1 Aimung: nyhao: nhaung" qam: bo mo, wa nyhao: nhaung" o: khyo: macao" lo: qam: nang: mo, re bao" thaug' byid: ca"2 ra". – Nyhao:nhaung" yao" nhag' za: dag shao: ein: mamyid gejhao". Nyhao: nhaung" yaug khao: ngo" wa mao: nhaung: qe qu" dau ngaui: ra" khyo: tau: yhe' ra"mau" re3 cao" ye: gelang: . – Pe" mung: ga" re Khris- tu wa yao: o ngaui: khyo: macao". Jham: tung" mae nao re khang: nhau: be, khyaid' kaid' ra" dao: jham wa nga" adao mae gyo" zao" shaung" yu: ra" ga: tung" to" ra" ga"4 ru we' dakhyo: ngaid: ra". – Ngonhaung" wa jham: tung" mae bo: ra" zang: qhao" ru , yaug yo: rure ngha mung: myid: lao" na: ru we' the' yu nae" tau: jham: mae bo: ru wa nyhao:nhaung" re mho" shid' nae"5 tung" to" ru ngaid: ra". – Ana" zang: qhao" ru , nhag' tang" rure pao mung: Mo"so wa Khristu Yesu we' tau" mung: dayaug we' dayaug qam: zaug jho" zhaug' yang: nhag'6 lam: jho" zhaung: nhao nug: ra". – Airu: mung: naonhaung" wa nyhao:nhaung" AsAng Khristu khyo" zang: qhao" ru , yaug yo: ru mae Mo"so re nhag' lam: dakhe' we' nhaid' thoe dakheim: khyo" za: qo" caung: khin" nae" ngaid: ra".7 Airu: mung: Khristu wa nyhao: nhaung" re Mo"so: phung bao khyo" ge; yu ru we' dakhyo: naonhaung" re: yao: cao: jho" ge;8 yu ge, . – Ana" ngo mho: ru wa Khristu nyhao:nhaung" phug' pho" qere byid' to" ra" dao: thang" dang main: nhao nae" tau: Mo"so: dang main" ra" nyaug phyid' va" mo; mau" zo" re vin yaug ngaid: ra". –9 Labug byumyu" qere: Mo"so: nhag' khyag' nhag' myain" rure caung: khin: genae" tau:10 mae" ngaid: ra". – Aimung: jham: tung: mae naonhaung" taung bug byumyu" qe wa Mo"so: amyu" qe we' daga" za: ngaui11 bau" na ge, . – Aimung: byumyu" cao jab alhab' Mo"so re caung: khin" ge, byumyu" byuboe: alhab' qam: ke' caung: khin" ge,12 ga: re: tung" to" ra". – Athao Esaia pa: to: shi" ru wa Yese: kaung angaid mae" lo, bo, taid' li" nae" yao: wa labug: amyu" re ug nae" ra" yaug ngaid: li" nae". Labug amyu" qe wa yao: mae myid: lao" na: li" genae"13 ga: mho: ra". – Naonhaung" shaogyang" Solo: qam: so' khyo" yang myid: nghae" ru jab byang" nae" tau: lam khug: myid bo: ra" nhag' lam: ci mung: ngaui bau: yaug yo: khyo aja: ja: byang" vin" veshao: myid nghae" khyo: AsAng Mo"so wa khyaid' yu shao: wo".14 Mao: nhaung" qe we" naonhaung" wa gai shab: ru we' laba lajhao to, ngaid: jo gemung: naonhaung" yao: cao: qo" jho" mho" shid' mo, ngaid ko" ru re myid: lam:15 ke' ra". – Ngaid qere: yhau: gyin" ru daja: ja: we' tin: yang: ngo re Mo"so byid' ra" jeju: mathao mae naonhaung" jhao" vae" vae" za: tung" vin: ke' ra" ein: nhag' khug16 mae xam" to: nhao nug: ra" wo". – Ai wa Mo"so: ngaui bau: lau dao: re hau" kyo: nae" tau: labug amyu" qe jhao" Khristu mau" vin yaug ngaid shao: ga: labug: amyu" qe: kug' ngaui" xeim: wa shaogyang" Solo: yang shao kyang" byid: mung: qhaug' byid' ra" mau" vin su dayaug ngaid shao: ga" ru17 ngaid: ra". – Airu: mung: ngo wa Mo"so: mau" zo" we' tin: mung: Khristu mae ngha18 yang: