1 Ai: au: khin jaung yin" wa ce: dao:2 dang: ra" i"? ga: myid' ra". – Stephain: wa mao: nhaung: myi" pho" qe tae" gyo: ge, ngonhaug" pho" Abraham wa Kharain mae manashi: Mesopotamia mang: mae na shi" au: Mo"so wa phung bao li" qhu" mung: –3 Nao na: ra" mang: we' ma" ho' akhug mae" thug' yang: ngo ceim" shid' nae" mang: khyo ye: wa, ga: Abraham re ta" ra". –4 Abraham re: Khalade" mang: mae" thug' mung: Harain: vo mae na: ra". Yao: pho" mana lo: thao re ana" naonhaung" na: ra" ce: mang: khyo ai: vo mae" byaung" li" lo:5 ru ngaid: . – Ce:mang: mae khyid lhau" nao nae" jo, qo mabyid: shi: mae" yao: we' yao: zo: myid: qe cemang: re na: sang: pye' nhao nae" ga: zoshao dayaug lao"maqo" shi:6 mae" dao: dang: to: va". – Ni" akaung aboe: su sang: ra" mang: mae bang" vo ngaid ko" ru mung: su: byumyu" mae jeim boe" ru , khang: nhau: be; yhin" ru , zin lam: byid7 yo the' phau: genae". – Yao: bam re nhao zo" na ko" byumyu" qe rere: ngo pyam" nae". Ai thao yao: bam thug' lo mung: cejo, qo mae ngo re pa" caung: ca" genae" ga:8 myo, myhung" byid' to: va". – Mo"so wa nyaug phyid' ra" li we' tin" ra" dao: thang" re Abraham re byid' ra". Ai mung: Isag' re khau thao she' ba ein: ba re nyaug phyid' ru kaid' byid' ra".Isag' yao: zo: Yaku , Yaku yao: zo: wa phug' kai: qe daxe: shid' yaug9 ngaid: ra". – Phug' kai: ajhaung qere: nhung: ra" nhag' lam: bo mung: Yoseb' re10 Egutu mang: khyo aung" ke' ako". – Mo"so wa yao: re lhaug' zaung" byid' na yang: aja: ja" qug: khai: mae" lhoe' yu mung: Egutu re ug: gam: ra" Pharod jhaung zug: qhid' kheim: mae myo, nho qo" ru we' juyi aja: ja: re byid' ra" mathao: yang ai: jhaung zug: wa Egutu mang: din" ug nae" aya: jhaung zug: vang ug: nae" aya: mae Yoseb' re11 jaung: nha: to: va". – Khanain: mang: we' Egutu mang: geim" mae bao" khug' qug: khai: joe" lo yang: ngonhaung" phug' pho" qe mae zo: nam gain: byaug; au: Egutu mang: mae gaug zo jo; ra" ga: Yaku the'12 gyo: lao". – Ngonhaung" pho" qere sao13 qhid' lhang nhao: ke' ra". – Shid' lhang ein: lhang wa Yoseb' khyo" yao: yao" akhyo re yao: mao: qere ada" jo, sho' kyo: mung: Pharod jhaung zug: wa Yoseb' amyu" re ba14 se" lo: ra". – Ai: au: Yoseb' nhao: ke' mung: yao: pho" Yaku' we' byu lam: nhaid' xe: ngo" yaug ngaid: ra" yao" amyu" qere khai:15 zhang" ra". – Yaku re: Egutu mang: khyo ye: mung: yao: we' ngonhaung" phug' pho"16 qe wa shid: gain: byaug: va". – Aibam: mao gaung re she khim: vo mae" Hamo: yao: zo: bam mae" aphug' gau jho byid: mung: vai: yu: ra" lab qo mae lo: nyhab' to" ako". –17 Abraham re Mo"so dao: so: byid' to" ayo,18 dam: joe" lo: au: – Ai: amyu" re wa Egutu mang: mae Yoseb' re mase" ra" jhaung zug: dayaug tha" zaung: ba joe" sho' myo"19 laug; lo: ako". – Ai: jhaung zug: wa ngon- haung" sang: tin: cao: qere juyi bo taung" nai: sham" yu mung: zoshao qe kao maqo" daui: je" lo nae" khyo: shepye' to: nae" tau: ngonhaung" phug' pho" qere pyam" yhin"20 lo veko". – Ai: ayo, re yaung" lho" Moshe re khau myhung mung: lho" sam khye' za:21 yham mae jhui" na yang: – Ye: shepye' lhaui" to" re Pharaoh jhaung zug: myiqe: zo: ye: gaug: yu mung: yao: zo: khyo"22 mhang" khau: yu: ra". – Moshe re: Egutu