1 Kesare vomo" mae Itali ga" gyetab re ug: ra" Koneli mang: ru dayaug na:2 ra". – Ai: yaug wa yao" yham mae na mo, alhab' we' daga" Mo"so: khyo mae tarha" phug' cao" mung: Mo"so re gyaug phug' na: ra" mathao: yang byu qere byid: gae mau" zaui: so: mung: Mo"so jhao" khyao3 za: jhaung: lhaung" mho' na: ra". – Dane, re" myi" thao sam yo, kho mae Mo"so: mug: logyo: wa Koneli ga: khai yang: joe" li" rure yao: wa de: de: za: lamyhung" re4 myao: ra". – Mug: logyo: re the' qu" ke' lao" gyaug; din: byaug: mung: AsAng we" pe" ru" mau" jid; thug' ra" ga: myid' ra". Mug: logyo: wa nao zaui: so" ra" jhaung: mho' khyo we' byid: gae: khyo jham wa Mo"so: qhid' kheim: mae kyao" vao lo"5 yang: xam" to: byid' ava". – Ai mung: ana" yao: Yopa: khyo byu nhao: ke' mung: Petru ga: mang asag' qo" ra" Simon re khai:6 yu wa, . – Ai: yaug wa shoqid mau" zaui: so" ra" Simon: yham mae khug: na: ra". Ai: yham wa qid dae yae mae jo; ra" ga: mho:7 ra". – Ai ru: li" ta" ra" mug: logyo: lo" byaug thao Koneli wa yao" daui daui shid' yaug we' daga" yao: mae abang mabyid vao thug' kaid' ko" mo, mae" Mo"so: khyo phug' cao" ra" sulhe: mo" dayaug re khai8 mung: . – Ai: akhyo alhab' bin: ta" kyo: yang: Yopa: vomo" khyo nhao: ke' ra".9 Thao: ne, re ai bam ye: mung: Yopa: vomo" ayae joe" vao lo" ko" au: na" gaung daxe: shid' yo, kho re Petru wa jhaung: mho' nae" ga: yham adao: pyae gin byae:10 khyo do, ye" ra". – Yao: vae: moe; yang: zo zo: nug: ra". Su geje zo nyhang" yhaung" na ko" au: Petru jhaung: mho'11 mo; lo" ra". – Mug: gaung kham: bung" lo" rure re: mai pho' we' dau: ra" pin: lung: mae byid jheim taui: yang: khyo"12 ke' rure re:myao: ra". – Ai: tau mae khyid byid khyid de; ra" gug' nyhug' we' yoe" qin" ra" ja: dao" qin" ngho' acao jab bo:13 ra". – Jhau: thug' lo: ra" dao: kheim: wa Petru to" yang: se' zo: wa, ga: thug' li"14 ra". – Petru wa magai: boe" nae" AsAng we" magai: zo" ra" ja: we' mashao: ra" ja: re ngo dalhang lao" mazo" qu" ga: mho:15 ra". – Thao: lhang dam: jhau: ra" thoe wa Mo"so shao gyang" to" ra" ja: re mashao malho" ein: damyid yu ga: dam: mho:16 thug' lo: ra". – Airu: sam lhang yao: li" bin: ta" we' ai: azai: akho re mug: gaung khyo dam: qab: to' yu: pye' ra".17 Petru wa yao: the' myao: ra" lamy- hung" pe" re mho nug: laug ga: myid: na: au: Koneli nhao: ke' ra" mo, wa Simon yham mae ca: qho: li" mung: kham: dung:18 mae ye, yang: . – Petru mang asag' qo" ra" Simon wa ce: mae mali" bang" la,? ga: li"19 yao: na: ako". – Petru wa ai: lamyhung" re myid: qu" mung: na: na: au: Solo zo: khyo" yang byu sam yaug wa nao re qho:20 na: ako" to" ye: wa, . – Getau mamyid; ngau" lo: ai bam we' daga" cao" lo" wa, pe" mung: ga" re cebam wa ngo nhao: ke' ra"21 mo, ngaid: ra" ga: mho: ra". – Petru wa gyo" ye: mung: ngo wa naonhaung" qho: ra" yaug ngaid: pe" si: bo: yang: li" ko"? ga:22 yao: bam re myid' ra". – Yao: bam Mo"so re gyaug phug' yang: Yuda byu qe: adao mae ham" hung: bo: ra" lau: gai gyetab au: she Koneli wa nao re yao" yham khyo khai mung: ni" dao: re tae" gyo: nae" akhyo: shaogyang" ra" mug: logyo: khyo" yang lamyhung" re the' myao: ra" ga: zhao: kyo" ako".23 Petru wa ai bam re yham khug khyo khai: vhao" yu mung: bang" da" ra". Thao: ne, kao re ai bam we' daga" cao" lo" ra". Yupa: vomo" byu qere: damyo" cao"24 ako". – Thao: daba re Kesare vomo" joe" mung: Koneli wa yao" ba nam cao: qere khai: zhang: yang: ai bam re myid; lao"25 na: ra". – Petru joe" lao" Koneli lham: tug; yu mung: Petru khyid qao: goe; pa" ra". –26 Petru wa yao: re lao" tau: yu zo" to" wa,27 ngo wa byu angaid: ga: ta" ra". – Airu: ta" mung: vao lo" re ham phaung: na ko" byu28 qere