1 Ai: au: Yerusalem: mae jo; ra" phung: qe gyai pyam" yhin" ru phau: gemung: logyo: qe mae" je yang: phung: vao byu alhab' bam wa Yuda, mang: , Samari mang: jo, qo khyi" khao: ngo" khyo byo: myi" lo"2 ra". – Tarha" phug' cao" mo, wa Stephain: re shaung: nyhab' ke' mung: kaug' qhui3 ngug byid thug' ako". – Sho" lu wa yham khao: ngo" vao yang: yaug gai myiqe: alhab' bam: re kyam: xao" mung: phung: re phyo'4 na: ra". – Aimung: jo, qo khao: ngo" khyo byo: myi" lo" ra" lam khug mo, wa joe" ra" jo, qo khao: ngo" mae cao" ta" hau" ako".5 Philibu wa Samari vomo" khyo ye: mung: Khristu: akhyo hau" kyo" ra". –6 Ham phaung mae bo: bo mo, the' gyo" yu gemung: Philibu qhu" ra" ve, lho aja: ja: re myao yang: yao"dao: re daqam: daqhi tae"7 gyo" na: bam: ako". – Pe" mung: ga" re yui vao: jaung" ra" ai bam: akhug mae" yui wa gyai phin" ra" thoe we' zag hug' mung: thug' lo" ra". Gaung maqo" lab mo, khyid magai mo, alhab' bam: re: azhao: mae" ru:8 dam: gai: lo ko" ra". – Ai: vomo" byu qe wa gyai yao: ngaui bau: ngaui lho" ako".9 Simon mang: ra" byu dayaug wa ai: vomo" mae ba: vha" ra" juyi kaid' qhu" mung: ngo wa mageim" za" byu mangaid: ga: Samari byu qere mug' nae" khyo: kaid'10 qhu" ra". – Ade, zoshao alhab' bam re: ce: yaug wa Mo"so mae" gekai: lai:phung bao ngaid:ra" ga: mung: ai: yaug: dao: gyo" cao"11 na: ako". – Yao" dao: gyo" cao" na: ru wa yao: bam mug' nae" qae: ai: yaug yui dae: juyi re gyai myao" mae" lhaung" vha" na12 va" mung: ngaid: . – Philibu wa Mo"so: mang: din" we' Yesu mang khyao: akhyo ngaui bau: lau dao: re hau" kyo: mung: ai bam lam khug: lo yang: yaug gai myiqe: qe13 wa Babtizan: khae: yu: ako". – Simon re: yao: za: yao: lam khug: lo yang: Babtizan: re khae: yu mung: Philibu thao cao" qin" ra" mathao mug' pho" Mo"so: phung bao ve, lho jham re myao mung: qu" myid mug' pye' ra".14 Samari vomo" byu qe Mo"so: mung dao: re khae: yu va" ga: Yerusalem: mae na: ra" logyo: qe lau dao: the' gyo: lao" Petru we' Yohan tao re nhao: ke' ako". –15 Ai: vomo" byu qe wa AsAng Yesu mang khyao: mae Babtizan: re shi" za: lhau"16 khae: yu: to" ru yang: – Khoyaug; adao mae re: shao-gyang" Solo magyo" li" shi: mung: logyo: tao joe" ye: gelao" Solo re qo" khae: yu nae" khyo: ai: vomo" byu qe17 tau: mae" jhaung: mho' ako". – Ai bam: adao mae lo, kai: byid: mung: shaogyang"18 Solo qo" khae: yu: ako". – Logyo: tao lo, kai: byid' ra" khyo" yang shaogyang" Solo gyo" li" rure Simon myao lao" ngaui yu: li"19 yang: – Getau byu qe: adao mae ngo lo, kai: byid: lao" ai: yaug shaogyang" Solo qo" khae: yu nae" tau: mae" kheim: so' qam:20 o: ngo re byid: gela, ga: mho' ra". – Petru wa Mo"so: jeju re ngaui: yang vai nae" tau" yaung: ra" mathao: yang nao we' daga" ni" ngaui qeim: zae" byaug; ru qhug'21 shao: . – Nao wa ce: mau" we' mala" yaug ngaid: ra" pe" mung: ga" re ni" nhag' lam: wa Mo"so: qhid' kheim: mae dang main"22 ru majo, shi: . – Aimung: nao mae ana" anyain: