1 Byu yaug khao: ngo" wa Mang: din" ug khang" nae" kheim: so' qo" ra" mo; dao: gyo" khae: yu ca". Pe" mung: ga" re Mo"so mae" mangaid: lo: pe" kheim: so' re: majo, ug khang" nae" kheim: so' wa Mo"so: yang2 byid' to" ru ngaid: ra". – Airu: mung: khag' ngaid yang: re: kheim: so' aire lhoe" ra" yaug wa Mo"so: khang" dao: re lhoe" ra" yaug ngaid: ra". Aire lhoe" ra" yaug wa qobo3 qo" nae". – Pe" mung: ga" re gai: ra" mau" zaui: mo, wa zug: qere gyaug maca" ngaid: ra". Makhyang: mashab: ra" mau" zaui: mo, kam" wa zug: qere gyaug ca" ako".Nao wa kheim: so' qo" ra" mo, re gyaug vae: ru mae" loe, nug: i"?. Ailao" nao wa gai: ra" ja: kaid' wa, yao" yang nao re khin" li" nae". –4 Khoru: mung: ga" re yao: wa nao re agai byid: nae" tau: Mo"so: mau" vin vo, yaug ngaid: ra". Nao wa makhyaid' nho yaug ngaid lao" kam" wa yao: re gyaug vae wa, pe" mung: ga" re yao: wa qobo dae byid: nae" kheim: so' qo" yaug ngaid: ra".Yao: wa Mo"so: daui daui yaug ngaid mung: magai: ra" mau" zaui: mo, re Mo"so: qobo dae5 byid: yaug ngaid: ra". – Ceru: mung: naon- haung" wa ug nae" kheim: so' qo" ra" mo; dao: re tae" gyo: ca" ra". Mo"so: qobo dae byid: nae" ru re gyaug yang: za: mangaid: ni" aung khug nhag' lam: mae ba: myid: kin yang: kheim: so' qo" ra" mo; agyid' mae na6 mo, boe" ca" ra". – Ai: mathao mae naon- haung" wa khang" daug ke' ru ngaid: ako". Pe" mung: ga" re kheim: so' qo" ra" mo, yao: bam: mau" zo" mae kyab' sho' zaui: ru wa Mo"so re mau" zaui: byid' na: ru ngaid:7 ako". – Airu: mung: naonhaung" wa yao: bam re byid: ca" ra" gu: re byid: ge,. Khang" daug byid: ang: gu: re: byid: ge,.Gyaug nae" ru" yaug re gyaug ge,. Phug' myao: ang: ra" yaug re phug' myao: ge, .8 Yao: cao: jhid' kao: khyo mae" jain" yang: khag' rere: pe" jhin dade, ge, su geje re jhid' de; ra" yaug wa khang" dao: tarha"9 re cao" pyang" yaug ngaid: ra". – Airu: mung: yang: khang" dao: tarha" mae su: myi: lao dashaid' , byu dase' , dakhug' , su: zai re myo, no, o: dabyid madang main" sagso: dakham ga" ru we' getau khang" dao: jham wa ni" yham kyo: cao: re nao yao" gaung we' dakhyo: za: jhid' kao wa,10 ga" khang" dao: mae bobo: ava". – Jhid' kao: nhag' myid bo: ra" yaug wa su re magai: ru makaid' ngaid: ra". Airu: mung: jhid' kao: khyo wa khang" dao: tarha" re cao" pyang" ru ngaid: ra".11 Aimae" dagau: ngonhaung" re khyaid' yu: ra" jeju wa ngonhaung" lam khug: ra" ba na mae jhao" ra" tho' ana" je: jhao" li"12 va" ru rere: – myi" ayo, thao" mung: na" gaung ayo, joe" li" na: ava".Aimung: yab jo; ru mae" beim: so: yo, joe" ava" ein: ngon- haung" wa ba mung: ayo, adau re qu" zo" mug: caid' we' tin" ra" mau" zo" re khyaid' khyo" pye' mung: bo" bao mae gye khe'13 nae" sin: re yu: ci gelang: . – Ngonhaung" wa na" dao: gaung re su" ra" mo, we' dakhyo: su: gelang: . Ave, made, zo" pyo: shaug' pyo" ru , zo" yid shaug' yid: ru , phavae mau" kaid' ru , myain" myo: sho: she: ru , myo, byo, qho: ru , myid nug: myid khyaid' ru jham re jao" pye' ca" ra". –14 Gaung sho: nghae" ra" akhyo re to" pye' ge, .Khristu Yesu re ve; ci ge, .