ngo langa: yu: ra" wo". – Labug byumyu" qe wa dao: thoe khyo" yang ave,19 khyo" yang – tae" gyo: genae" tau: Khristu wa ve, lho aja: ja:, mug' pho" mau" zo" phung bao , shaogyang" Solo: phung bao qhu" mung: ngo khyo" yang kaid' qhu" lo va" ru mae za: ngo mho: ru ngaid: . Airu: mung: Yerusalem: vo mae" qhid mung: Ilure' mug: joe" sho' we' avai: ayae khain mae ngo wa Khristu ngaui bau: lau dao: re lam: lang" sho' cao" hau" kyo" qin"va". –20 Airu: mung: ngo wa su de" to: va" jo, qo agau mae za: mangaid: shao: ein: Khristu akhyo re magyo" qu" shi: ko" ra" jo, qo khao: ngo" mae ngaui bau: lau dao: cao"21 hau" kyo: byid: nae" ru ngaid: ra". – Ai:ru we' dakhyo: jham: tung" mae yao" akhyo khag' yang re: mata" kyo" qu" ko" qere: yao: bam the' myao: li" genae". Aimung: mathe' gyo" qu" ko" ra" mo, wa ba: gyo" li" genae" ga: tung" to" ra".22 Airu: mung: naonhaung" jhao" ngo joe" li" nae" seim" ru mae myo: sho' lhang tam"23 kyo" ru qhug' ra". – Ana" kam" ai: mang: geim" mae" mau" zo" kyab' sho' bin: zaui: va". Aimung: naonhaung" jhao" li" qhug' nae" myo: sho' zin mae" kao bau: na va"24 ru: yang. – Sapin: mang: khyo ye" ra" au: mae naonhaung" jhao" vao: jao: nae" airu: mung: ngo wa nga" gyaung: khyo mae naonhaung" re the' myao: qu" nae" ein: myid: nghae" ke' ra". Naonhaung" we' ngo wa dazab daso' zo: kholao" qhug' zam" khug mung: naonhaung" ngo re ai: mug: khyo bao" dai" lhai: ke' genae" re myid: lao"25 ra". – Ngaid qere: ana" ngo wa shaogyang" ra" mao: nhaung: qere caung da" byid: nae" tau: Yerusalem: vogaung: khyo shi"26 do, lo" nae". – Pe" mung: ga" re Makedoni mang: byu qe we' Akhaya mang: byu qe wa Yerusalem: vomo" mae na: ra" shaogyang" myaung sho: mo, re nhag' khyag' myid we'27 jo, nho" gae byid' aveko". – Nhag' khyag' myid ein: ru mae aibam wa jeju ba: so: ko" mo, ngaid: . Pe" mung: ga" re labug amyu" qe wa Solo jo, nho" re Yuda, amyu" qe we' daga" khae: yu zam" khug ko" ru: myid- kin: jo, nho" jham rere: gae: myho" mung:28 jho" gai: zho: zhaug' ra". – Ngo mau" zo" cegu: re zaui" pin" mung: ce:alu: jo, nho" re bin: qhaug' byid' pye' thao re Sapin: mang: khyo ye" lo" au" naonhaung" re li" qhug'29 jao: nae". – Ngo naonhaung" jhao" joe" li" lao" ngo wa Khristu min byang" sho' we' joe" li" nae" ngaid: rure ngo ba: ra".30 Mao: nhaung: qe we" nyhao:nhaung" AsAng Yesu Khristu khyo" yang re: shao- gyang" Solo: yang byid' ra" jhid' de; myid khyo" yang re: jhaung: mho' ru mae ngo we' qhain: mung: nga" tau: mae" Mo"so re qam: ke' yang:bo: ceim" mho' bao" gela,31 ein: mho' ke' ra". – Yuda, mang: mae na ko" ra" malam mo; lo, mau" mae" ngo loe, nae" khyo we' Yeruslem: mae nga" caung da" mau" re shaogyang" mo, khae: yu genae" tau: mao:nhaung: qe ngo we' daga" Mo"so re nga" tau: jhaung: mho' bao" gela, ein: Khristu we' shaogyang" Solo jhid' kao:32 ru mae pao yang: ta" peim" ke' ra". – Yaug yo myain cae" ra" AsAng Mo"so wa naon- haung" alhab' mo; we' daga" ngaid: na: veshao: wo". Amen.