lo" myao: ako". – Petru wa yao: bam re Yuda, byu ga: ru wa taung bug byumyu" qe we' zam" khug te' dai" za: magai: na: rure naonhaung" ba:aveko". Aqere: ca' ja: mashao malho" ja: khag' rere: magai: zam" nae" ga: mamho genae" tau: Mo"so29 wa ngo re qhu" byid: va". – Aimung: ngo re li" khai ko" au: ngo maha lo: za: cao" li" ru ngaid: . Pe" si: bo yang: ngo re khai ko"?30 ngo myid: nug ra" ga: ta" ra". – Koneli re: ngo wa ana" ce: ayo, joe" sho' zo: shaug' jao" yang: myi" thao sam yo, kho mae jhaung: mho' na: na: ru ana" byid ba ngaid va". Ai: ayo, mae byu dayaug bao qhi: ra" bau: re ve, mung: nga" qhid' au: mae31 ye, yang: – Koneli nao mho' ra" jhaung: Mo"so the' gyo: mung: nao byid' gae: khyo32 rere: xam" to" ava". – Aimung: Yopa: khyo byu nhao yang: Petru mang asag' mang: ra" Simon re khai wa, ai: yaug qid dae yae mae sho:qid mau" zaui" ra" Simon yham mae bang" na: ra". Ai: yaug joe" li" lao" nao re ta" kyo" li" nae" ga: ta" co' ra". –33 Aimung: ngo wa nao jhao" mye, mye, byu nhao: ke' ru ngaid: . Ana" nao joe" ru gyai gai va". Ai:ru: mung: Mo"so nao re mho: ra" gu: alhab' gyo" yu nae" tau: mae" ana" ngonhaung" ce gu: wa Mo"so qhid' kheim: mae na bam va" ga: Koneli mho: ra".34 Ai: au: Petru jhau: qhid: ke' mung: Mo"so wa byu: myo, nho nga: lao: re35 makhyin ga: ta" ra". – Byumyu" cao jab Mo"so re gyaug phug' na mung: tarha" vao: khyo: zaui: so" yaug wa yao" qhid' kheim: mae myo, nho qo" rure ngo the'36 myao va". – Gug; mang: dae re qo" ug gam: ra" AsAng Yesu Khristu khyo" yang yaug yo: ru we' tin" ra" ngaui bau: lau dao: hau" kyo: veshao: ga: Israel byumyu" akhug khyo nhao: ke' ra" mung dao: tarha"37 we' dakhyo: – Yohan wa Babtizan: tarha" hau" kyo" lo va" rure Galile" mang: Yuda, mang: jo, qo khao: ngo" khyo hau" nhao"38 lo" rure naonhaung: ba veko". – Ai: akhyo: jham wa Mo"so: shaogyang" Solo: yang re: phung bao: yang re: Nazared' vo Yesu re xau gyain: min byid' ra" mathao: yang yao: wa Mo"so: kheim: so' we' jeju kaid' byid: zo" yui dae: yhin" phau" na mo, re myain yo nhao nae" ga: lhang: qin" ra". –39 Naonhaung" wa Yerusalem: vomo" mae re: Yuda mang: mae re: yao: zaui" qhu" lo va" gu: sagso: ngaid: veko". Ai:yaug re pyao:40 mae jin" se' pye' veko". – Sam ba ein: ba41 re Mo"so: yang taui: to" yu: ra". – Byu mo, je re maqhu" shi: mae" Mo"so jaung: nha: to" sagso: qe ngaid: ra" ngonhaung" re shi" yao" gaung qhu" byid' ra". Shid: ru mae" daui: to" li" thao ai: AsAng we' daga" za: ngonhaung" zo: shaug' ceim" qhain: zo:42 shi". – Ai: AsAng wa kao daui: na shi" mo, we' shid va" mo, re pyam" nae" ra" AsAng boe" nae" tau: Mo"so jaung: to" rure byu alhab' bam: re hau" kyo: sagso: kham ge,43 ga: ngonhaung" re khang" to: co' va". – Ai: AsAng re lam khug: ra" mo, alhab' bam: wa yao" mang khyao: khyo" yang qobo lhoe' byid' ra" jeju the' khae: yu geshao: ga: lapa qe wa ai: AsAng: sagso: qe ngaid: ga: Petru hau" kyo" ra".44 Ai:dao: kheim: ta" kyo" na: au: mung dao: re qo" the' gyo: mo, alhab' mo; dao45 mae shaogyang" Solo joe" li" ra". – Taung bug byu qe: adao mae shao gyang" Solo: jeju re vhe' gyain: byid' ra" mathao: yang nyaug phyid' kham: ra" Petru we' bobo mo, naung46 cao qe mug' na: bam: ako". – Pe" mung: ga" re ai bam wa aja: ja" myain" khyo" jhau: thug' li" mung: Mo"so re caung: khin" ko" ru47 the' gyo: geyang: ngaid:. – Ai: au: Petru wa ngonhaung" re" ru: shao gyang" Solo qhug' khae: yu: ra" cebam re Babtizan: mabyid: nae" tau: khoyaug lam: qid re qo" tam" to:48 nae" i"? ga: mho mung: – Mo"so: mang khyo" Babtizan: khae: yu genae" tau: mae" amyin" byid' ra". Ai: thao Petru re yao: bam wa ayo, myao" sho' na nae" tau: tam" ako".