mang: mae" juyi aja: ja: re xeim: yu mung:23 nhag' lam: khyid lo, qam: bo: li" ra". – Kao byid xe byang" thao Israel byumyu" ngaid: ra" yao" sang: tin: qe jhao" cao" su" kam"24 qin" ra". – Yao" sang:tin: cao: dayaug re be; yhin" ru myao lao" yao" bo: de, mung: Egutu byu re be; se' pye' mung: be; yhin" qhug' yaug re aung nhao: ra".25 Mo"so wa ceyaug: lo, khyo" ngon- haung" re khyaid' lhoe' yu nae" akhyo re mao: nhaung: qe wa ba: myid: lhang: yu veko" ga: myid: nghae" qere: ai bam wa26 maba: gyo" khae: yu ko". – Thao: ne, mae yao: cao: jho" byo; na ko" jao: khyo joe" ye: mung: nga" su tao we" , mao: nhaung: cao: angaid re pe" mung: dayaug we' dayaug27 jho" nhau" na ko" i"? ga: tam" ra". – Yham kyo: cao:re nhau" ra" yaug wa, khoyaug nao re ngonhaung" adao mae dao: phyid' byid:28 lau: de, khyo" nha: to" i"?. – Aye" nhe, Egutu byu re se' ru: ngo rere: se' nug: i"?29 ga: Moshe re ngag: ha: pye' ra". – Ai: dao: re the' gyo: lao" Moshe phao: lo" mung: Midian: mang: mae bang" vo ru: lo" na zo" zo: shid' yaug re lao" lo" myhung: yu va".30 Zin na byid xe dam: lai thao re Sina, bam khyid qao: mae myi: nga" na: thao" paung" mae apyaid ato: Mo"so: mug: logyo: wa myi: bao khyo" li" qhu" ra". –31 Aire myao: ra" au: Moshe wa mug' mung: zhaug' za: qu" nae" ga: anhae khyo te'32 ye" lo" ra". – Ngo wa ni" phug' pho" qe: Mo"so , Abraham: Mo"so , Isag: Mo"so , Yaku Mo"so ngaid: ga: apyaid ato: Mo"so: thoe qo" the' gyo" ra". Ai lao" Moshe wa gyaug: nin" ru we' mavae" qu" ngaid: ra".33 Apyaid ato: Mo"so wa ni" khyid zhaung: khyaid' wa, nao nao" ra" jao: wa shao gyang" myid gaung ngaid: ra". –34 Egutu mae na: bam ko" nga" byu qe zang: qhao" ngau" na: qug: khai: re ngo zhaug' za: ba va". Yao: bam: kaug' myain" thoe rere: ngo the' gyo: va". Yao: bam re khyaid' yu nae" tau: ngo gyo" li" va". Ana" yao: ye: wa, ngo nao re Egutu mang: khyo nhao35 nae" ga" thoe re the' gyo" ra". – Kho-yaug lam: nao re tarha" kho' au: azhao" mae nha: to" i"? ga: ha: pye' qhug' ra" Moshe re au: she nae" yaug khyaid' yu nae" yaug khyo" Mo"so wa thao" paung" mae mug:36 logyo: khyo" yang poe" ke' ra". – Ai: yaug wa Israel byumyu" qere khyaid' yu mung: zin lam: byid xe lam: lam: Egutu mang: mae, qid ne dae mae , seyo mae ve, lho mug' pho" aja: ja: kaid' qhu" ava".37 Naonhaung" Mo"so wa naonhaung" ma" ho' akhug mae ngo we' dau: ra" lapa dayaug re naonhaung" tau: mae" myhung: ke' byid: nae". Ai: lapa: dao: re tae" gyo: ca" genae" ga: Israel byu qere ta" hau: yaug wa mo, je byu mangaid: ai: Mo"she yao: ngaid: ra".38 Ai: yaug wa ma dae mae na: qin" shi" mae" ham phaung jao: mae re: , Sina, bam dao mae yao: re li" au" ra" mug: logyo: we' re: , nyhao: nhaung" phug' pho" qe we' Moshe mho: to" ra" yaug wa daga" bo: na: qin" ra". Ai:mung: nyhao: nhaung" tau: daui: na: ra" mung dao: re phug' pho" qe39 wa yao: khyo" qhug' yu veko". – Ai:yaug dao: re ngonhaung" pho" qe wa matae"40 gyo: ha: pye' mung: – Ngonhaung" re jhui" lo" nae" gyoe ngonhaung"tau: mae" kaid' wa, ngonhaung" re Egutu mang: mae jhui" she: lo va" Moshe wa khoru: boe" byaug va" rure ngonhaung" maba ga: Egutu mang: khyo tug' lo" nug: ra" nhag' myid41 we' Aron re