1 Sholu' wa Mo"so: naung cao qere kyaug' nhin" mung: se' pye' nae" ga: nhag'2 lam: myid: zhau: na: ra". – Ce:lam khug: khyo cao" ra" yaug gai myiqe: qere myao lao" taui" yu yang: Yerusalem: vomo" khyo dai" ke' ke' kaid' nae" tau: Damasku vomo" tarha" qe, do, sang: ra" yaug jhao" byid: nae" amyin" tung" khye' re khin jaung yin"3 jhao" mho' ci mung: – Damasku vomo" nhae mae joe" lo" au: mug: gaung mae" bo" bao wa yao" ayae lhang" gam: myo, danyag4 mae bao: li" ra". – Sholu' myid gaung mae lang" goe; jo; au: Sholu' , Sholu' pe" mung: ngo re yhin" na:? ga: yao: re ta" thoe the'5 gyo" ke' lao" – AsAng wa khag' ngaid:? ga: myid' ra". AsAng re: ngo wa nao yhin" na:6 ra" Yesu ngaid: ra". – Nao to" mung: vomo" khyo vao wa, nao kaid' nae" mau" lham: ta"7 shid' li" genae" ga: mho: ra". – Sholu' we' daga" ye: mo, byin cao: qe wa thoe re za: the' gyo: yang: getau khag' rere: mamyao8 mung: mug' hao" ye; jo; ako". – Sho" lu' myid gaung mae" qhao" to" li" mung: myo, phung" ci ngaid yang: re: pe" rere: mathe' myao boe" lao" yao: re she yang: Damasku9 vomo" khyo ye" lo" ako". – Sam ba lam: lam: myo, mamyao mazo: mashaug' lo: na: na: ra".10 Ai: au: Anani' mang: ra" naung cao dayaug wa Damasku vomo" mae na: ra". Ai: yaug re Mo"so lamyhung" khyo" Anani' ga: khai lao" Anani re: AsAng ngo na: wo"11 ga: mho: ra". – Mo"so wa nao to" mung: khyo din: ga: mang: ra" khyo ye: wa, Sholu mang: ra" Tashu' byu re Yuda yham mae ye: qho wa, ai: yaug jhaung: mho' yang:12 na: na: ra". – Yao" myo, jid' dam: myao nae" tau: mae" Anani' mang: ra" yaug vao li" mung: yao" adao mae lo, kai: byid' rure lamyhung" khyo" yang myao: ava" ga: ta"13 ra". – Anani' wa Mo"so we" , ai: yaug wa Yerusalem: vomo" mae AsAng: shaogyang" ra" mo, re gyai pyam" yhin" ga" rure su hau:14 gemung: ngo qo" the' gyo: va". – Ce: jo, qo mae re: AsAng mae jhaung: mho' mo, alhab' bam: re taui" she: ci nae" akhang" khin jaung yhin" jhao" mae" mho' ci: ava"15 ga: tug' mho: ra". – Ai: yaug wa taung bug byumyu" qe we' jhaung zug: qe jhao" re: Israel byumyu" qe na: ra" khyo re: nga" mang khyao: re dai" byid: nae" ngo khyin: yu: ra" nga" gaung tha" boe" nae" yaug16 ngaid: . – Pe" ru: ga" re ai: yaug wa nga" mang khyao: yang pyam" yhin" ru phau: nae" rure ngo nao re qhu" nae" ga:Anani' re mho: ra".17 Anani' wa ye: mung: yham mae ye: joe" lao" Sholu' adao mae yao" lo, kai: mung: mao: nhaung: Sholu' we" , nao li" ra" khyo mae nao re bao: myhao" qhu" va" AsAng Yesu wa ni" myo, jid' re dam: myao byid: nae" tau: we' nao re shaogyang" Solo byang" vin" nae" tau: mae" ngo re nhao: ke' va" ga: ta" ra".18 Ai: dazab mae Sholu myo, jid' mae go: to" ra" ayam" qid' lo" mung: myo, dam: qo" myao lao", to" mung: Babtizan: khae: yu mung: zo: nam shaug' pho: zao: khin" yu yang: qam: pyang" ra".19 Ai:thao Sholu wa Damasku vo mae na: ra" naung cao qe we' daga" dayo, dataung20 na mung: – Yesu wa Mo"so: yao: zo: ngaid: ra" akhyo tarha" qe, do, ham phaung jao:21 mae cao" hau" kyo" ra". – The' gyo: mo, alhab' wa gyo" mug' mung: ceyaug wa ai: AsAng mae jhaung: mho' mo, re Yerusa- lem: mae phyo' ru za: lao" mago" ai bam re taui" she: yu mung: khin jaung yin" mo" qe jhao" dai" nae" tau: mae" ce: jo, qo khyo22 li" ru mangaid: