1 Lam" myid qam: nang" ra" mo, rere: lham: ge; yu ge, . Ngaid qere: lam: shaid' nae" ru" ra" ja: jham re yao: we' byin phyo:2 dajho" qham ge, . – Byu damyo" wa pe" ja: re re: gai: zo" ga: myid: ako". Ngaid qere: lam" myid mae qam: nang: mo, wa3 ao: pho' myiqui: za: zo" ako". – Zo: ja: alhab' re zo" ra" yaug wa mazo" ra" yaug re gaui damho ai mung: ao:pho' myiqui: za: zo" ra" yaug re: ja: khao: ngo" zo" ra" yaug re dao: magai: phyid' ngaid: ra". Pe" mung: ga" re Mo"so wa yao: re khae: yu:4 ava". – Nao wa khoyaug ngaid mung: byin cao: geje daui daui yaug re dao: phyid' i"? yao: myo, nho nga: lao: qo" nae".Maqo" nae" ga" ru wa yao" AsAng yao: dao: re phyid' li" nae". Yao: myo, nho qo" li" nae" khoru: ga" re Mo"so wa yao: re myo, nho5 nga: lao: qo" nhao: ra". – Ba na dane; tho' dane, je mung: yhau: gyin" ra" ga: byu damyo" nghae" ako". Byu damyo" wa pe" re: manghae" ko". Khoja: re nghae" yang: re: yao" nhag' dag: ra" ja: re nghae" na6 shao: . – Bana re phug' te' ra" yaug wa AsAng re phug' te' ru ngaid: ra". Daja: ja" zo: nam re zo" ra" yaug re: AsAng: qhid' kheim: mae zo" ru mung: AsAng re jeju so" ra". Mazo" ra" yaug re: AsAng: qhid' kheim: mae mazo" ru mung: yao: wa AsAng re jeju7 so" ra". – Airu: mung: nyhao:nhaung" wa nyhao: yao" tau: daui: na: ru mangaid: . Airu: mung: yao: yao" tau: shid: rure: khag'8 mana. – Pe" mung: ga" re nyhao: nhaung" wa daui: na ngaid yang: re: AsAng: tau: daui mo, ngaid: ra". Airu: mung: nyhao: nhaung" wa daui: qere: shid qere: AsAng:9 tau: mae na mo, angaid: . – Pe" mung: ga" re Khristu wa shid mo, we' daui: na: ra" mo, AsAng boe" nae" tau: mae" shid mung:10 dam: daui: to" li" yaug ngaid: ra". – Nao wa ni" mao: nhaung: pho" re dao: phyid' na: i"? pe" mung: ni" mao: nhaung: pho" re gin o qu" khyo" na: i"?khoru: mung: ga" re nyhao:nhaung" alhab' mo, wa Khristu tarha" la kin tao" qhid' kheim: khyo joe"11 nae" mo, za: ngaid: bam: ra". – Pe" mung: ein: re jham: mung dao: mae lo: ru wa ngo wa daui: na: ru mung: yaug khao: ngo" wa nga" qhid' kheim: mae paid' thaug' thaug' ca" genae". Aimung: nhaid' sho: yang Mo"so re ta" phung" qhu" ca" nae"12 ga: AsAng Mo"so mho: ra". – Airu: mung: nyhao:nhaung" yaug khao: ngo" wa Mo"so: yang myid' ca: qu" ru khae: yu ca" nae".13 Airu: mung: nyhao: nhaung" wa ana" mae" thoegu: yao: cao: dao: majho" phyid' lo: gejhao". Mao: nhaung: yao: cao: dayaug: qhid' kheim: mae dayaug tha" thu: lang: nae" akaung: akag' we' shaid' nghung: nhao nae" mau" zo" jham makaid' lo nae"14 khyo: myid: phyid' to: gelang: . – Ngo re AsAng: yang aung peim: byid: mung: ba: ru wa pe" ja" zo: pho: re: ca' pho: ga: getau majo, ai ngaid yang: re: dayaug yaug wa yao" nhag' khug mae ca' pho: ngaid: ga: myid lao" wa zo: pho: ai: ja: wa byu ai:15 yaug: tau: ca' pho: boe" byaug: ra". – Nao zo" ra" zo daja: ja: khyo" yang ni" mao: nhaung: pho" re no nhao: ngaid: re wa nao jhid' de; myid we' kao daui: ru mangaid: lo: ngaid: ra". Khristu wa yao" tau: shid: kham byid: va" ru: yang ni" zo: pho" yang16 yao: re dabyo, qeim nhao. – Naonhaung" gai gai: myid: jho: ra" ja: re dajung" pye'17 nhao wa, . – Pe" mung: ga" re Mo"so: mang: din" wa zo" ru shaug' ru we' matin: shaogyang" Solo khyo" yang byid' ra"dang main" ru yaug yo: ru mae ngaui bau: khyo18 angaid: ra". – Khristu re cekhyo: caung da" byid' ra" yaug wa Mo"so re o ngaui nhao mung: su: yang re: caung: khin" ru qhug'19 ra". – Airu: mung: yaug yo: khyo mae re: , yao: cao: zhaug' tang khyo mae re: dau nyang: ra" ja: khao: ngo" re myhi sho' cao"20 gelang: . – Zo: shaug' mathao: yang Mo"so kaid' to" ra" mau" zo" re daphyo' qheim" ge, zo: pho: alhab' wa gai: zo: ngaid qere: su geje qere tha" lang: nhao nae" khyo: zo: shaug' ra" yaug wa qobo qo" ra". –21 Ni" mao: nhaung: re tha" lang: nhao: ja: mangaid: lao" the' zai" shaid' nhao: ra" ja: mangaid: lao" qam: gyug: nhao: ra" ja: sho: re: dazo: yhid re: dashaug' airu" ja: alhab'22 re jao" pye' wa, – Nao lam" ru we' dakhyo: zaui" zag: ci wa, ai wa Mo"so we' ni" agyo: mae" dao: so: ngaid shao: . Yao: o ngaui: ra" khyo: kaid' to" ra" mau" zo" mae kaid' shaid' yug: maqhug' yaug wa nga: lho"23 ra". – Aug' o: aug' taung" zo" ra" yaug wa qobo ngaid: ra". Lam khug: myid mabo lo: zaui" ra" mau" alhab' re: qobo ngaid: ra".