1 Pentikoti Bana joe" lo: au: yao: bam alhab' mo, daqam: daqhi qham phaung2 mung: na: bam: ako" – Ai: au: la qam" lo: re" ru: thoe mo" wa dazab za" re mug: gaung mae" thug' li" mung: ai bam na ko"3 yham mae byang" ug: lo: ra". – Ai: dazab za" ayo, mae nga" byo: li" ra" myi: shae ru" sho wa ai bam yaug khao: ngo" adao mae4 gyo" thang: jo; ra". – Ai bam alhab' mo, re: shao gyang" Solo we' byang" mung: Solo khyo" hau" kyo: nae" akhang" byid' ru we' dakhyo: aja: ja" myain" khyo" hau" kyo"5 ako". – Ai: ayo, mae mug: gaung gyid' mae na ko" byumyu" khug mae" Mo"so re gyaug phug' na ra" Yuda byu qe wa Yerusalem:6 vomo" mae na: bam: ako". – Ai: thoe re the' gyo: ko" au: byu myo: sho' zang" ham: li" lo: re geja: ja: majho" dau ko" mo, wa yao: yao" myain" khyo" yang logyo: qe hau" kyo" rure the' gyo: mung: mug' hao" na:7 bam ko" ra". – Ai bam alhab' mo, wa mug' hao" na ko" ru mung: ana" hau" kyo: mo, alhab' bam: wa Galile" byu qe ngaid ko"8 mangaid: i"?. – Ai ngaid: re ngonhaung" wa aja: ja: majho" dau: ra" yao: yao" na jao: myain" khyo" ba: gyo" ru wa pe" ru"9 ru i"?. – Pati mang: mae" ru Medi mang: , Elin mang: , Mesopotemia mang: , Yuda mang: , Kapadonia mang: , Pungtu mang: ,10 Ashi mang: , – Phyigi mang: , Pampuli mang: , Egutu mae na: ra" yaug Kurenae vomo" we' xo' lo" ra" Libu khaung: mae na: ra" yaug Roma vomo" mae" li" ra" bang" vo qe Yuda byu qe ngaid qere: Yuda11 phung: vao byu qe ngaid qere: . – Kayete mang: byu , Arab mang: byu ceru: majho" dau: ra" ngonhaung" re cebam wa Mo"so: mug' pho" mau" jham re ngonhaung" yao: yaug yao" myain" khyo" yang hau" kyo" ru: ga: the' gyo" ra" ga: yao: cao: jho" mho:12 ako". – Ai bam alhab' mo, myid: mug' ru we' cemau" wa pe" ru" mau" zo" ngaid: i"? ga: dayaug we' dayaug jho" ta" ako".13 Byu damyo" wa ce bam wa Sabyi' yhid yid mo, ngaid: ra" ga: gaui: ako".14 Ai: au: daxe: dayaug; logyo: qe we' daga" Petru wa to" mung: ai bam re thoe mo" ke' mung: hau" kyo" ru wa Yerusalem: vomo" byu qe we' Yuda byu alhab' qe we" naonhaung" ce: akhyo re xam" yu mung:15 nga" dao: re jhaug' za: tae" gyo: ge, – Ana" ce: ayo, wa ne, kao: dau sam yo, shi" angaid: mung: naonhaung" jho: ru: cebam16 yid; na mo, mangaid: . – Ce: mau" zo" wa lapa Yola pa co' va" mau" zo" ngaid: ra".17 Pa co' va" dao: kheim: wa thao: ban: re byumyu" cao jab; adao mae nga" Solo vhe' gyain: byid: nae". Naonhaung" yao: zo: qe wa lapa nyain: we' hau" kyo: genae". Kao ngai shi" mo, wa myo, myao lamyhung" re qo" the' myao: li" genae". Kao qi: va" mo, re: ve; lho yab mo, re the' myao genae".18 Ai: ayo, mae nga" mau" re vin vo, ko" yaug gai myiqe: qe adao mae nga" Solo re vhe' gyain:byid: mung: yao: bam wa lapa nyain: we' hau" kyo" li" genae".19 Mug: le; phyo: mae re: mug' pho" mau" re myid gaung adao mae re: sa: , myi: shae , myi: khug' ve, lho jham re: ngo qhu" nae".20 Apyaid ato: Mo"so: gekai: lai: bana mo" majoe" shi: re ba wa caid' sham: lo" byaug nae". Lho" re: sa: ru: ne: lo" byaug nae".21 Ai: ayo, mae apyaid ato: Mo"so re jhaung: mho' ko" mo, alhab' bam: wa khyaid' yu: ru qhug' genae" ga: AsAng Mo"so: lamyhung" dao: mae bo: ra". –22 Israel byu qe we" nga" dao: re tae" gyo: ge, . Naonhaung" ba ko" ru we' dakhyo: Nazared' vo Yesu wa gekai: lai phung bao ve, lho mug' pho" mau" jham re naon- haung" mae kaid' qhu" nae" akhang" we' Mo"so byid' ra" sagso: re qo" yaug ngaid:23 ra". – Mo"so mhai" to: va" yao: o ngaui: ra" khyo" ngaid: qere: , tau" myao ba: ra" khyo" ngaid qere: , qhaug' pye' ru khae: yu: ra" ai: Yesu re naonhaung" myhag' yu gemung: tarha" mavao mo; lo; yang pyao: mae jin"24 se' pye' veko". – Ai: AsAng re shid no: yang maqo" taui" yu lo: ai: shid no re Mo"so va:25 pye' byid: mung: taui: to" ke' va". – Ai: AsAng re pao