1 Airu: ngaid: re ngonhaung" khoru: ein: ta" nae" i"? Mo"so: nhag' myain" jeju myo" laug: li" nae" tau: ngonhaung" qobo kaid'2 mung: na shi: zai i"?. – Airu: mangaid: gejhao" qobo shid khyo mae" loe, beim va" mo, ngonhaung" wa qobo khug mae khoru: ein: ba laung" na: bam nae" i"?. –3 Pe" mung: ga" re ngonhaung" wa Yesu Khristu mae Babtizan: khae: yu va" mo, yao: be; jin" shid kham: ru mae Babtizan: khae: yu va" ein: ngonhaung" ba: ra". –4 Airu: mung: Yesu wa phung bao qam: o: khyo" yang shid: ru mae" dam: daui: to" li" nhao: ru qhug' ru we' dakhyo: ngonhaung" re: kao daui khyo sag' mae kao qo" daui: na nae" tau: mae" Babtizan: khae: yu: ra" khyo" Yesu shid qhug' ru mae bobo mung: yao: we' daga" nyhab' pye' ru qhug' bam5 va". – Airu: mung: ngonhaung" wa shid: ra" ru we' daui: ra" akhug mae daboe: za: xo' taui" na mo, ngaid lao" wa yao: dam: daui: to" li" ra" akhug mae re: bo: daui:6 na nae" mo, ngaid: ra". – Aimung: ngon- haung" gaung khyao axug' wa yao: we' daga" pyao: mae be; jin" se' pye' va" ein: ngonhaung" ba: ra". Airu: mung: ngon- haung" wa qobo: jeim magai: boe" na lo:7 ngaid: ra". – Pe" mung: ga" re shid va" yaug wa yug: no qobo mae" lhoe' ke' ru8 qhug' ava". – Ana" ngonhaung" wa Khristu we' daga" shid: lo" yang: yao: we' daga" za: daui: na nae" ngonhaung" ceim" myid: lam:9 na: bam: ra". – Pe" mung: ga" re Khristu wa shid: ru mae" dam: daui: to" ke' ru qhug' ra" ru mung: thao phyao: khonhae" re: ma shid lo: zai ngaid: shid zug: wa yao: re maqo" ug lo: nae" rure ngonhaung" ba:10 ra". – Yao: shid: ra" akhyo: yang qobo re bin sho' khyaid' nae" tau: yao: wa dalhang za: shid: ru ngaid: .Yao: daui: na: ru wa11 Mo"so: tau: daui: na: ru ngaid: ra". – Airu: mung: naonhaung"yao" gaung khyao re: qobo: shaid' khyo" dang dang shid veko". Ngaid qere: Yesu Khristu khyo" Mo"so shaid' khyo daui: na: ra" ein: nghae" yu ge, .12 Airu: mung: naonhaung" wa gaung sho: ngae: ra" mau" zo" jham mae magoe; vao genae" tau: mae" naonhaung" ba: shid: ra" gaung khyao re qobo re da ug nhao13 lo: ge, – Naonhaung" yao" gaung khyao khodau rere: makhyang" ra" khyo mae dadaui nhao ge, naonhaung" wa shid: ru mae" dam: daui: li" va" mo, ngaid: ru we' dakhyo: naonhaung" gaung geim" re Mo"so14 mae qhaug' byid' to: ge, . – Naonhaung" gaung khyao re: dang main" jo, shao:. Qobo re naonhaung" asang dakaid' nhao ge, pe" mung: ga" re naonhaung" wa khang" dao: tarha'' agyid' mae na mo, mangaid: lo: jeju tarha" qao: mae na mo, angaid lo".15 Airu: ngaid: re ngonhaung" wa khang" dao: tarha" khug mae mana lo: jeju tarha" mae na mo, ngaid va" ru mung: qobo kaid'16 shi: zai i"? ai ru: makaid' lo: . – Naon- haung" dayaug yaug: dao: gyo: byid: lao" wa naonhaung" yao" gaung re ai: yaug jeim boe" va" ein: maba ko" i"?jeim doe; khyo shid' gao jo; ra". Dagao wa shid nae" khyo jhui" joe" ra" qobo: jeim , ai mung: dagao wa dang main" ra" khyo jhui" joe" ra" mho17 dao: gyo" ra" jeim ga: ru ngaid: ra". – Airu: mung: naonhaung" wa Mo"so re jeju so: ca" ra". Pe" mung: ga" re naonhaung" wa qobo jeim qe boe" qu" veko" ra".Ngaid yang: re: naonhaung" re mho" kyang" ra" lau dao" yang ave, vin tang" ra", nhag' kao" mae" mho dao: re gyo" cao" mo, ngaid18 veko". – Naonhaung" wa qobo mae" lhoe' yu qhug' veko" mung: dang main" ra" jeim qe boe" veko".19 Naonhaung" gaung sho: shaid' mae azhao: mae" yao: laba lajhao qam: nang: mo, ngaid: ra". Naonhaung" wa mashao makha" ra" mau" zo" mae" anyain: avho: mau" zo" mae naonhaung" yao" gaung re jeim toe' qu" veko". Ai: ru ana" kam" wa dang main" ru mae" shaogyang" ra" akhug khyo naonhaung" gaung khyao re jeim toe'20 gese, . – Khoru: ga" re naonhaung" wa qobo: jeim qe ngaid: na ko" au: dang main: khyo re zai" lhoe' khyo" pye' mo, ngaid:21 ako". – Ana" naonhaung" myid: qho' na ko" ra" naonhaung" kaid' ra" mau" zo" jham mae" pe" so' ha" ko" i"? .Ai jham: athao" wa22 shid: ru ngaid: ra". – Naonhaung" wa ana" qobo mae" loe; lo veko" mung: Mo"so: jeim qe boe" veko". Naonhaung" wa shaogyang" ra" shi: zaui: veko". Ai: athao" wa gyag maqui: thain" madaui na nae" kao ngaid:23 ra". – Qobo aphug' wa shid: ru ngaid: ra". Mo"so byid' ra" jeju jhaung qhu" kam" wa Ngonhaung" AsAng Yesu Khristu khyo" yang apyaid ato: kao so' ngaid: ra".