mho: ako". – Ai: ba mae nung: lho kaid' mung: ai: alho re phaid' ngaui" ru we' yao: bam kaid' ra" akhyo mae ngaui42 pyo" nhag' dag: na: ako". – Lapa jham: mae tung" to" ru wa Israel byumyu" qe we" zin lam: byid xe gyaung: khyo mae ci: ra" gug' nyug' xeim: we' jhaung qhu" wa ngo43 re nghaui" byid' ru ngaid ko" i"?. – Naon- haung" goe; pa" nae" kaid' yu: ra" alho ein nae" Mo:lug sulho: zaung we' Rephain kyi: yui re vo; qin" ako". Aimung: Babelon: lai sho' ngonhaung" re jhui" lo" nae" ga: mung dao: bo: we' dakhyo: Mo"so wa yao: bam mae" myo, nho lhang: lo" byaug mung: mug: gaung jo, mae: jo, re lam: lo" genae"44 tau: yao: bam re shepye' pye' va". – Moshe the' myao: ra" sagso: seim zaung alho we' dakhyo: kaid' mung: ai: zaung seyo mae ngonhaung" phug' pho" qe kaid' ci45 veko". – Thao re ngonhaung" phug' pho" qe wa ai: seim zaung re labug su sang: ra" myid gaung khyo Yoshu we' daga" vo; vao: lo" ako". Ai: labug byumyu" qere Mo"so wa jhaung zug: Davi ban: mae joe" gyevo khe'46 shao" pye' byid' ra". – Davi wa Mo"so: jeju re the' khae: yu mung: Yaku' Mo"so ab' laung" nae" jao: kaid' nae" seim" ra". –47 Sholomon za: pa" jhaung: yham re qo" kaid'48 boe" ra". – Ai qere: myhao: thao" mug: gaung wa nga" tao" ngaid: myid gaung re:49 nga" khyid nao: jao: ngaid: . – Khoru" pa" jhaung: yham re nga" tau: mae" tau: yhe'50 genae" i"?. – Khoru" jo, qo lam: ngo vao: ab' nae" jao: boe" nae" i"? nga" lo, wa ce jham alhab' re phain: so: to: va" mangaid: i"? ga: pyaid da du: Mo"so: myo, myhung" re lapa qe pa: to: ko" we' dakhyo: myhao: thao" Mo"so wa byu qe: yang kaid' ra" pa" jhaung: yham mae laung" ru mangaid: –51 Nhag' lam: we' no: khye' re nyaug mabo: phyid' ra" makhyaid' nho mung mo, we" naonhaung" shao gyang" Solo re khyao za: tau: lhain" na mo, ngaid: ako". Naonhaung" wa phug' pho" qe: ave, we' dau: ako". –52 Naonhaung" phug' pho" qe mapyam" yhin" ra" lapa dayaug re: ma na. Dang main: yaug gyo" li" nae" akhyo: jham re hau" kyo: khyo shid' mo, re se' pye' ako". Ai: dangmain: yaug re yao: naonhaung" qhaug'53 byid: mung: se' pye' veko". – Naonhaung" wa mug: gaung: logyo: qe: lo, mau" khyo" khang" tarha" re qo" khae: yu veko" qere: maba: cao" pyang" ko" ga: Stephain: ta" ra".54 Ai: dao: kheim: re the' gyo: lao" nhag' lam: zhau: li" mung: Stephain: re zaui jao55 bin" zag yang: yo: veko". – Yao: wa shaog- yang" Solo byang" vin" mung: mug: gaung khyo qu" zhaug' to: yang: Mo"so: phung bao we' yao" lo, yo shaid' mae Yesu ye; na: rure56 myao lao". – Qu" ge, mug: gaung bung" lo" rure re: , Byu: yao: zo: wa Mo"so: lo, yo shaid ye; na: rure re: ngo the' myao va"57 ga: mho: ra". – Ai bam wa qam: phin: thoe mo" hug' ru we' no: khye' jhid' ci yang: yao:58 jhao" daqam: daqhi tao" ye: yang: – Vomo" taung gaung khyo she: thug' ke' mung: laug baui: yang pye' ako". Sagso: kham: byu wa yao: bam: bau: re Sho" lu' mang: ra" zolau: zo" khyid qao: mae bam: to" ako".59 Laug baui: yang pye' ko" re: Stephain: wa jhaung: mho' zo" AsAng Yesu we" nga"60 Solo qab; yu la, ga: mho' yao: ra". – Paid' thaug' thaug' mung: AsAng ce bam kaid' shaid' qobo re daxam" to: byid: ga: thoe mo" zag: hug' mung: kao gyo" lo" ra".