1 Gaung sho: shaid' khyo" nyhao: nhaung" pho" ngaid: ra" Abraham: akhyo re2 khoru: ein: ta" nae" – Abraham wa lo, mau" zo" khyo" yang dang main" ru qhug' ngaid: re nga: kaid' nae" jao: jo; ra". Ngaid qere: Mo"so: qhid' kheim: mae ai ru: mangaid:3 Jham: dao: mae bo: ru wa – Abraham wa Mo"so re lam jang" ra".Yao" lam jang" ra" nhag' lam: mathao mae dang main: yaug4 ga: Mo"so khae: yu: ru qhug' ra". – Mau" zaui" ra" byu dayaug wa aphug' qo" khae: yu: ra". Ngaid qere: aphug' jhaung qhu" khyo" mangaid: yao: qo" khae: yu ang yang:5 qo" ru ngaid: ra". – Airu" mau" zo" mazaui: yaug wa matarha" yaug qobo re khyaid' byid' ra" khyo" lam jang" ra" mathao mae yao" lam jang" rure dang main" ra" yaug6 khyo" nghae" yu qhug' ra". – Byu dayaug yaug wa lo, mau" khyo" mangaid: lo: Mo"so: yang dang main" ra" ga: aso: zhaug' yu: ra" khyo re Davi ta" ru wa ,7 Qobo mae" lhoe' ke' ru , zai" shaid' ra" qobo re nghoe' pye' byid: qhug' ra" mo, nga: lho" ko" ra".8 Mo"so: yang qobo byid: nae" ru mae" loe; ra" mo, wa nga: lho" ra" ga: ta" to"9 ra". – Ai ru: mung: ce: nga: lho" ra" akhyo wa nyaug phyid' ra" mo, za: i"? airu: mangaid: lao" nyaung maphyid' ra" mo, re: i"? khoru: ga" re Abraham wa Mo"so re lam khug: ra". Yao" lam jang" myid: mathao: yang dang main" khyo" ngaid: ein: ngon-10 haung" wa jho" ta" va". – Ai ru: mung: yao: wa khotau mae" dang main" ga: khae: yu: ru qhug' ra"? yao: wa nyaug maphyid' shi: mae" i"? nyaug maphyid' shi: mae" ngaid:11 ra". – Abraham wa nyaug maphyid' shi: mae" dang main: yaug ngaid va" ga" aso: ngaid: ra". Nyaug phyid' ra" ve, lho re khae: yu: ra". Airu: Abraham wa ai: nyaug phyid' ra" khyo re makhae: yu ngaid sho' qere: Mo"so re lam jang" ra" myid mathao mae dang main" ra" ga: Mo"so: yang khae: yu byid' ra" mo, alhab' yao: pho" ngaid: ra". –12 Ai ru: mung: Abraham wa nyaug phyid' ra" mo; yao: pho" za: mangaid: lo: nyaug maqhug' phyid' ra" mo; yao: pho" re: ngaid: ra" ga" akhyo re qhu" ru ngaid: ra".13 Mo"so wa Abraham we' yao" zo: myid: qere mug: myid re sang nhao nae" ga: dao: so: byid' to" ra".Airu: dao: so: byid' ra" au: Abraham wa khang" dao: tarha" khyo" qo" ru mangaid: lam jang"14 ru: yang qo" ra". – Mo"so: dao: so: wa khang" dao: tarha" cao" mo; tau: mae za: ngaid: re wa lam jang" ru aje amyid boe" pye' zai ngaid: . Alao" Mo"so: dao: so: re:15 pe" aphug' made, zai ngaid: ra". – Khang" dao: tarha" wa nhag' gyid' mau" za: angaid: ra" ngaid qere: khang" dao: tarha" majo, re wa tarha" shaid' ga" rure: majo, ngaid:16 ra". – Airu: mung: ai: dao: so: wa Abra- ham: zo: myid: qere byid' ra" Mo"so: jeju jhaung qhu" ngaid: ra" khyo re gang" tang: jo, veshao: , lam jang" ru mae qao: tae to" ra" khyo re qhu" byid: nae" tau: mae" dao: so: ngaid: ra". Ai: dao: so: wa khang" dao: tarha" cao" mo; tau: mae" za: mangaid: Abraham we' dakhyo: Mo"so re lam jang"17 ra" mo; tau: mae" re: ngaid: ra". – Ngo wa nao re byumyu" myo: sho' yao: pho" boe" nhao va" ga: jham: paug' mae tung" to" ru we' dakhyo: za: Mo"so: qhid' kheim: mae yao: wa ngonhaung" pho" ngaid va". Mo"so wa shid mo, re kao daui nhao yaug we' ja: nam jab re maboe" majo; ru mae" poe" nha: to: yaug ngaid: ra" ga: Abraham wa18 lam jang" ra". – Abraham wa myid: lao" nae" khyo agu majo; au: lao" re: Mo"so re lam mung: myid: lao" ra". Airu: mung: yao: wa byumyu" myo: sho' yao: pho" boe" lo: ra". Jham: paug' mae ni" zo: myid: qe wa mo, taung laug: li" genae" ga: mho: to" ru we' dakhyo: za: byumyu" myo: sho' mo;19 pho" ajhaung boe" lo va". – Yao" kao dayo zin kho byang" li" na mung: yao" gaung re: ashid re" ru: ngaid: to" rure: Sa:ra" bota" yham ho: byaug va" ru ba ngaid qere: yao" lam jang" myid wa manang" lo" ngaid:20 ra". – Yao: wa Mo"so re lam nae" mato" myhid' ngaid: ra". Mo"so: dao: rere: aug' o: myid mabo ngaid: ra". Yao" lam jang" myid wa yao: re qam: pin" byid: mung: yao: wa21 Mo"so re caung: khin" ra". – Mo"so wa yao" dao: so: byid' to" khyo: qo" kaid' boe" yaug ngaid: rure Abraham wa akao" vao"22 sho' myid: zag; ci yang: – Mo"so: yang yao: re dang main" ra" ga: khae: yu byid' ru qhug' ra".23 Mo"so wa yao: re dang main" ra" yaug khyo" khae: yu: ra" ga" dao: wa Abraham dayaug re za: qang yang: tung" to" ru24 mangaid: . – Ngonhaung" AsAng Yesu re: shid: ru mae" dam: daui: to" li" nhao: ra" Mo"so re lam jang" ra" mathao mae Mo"so: yang dang main" ra" ga: khae: yu qhug' ra" mo, ngonhaung" re qang yang: tung" to"25 ru ngaid: ra". – Ai: AsAng wa ngonhaung" qobo mathao mae qhaug’pye' ru qhug' mung: ngonhaung" re dang main" ra" ga: khae: yu nae" tau: dam: daui: to" li" nhao: ru qhug' ra".