i"? ga: ta" ako". – Sholu re: qam: o: je: byang" lo mung: Damasku mae" Yuda, byu qe myid' ra" dao: kheim: alhab' geim" re pheim: kyo: zo" Yesu wa Khristu ngaid: ra" khyo re boe" boe" za: ta" ra".23 Ayo, gyai myao" lo" thao re Sholu' re se' nae" ga: Yuda, byu qe yao: cao qham:24 ako". – Ai: akhyo re Sholu ba: ra". Yao: re se' nae" ga: vomo" kham: dung: jham re abang25 mabyid zaung" na geyang: – Naung cao qe wa myi" re yao: re gyain mae ke' yang: vo kham" adao mae" yhoe" khyo" ke' ako".26 Yerusalem: khyo joe" lo"re naung cao qe we' qhain: nae"ga: myid yang: re: yao: naung cao ngaid va" akhyo naung cao qe malam"gemung:yao: re gyaug: ako". –27 Alao" Banaba wa yao: we' daga" logyo: qe jhao" jhui" ye: yang: lai: lo" va" Sholu wa khyo le; mae Mo"so re myao va" ga: re: yao: re ai: AsAng khoru: ta" rure re: Damasku mae Yesu mang khyao: re vae" vae" za:28 hau" kyo: va" ga: ta" kyo" ra". – Ai mae" za: Sholu wa Yerusalem: mae logyo: qe we' qhain: mung: AsAng Yesu mang khyao: re29 hau" kyo" ra". – Helini byu qe we' jho" ngag: ra" mathao: yang ai bam wa Sholu30 re se' nae" ga: kung" ako". – Ai: akhyo re mao: nhaung: qe the' gyo: gelao" Sholu re Kasare vo joe" cao" dai" mung: tashu'31 khyo nhao: ke' ako". – Ai: au: Yuda, mang: Galile" mang: Samari mang: jo, qo lam: khao: ngo" mae phung: re yo yo za: zhaug' tang: lo" ako". Mo"so re gyaug phug' ru we' shaogyang" Solo: khyo shid' ru mae cao" yang: yao: bam myo" je" lo: ako".32 Petru wa jo, qo khao: ngo" su" kam" qin" zo" Lu'da' vomo" khyo joe" ye" ra". –33 Ai:jo, qo mae Enae: ga: mang: ra" khyid lo, shid yang: she' zin lam: lam: yab jao: mae za: na: na: ra" yaug re myao lao" Enae: we" Yesu Khristu wa nao re gai nhao: ava". –34 To" mung: yab qo re dang" to: wa, ga: Petru mho lao" ai: yaug wa alao" jao" to"35 su" ra". – Lu'da' we' sharon: vomo" mae na mo, alhab' bam wa ai: yaug re myao lao" Mo"so shaid' khyo tha" lhang: lo: ako". –36 Yupa vomo" mae Doka ga" Tabita mang: ra" naung cao myhi" dayaug na: ra". Ai: myiqe: wa gai: ra" mau" , byid: gae: mau" mae vin37 tang: taung" ru ngaid: ra". – Ai: au: re yao: no yang: shid:lo" byaug va". mao gaung re bin: cid' byid: mung: tho' qe, mae mhao"38 to" ako". – Lu'da' vomo" wa Yupa: vomo" we' ajhao" za: mung: ai: vomo" mae Petru na: akhyo re naung cao qe the' gyo: gelao" Petru lhau" joe" li" nae" tau: byu shid' yaug39 nhao: ke' mung: ye:khai: ako". – Petru wa ai tao we' daga" cao" lo" ra".Joe" lao" tho' qe, khyo khai: to' yu mung: cug' mo" qe wa ngug: yhai: na zo" yao: bam we' daga" Doka na shi" au: khyab' ra" mai bau: jham re lao" lhung" qu" ako".40 Petru wa ai bam alhab' re taung gaung khyo thug' nhao mung: yao: paid' thaug' thaug' yang: jhaung: bin: mho' lao" ai: nghin:dam: khyo myo, khung: qang yang: Tabita to" wa, ga: mho: ra". Ai: myiqe: wa myo, phung" ke' ru we' Petru re myao lao" to" zaung: li" ra".41 Petru wa yao" lo, ai: myiqe: jhao" qang: ke' mung: lao" to" yu yang: shao gyang" mo, we' cug' mo" qere khai mung: kao daui: lo va" ai: myiqe: re qhu" ra".42 Ai: akhyo re Yupa: vomo" mae ba: myi" lo" yang: byu qe wa Mo"so re lam khug: lo:43 ako". – Petru wa Yupa: vomo" mae Simon mang: ra" shoqid mau" zaui: zo: yaug we' daga" gyai myao" sho' na: ra".