1 Ana" ngonhaung" wa lam jang" myid mae dang main" ra" mo, boe" lo yang: ngonhaung" AsAng Khristu khyo" mung: Mo"so qhid' kheim: mae yaug yo: ru2 qhug' yu: ra". – Ai: jeju re qo" khae: yu: ra" akhyo wa lam jang" ru: yang ai: AsAng khyo" khae: yu nae" akhang" qo" ra". Airu: mung: Mo"so: phung bao re myid: nghae" mung: ngaui bau: ngaui yao qo" phug: na:3 ra". – Ai: tho' mago" qug: khai" ru qhug' thao za: qo" nghao" ngaid beim nae" khyo thug' li" ra". Pe" mung: ga" re qug: khai" ru wa zang: qhao" rure boe" nhao: ra". –4 Zang: qhao" ru wa sagso: boe" nhao: ra" sagso: boe" nhao: ru wa myid: nghae"5 rure boe" lo nhao: ra". – Ai: myid: nghae" ru wa ngonhaung" re qam: shain nhao nae" mangaid: . Pe" mung: ga" re Mo"so: jhid' de; myid wa ngonhaung" re byid' ra" jhaung qhu" shaogyang" Solo khyo" yang6 vhe' sheim: byid' to" ra". – Ngonhaung" khug ngha jao: maqo" shi" au: Khristu wa Mo"so tu" ka" to" ra" ayo, akhin: mae gyoe magyang" ra" mo; tau: shid qhug'7 ra". – Dang main" ra" byu dayaug: tau: byu dayaug shid byid: qhug' nae" ra" mau" ngaid: ra". Byu gai dayaug: tau: vae" shid qhug' nae" kam" wa dayaug yaug bo8 maba. – Ngonhaung" wa qobo gaung qe ngaid: na: bam shi" au: Khristu wa ngon- haung" tau: mae" shid qhug' byid' ru wa Mo"so ngonhaung" re khoqhi" jhid' de; ga"9 akhyo re qhu" byid' ava". – Airu: mung: ana" ngonhaung" wa Khristu sa" yang dang main: veko" ga: Mo"so: yang khae: yu: ru qhug' mo, ngaid: mung: Mo"so wa nhag' gyid' ru mae" Khristu mathao mae qobo myi: mai: tham: mae" khyaid' yu: ra" khyo qo" nae" ein: myid: nghae" jao: jo; ra".10 Khoru: ga" re ngonhaung" wa Mo"so: gyevo ngaid: bam ngaid qere: yao: zo: shid: kham: ra" khyo" yang ngonhaung" re yao" zam" cao: kaid' yu: ra". Ana" wa ngonhaung" yao" ba nam ngaid va" ru: yang Khristu mathao mae ngonhaung" wa khyaid' yu: ra" jeju qhug' nae" ngaid: ein:11 myid: nghae" jao: jo; ra". – Ai: tho' mago" ngonhaung" wa Khristu we' zam" cao: boe" va" jeju khae: yu va" mo, ngaid mung: Mo"so mae ngaui ngaui bau: bau: nga: qo" mo, ngaid: bam va".12 Qobo wa byu dayaug khyo" myidkin khyo vao li" mung: ai: qobo: mathao mae shid: ra" khyo vao lo" ru we' dakhyo: Sosu byu alhab' wa shid: ra" khyo joe" ra". –13 Khang" dao: tarha" mato: shi: mae" ce: myid kin mae qobo jo, va". Pe" khang" dao: tarha" re: majo, ngaid: re qobo majo, nae" ngaid: ra".14 Ngaid qere: Adam: ta mae" qhid mung: Moshe ta joe" sho' shid: ru: yang ug: to" ra". Adam: shaid' rere" ru: mashaid' nghung" ra" mo, re lao" re: ug: ra". Ai: Adam: wa joe" li" nae" yaug: ve, lho ngaid:15 ra". – Ngaid qere: shaid' lhoe" ra" akhyo we' jeju: akhyo wa majho" dau khoru: mung: ga" re byu dayaug shaid' nghung" ra" mathao mae byu myo: sho' wa shid: ru qhug' va". Dayaug za: ngaid: ra" Yesu Khristu khyo" yang byu myo: sho' mo, re byid' ra" Mo"so: jhaung qhu" wa je yang:16 qi" qhang: ra". – Ai mae" getau byu dayaug shaid' nghung" ru we' jeju wa majho" dau pe" mung: ga" re tarha" dao: phyid' ru wa qobo daja: ja: re byid: qhug' ra" Mo"so: jeju jhaung qhu" wa qobo re lhoe' ke' ru17 ngaid: ra". – Byu dayaug shaid' nghung" ra" qobo mathao mae shid: ru wa ai: byu dayaug yaug: mathao mae alhab' mo, re ug: na: ru wa dang: ra".Ngaid qere: Yesu Khristu khyo" yang kaid' thug' ra" so' ha" wa khoqhi" je: qi: nae" i"?.Mo"so: nhag' myain" ra" jeju re qo" khae: yu: ra" mo, we' Mo"so: yang dang main: mo, ga: khae: yu qhug' ra" mo, wa Khristu khyo" yang18 qam: bo bo za: kao daui: li" genae". – Airu: mung: byu dayaug: shaid' yug: mae byu alhab' mo, geim" qobo khug khyo jeim" vao lo" ko" khyo: byu dayaug dang main" khyo mae byu alhab' mo; jhao" dang main" khyo19 joe" vao lo" ra". – Byu dayaug dao: magyo" ra" mathao mae byu alhab' mo; shaid' nghung" qobo qo" ra" mo, ga: nghae" pye' ru we' dakhyo: byu dayaug mho dao: gyo" ru: yang byu alhab' mo; re dang main" ra" ga: Mo"so: yang nghae" yu: byid' ru qhug'20 li" genae". – Khang" dao: tarha" byid' to" ra" mathao mae shaid' nghung" ra" qobo re je: myo" laug: li" ra".Ngaid qere: Mo"so: nhag' myain" ra" jeju wa aje: myo" laug: jo;21 ra". – Airu: mung: qobo wa shaid' ra" qam: so' yang ug: na: ru we' dakhyo: Mo"so: nhag' myain" jeju re: dang main" ru we' ug: na mung: Ngonhaung" AsAng Yesu Khristu khyo" yang ngonhaung" re apyaid ato: kao so' re qo" yu nhao: ra".