avho: boe" rure nhag' lam: atha" qo" wa, se, ni" nhag' lam: mae myid: ci: ra" qobo re lhoe' byid: nae" tau: Mo"so re23 mho' bain: wa, – Nao wa suve, ze nhag' gyid' ra" myid: yang magai: qobo khug mae24 yam: qin" rure ngo myao va". – Simon wa naonhaung" mho ko" dao: keim: daja: re: ngo mae mazao" veshao: apyaid ato: Mo"so mae nga" tau: mae" jhaung: bo: bao" mho' gela, ga: dam: ta"ra".25 Logyo: tao re: sagso: kham mung: AsAng Mo"so: mung dao: re bin: hau" kyo: yang: Yerusalem: vomo" khyo lai: lo" au" Samari vo mae re: ngaui bau: lau dao: re hau" kyo" ako".26 Dalhang apyaid ato: Mo"so: mug: logyo: wa Philibu re nao to" mung: Yeru- salem: vomo" mae" Gaza: vomo" khyo ye" ra" seyo khyo mae" qid bang: khyo ye: wa, ga: mho: ru we' dakhyo: Philibu re: ye" lo"27 ra". – Ai: au: Etiopi mang: re ug: ra" zug: phyid' Kandake mae phung qi: nga: qo" ra" su, zai yo jo, nho" zam" ra" Etiopi mang: byu dayaug wa caung: pa" nae" ga: Yerusa-28 lem: khyo ye" ra". – Yelhang" tug' lo mung: yao" lhin" mae jui" lo" zo" re" lapa Esaia jham: re nghe' qu" ra".29 Solo zo: re: ai: lhin" khyo te' ye: mung: ye bobo: wa, ga: Philibu re myo, myhung"30 byid: yang: – Philibu wa lhin" khyo tao" ye: mung: lapa Esaia jham: nghe' na: rure gyo: lao" lase" ba: gyo" i"? ga: myid' ra". –31 Ai: agyi pho" wa ta" sho' kyo" byu mabo re khoru: qo" ba: gyo: nae"? ga: ta" mung: yao: we' daga" Philibu lhin" mae bo jui: nae" tau: khai: ra".32 Nghe' na: jham: dao: wa se' pye' nae" she: ye" lo" yao nau" ru: yao: re jhui" ye" lo" mung: yao nau" wa yao mug' qaug yaug; qhid' kheim: mae mamyang lo: na: re" ru: yao: wa nhaid' pyid' ci: ra".33 Nyham: khyo" byid' na: au: su wa ai: yaug re madang main" ra" khyo" pyam" veko". Ai: yaug: kao re myid gaung dao mae" qab; yu mung: yao" byu yug gyaung: re khoyaug lam: ba: she' kyo: nae"? ga:34 jham: tung" mae the' myao: ra". – Ai: agyi pho" re: lapa wa khoyaug re qang yang: ceru: mho: to" laug i"? yao" gaung re mho nug: ru ngaid: la, su re mho nug: ru ngaid:35 laug ga: Philibu re myid' ra". – Philibu wa ai: jham: tung" mae pao yang: Yesu akhyo36 ngaui bau: lau dao: re ta" kyo" ra". – Ai ru: khyo su" na zo" qid jo; mae joe" lao" agyi pho" wa ce mae qid jo; ra" ngo Babtizan: magai: khae: yu nae" akhyo bo: ra" i"? ga:37 mho lao". – Philibu wa nao nhag' lam: alhab' we' lam: maug lam khug lao" gai: khae: yu: ra" ga: ta" ra". Agyi pho" re: Yesu Khristu wa Mo"so: yao: zo: ngaid: khyo re38 ngo lam" va" ga: khae: yu: ra". – Ai lao" lhin" re thang mung: Philibu wa ai: agyi pho" we' daga" qid khyo vao ye: mung:39 Babtizan: byid' ra". – Qid mae" thug' lo: re apyaid ato: Mo"so: Solo wa Philibu re jhui" yu: mung: agyi pho" wa ai: thao Phil- ibu re mathe' myao lo: ngaui bau: ngaui lho" ru we' yao: lo" ang: khyo lo" byaug:40 ra". – Philibu re: Azug' vomo" mae thug' li" mung: ai: vomo" mae" Kasarea vomo" joe" davo bin davo su" kam" qin" mung: ngaui bau: lau dao: re hau" ra".