yang: Davi jhaung zug: wa ngo wa apyaid ato: Mo"so re abang mabyid malam: lai: qu" zhaug' na: ra". Khoru: ga" re nga" lo, yo shaid' mae na: jo; ru mung: ngo wa daui lab nae" akhyo mabo.26 Ai mung: nga" nhag' lam: wa yaug yo yang: nga" Solo re: ngaui bau" na: ra". Ai mae nga" gaung sho: re: myid: nghae" kao bau: na: ra".27 Khoru: ga" re AsAng wa nga" Solo re movo: mug: mae shepye' to" ru mangaid: . AsAng: shao gyang" ra" yaug rere: bab sheim nae sho' mato: lo: za: kao daui: na: ra" khyo dang qhu" byid' li" nae".28 Myo, khung: re qo" the' myao: ke' ra" khyo" yang ngaui bau" myid we' ngo jab byang" nhao: li" nae" ga: David mho:29 ra". – Mao: nhaung: qe we" byumyu" yao: pho" ngaid: ra" Davi akhyo re ngo naon- haung" re bao bao za: ta" kyo: nae". Ai: Davi re: shid mung: nyhab' to" ra" mang: khung: ana" ba joe" ngonhaung" mae jo;30 ra". – Ai: yaug wa yao: yao" amyu" aboe: mae" byu: gaung sho: khyo" yang Khristu re Mo"so taui: to" ke' mung: yao" La kin dao mae nha: to: nae" akhyo re lapa nyain:31 khyo" qo" ba: ra". – Khristu daui: to" ra" akhyo re atae to: zo" ai: Khristu nhag' lam: Solo re movo: mang: mae shepye' to" ru mangaid: . Sho: re: bab; nae: mae majoe" nae"ga: tau" ba:myao: ra" nyain: yang hau"32 kyo" ra". – Ai: Yesu re Mo"so yang taui: to" yu: ra" akhyo ngonhaung" alhab' wa sagso:33 qe ngaid: bam va". – Ai: akhyo Mo"so wa Lo, yo lo; yang vo; jhu" yu mung: ai: AsAng wa dao: so: we' main: qi" ra" shaogyang" Solo re pho" Mo"so jhao" mae" khae: yu va" mung: naonhaung" the' ba: myao gyo: va"34 ja: re paug' laung" qhu" ke' ra". – Davi wa mug: gaung khyo mado, lo" shi:35 Aqere: apyaid ato: Mo"so wa ni" gyevo jham re ni" khyid qao: mae ngo mato: byid: byid: wa nga" lo, yo shaid' mae zaung: na wa, ga: nga" AsAng re mho: ra" ga: Davi36 dao: kheim: jo; ra". – Ai mung: naonhaung" wa pyao: mae jin" se' ra" Yesu re Mo"so wa Khristu azhao" mae re: ug: gam nae" AsAng azhao" mae re: nha: to: va" akhyo re Israel byumyu" alhab' bam: we" jhaug' jhaug' yao: ba:yu ge, ga: Petru ta" ra".37 Ai bam wa the' gyo: ko" au: nhag' lam: qi: sho' gyo" zao" geyang: khoru: kaid' nae" i"? ga: Petru we' getau: logyo: qere myid'38 ako". – Naonhaung" qobo re lhoe' byid: nae" tau: nhag' lam: atha" qo" mung: alhab' mo; Yesu mang mae Babtizan: khae: yu ge, airu: kaid' lao" shao gyang" Solo: jeju jhaung qhu" re the' khae: yu genae". –39 Khoru: ga" re dao: so: wa naonhaung" we' re: naonhaung" zo: myid: qe we' re: va" na ko" mo, re ngonhaung" Mo"so apyaid ato: khai: yu qhug' mo, we' re: tin" ra" ga: ta"40 kyo" ra". – Ai mae" dagau: wa nhag' myid madin" ra" ce: amyu" mae khyaid yu: ru qo" geshao: ga: gepaung: kai: dao: kheim: khyo" sagso: kham: mung: ta" peim" ngaug:41 yu: ra". – Ai: dao: re gyo" khae: yu mo, wa Babtizan: re khae: yu mung: ai: ba re byu sam taung kho: phung: mae laung" lo:42 ako". – Ai jham wa logyo: qe mho" shid' dao: re khae: yu: ru , phaung ham: ru , cinmain" phai" ru , jhaung: mho' ru jham re khyao za: zaui: so: mung: na: ako".43 Byu alhab' wa gyaug; din: ru bo gemung: logyo: qe wa ve, lho myo: sho' mug' pho" mau" jham re lho: qhu" ako". –44 Lam khug mo, alhab' bam wa dazhain dathaui: za: na: bam gemung: yao: yaug yao: mae qo" ra" zai jham re ceim" myho"45 ci: ako". – Yao: yaug yao" zai jham re aung: yang: myaung sho" ru mae qu" yang: gae:46 myho" byid' mau" re zaui" ako". – Ai bam re: pa" jhaung: qe, mae ne , qug: khyao za: daqam: daqhi na mung: yao: bam yao" yham mae cinmain" khyoe' phai" mung: nhag' lam: phyu za: ngaui bau: myid we' zo: ja: re daga" ceim" qhain: zo" ako". –47 Mo"so rere: caung: khin" zo" byu alhab' bam: qhid' mae shaolho" nga: qo" ra" mo, boe" ako". Khyaid' yu: ru qo" ra" mo, re ne, qug; Mo"so wa phung: vhao" yu nhao: ra".