda, byu qe , ai: thao Helini byu qe we' makhyang: mashab: mau" zaui" ra" mo, alhab' wa qug: khai: kyi" khyag' qhug' li"10 genae". – Ngaid qere: dang main" ra" mo, alhab' Yuda, byumyu" qe shi" saoqhid' ai: thao taung bug: byu qere Mo"so wa phug' te' nga: yhe' ru we' ngaui bau: yaug yo: ru11 byid' li" nae". – Mo"so wa khoyaug: myo, nho nga: lao: rere: khyin: ru mangaid: . –12 Khang" dao: tarha" re maba yang: shaid' nghung" ra" mo, wa tarha" khyo" mangaid: lo: jeim" lo" genae". Tarha" re ba mung: shaid' nghung" ra" mo, wa yao: bam: tarha" khyo" yang qobo dao: phyid' ru13 qhug' genae". – Khoru: ga" re tarha" re tae" gyo: yang: Mo"so: qhid' kheim: mae dang main" ru mangaid: . Ai: tarha" re cao" pyang" ra" yaug za: Mo"so: qhid' kheim:14 mae dang main" ru angaid: . – Taung bug byumyu" qe wa khang" dao: tarha" maqo" ko" ngaid: ra". Ngaid qere: ai: tarha" mae bo: ra" amyin" dao: jham re yao: bam: nhag' lam: aung khug mae yao: yao: ba mung: cao" gelao" yao: bam wa khang" dao: tarha" maqo" gengaid qere: aung khug mae bo: ru wa yao: bam: tarha" ngaid:15 ako". – Cegu: bin sho' wa yao: bam: aung khug mae tarha" re tung" ke' to: byid' ga" khyo re yao: bam: aung beim: myid wa sagso: ngaid: ra". Aimung: yao: bam: nhag' myid wa yao: bam re qobo vhin nae" i"?. Mangaid: lao" lhoe' gam: yu nae" i"?. daja:16 ja: ngaid nae". – Ai: ba mae Mo"so wa byu qe: nhag' lam: khug mae nyham" to" ra" gu: re ngo cao" hau" kyo" qin" ra" ngaui bau: lau dao: we' dakhyo: khyaid' AsAng: yang dao: phyid' li" nae".17 Nao khoru: i"? nao wa Yuda, amyu" ga: khae: yu mung: khang" dao: tarha" re ngha yang: ngaid beim" ra" yaug Mo"so18 o ngaui: khyo rere: ba yaug . – Aimung: khang" dao: tarha" mae" jo: ru we' shaid' ru re ba: khyin: yu nae" tau: zhao: yu19 va" yaug ngaid: ra". – Aimung: nao wa myo, jid qere khyo jhui : yaug , mug: caid' khug mae na: ra" yaug re bao byid: yaug , mashab makhyang: mo, re ba: mho"20 shid' yaug – zoshao qere khyo shid' yaug khang" dao: tarha" mae bo: ra" dang main" khyo alhab' we' laba lajhao re qo" yaug21 ngaid: ga: nghae" ru dang: ngaid: re – su geje re mho'' shid' mung: yao" gaung re wa mamho" i"?. Su geje re dakhug' ge, ga: mho mung: nao yao: wa pe" mung: khug' i"?. –22 Su geje re su: myi: lao dashaid' ga: mho" mhug' mung: nao yao: wa pe" mung: myi: lao shaid' i"?. Sulho re dagoe; pa" ge, ga: mho" mung: nao yao: wa pa" jhaung: yham23 re pe" mung: phyo' lhaui" pye' i"?. – Nao wa khang" dao: tarha" re cao" pyang" ga: ta" mhug' mung: tarha" re lhoe" ra" mau" zo" jham: yang: Mo"so: phung bao re qho'24 phyo' i"?. – Khoru: ga" re jham: paug' mae ni" ave; mathao mae taung bug amyu" qe wa Mo"so re jung" gaui: ako" ga: bo: ra".25 Airu: mung: nao wa khang" dao: tarha" re cao" pyang" ngaid: re wa ni" nyaug phyid' khyo wa phug' de; ra". Ngaid qere: nao khang" dao: tarha" re macao" pyang" ngaid: re wa ni" nyaug phyid' ra" akhyo wa nyaug maphyid' ru: boe"ra" ga: tung" to" ra". –26 Aimae" re: nyaug phyid' ru makhae: yu: ra" yaug khang" dao: tarha" re cao" pyang" ngaid: re yao: nyaug maphyid' ngaid qere: Mo"so wa ai: yaug re nyaug phyid' yaug27 khyo" khae: yu nae" mangaid: i"?. – Nao wa jham: xug' tung" to" ra" tarha" paug' re qo" ru we' nyaug phyid' ru khae: yu ngaid qere: khang" dao: tarha" shaid' lhoe" ra" yaug ngaid: ra". Airu: mung: nyaug mapyid' mo; yang Yuda, byu qere tarha" dao: phyid'28 li" genae". – Pe" mung: ga" re byu dayaug wa adao: pyae khyo" za: gaung sho: nyaug phyid' ru: yang za: wa Yuda, amyu" magai:29 boe". – Yuda, byumyu" agyang" wa nhag' lam: khug mae nyaug phyid' ra" khyo re khae: yu: ra" yaug za: ngaid: ra". Yao: re Yuda, byumyu" boe" nhao: ru wa tung" to" ra" tarha" yang boe" nhao: ru mangaid:. Ai wa Mo"so: Solo: yang aung khug: nhag' lam: mae Yuda, byu boe" nhao: ru mangaid:. Airu" yaug wa byu: yang mangaid: Mo"so: yang caung: khin" ru qhug' ra".