1 O" Tophyilu we" Yesu wa khyin: yu: va" logyo: qere Solo qam: so' khyo" yang2 pyang: to: co' thao – Mug: tho' khyo jhui" to' yu nae" ba majoe" shi: re kaid' qhu" gu: mho" shid' va" gu: alhab' re sao qhid' mae"3 jham: tung" mae ngo tung" to: va". – Shid kham va" thao re logyo: qe jhao" ba na byid xe ba lam: lam: gaung re qhu" yang: Mo"so: mang: din" we' tin" ra" akhyo jham re ta" shid' mung: yao: yao: kao so' daui: na: akhyo re gang" tang: ra" sagso: myo:4 sho' we' qhu" byid: va". – Ai: logyo: qere khai: qham: yu yang: Yerusalem: vomo" mae" mathug' lo" lo: za: pho" Mo"so: dao: so: re lao" na genae" tau: mae" pyang: to: mung: ai: dao: so: re ngo ta" kyo: yang:5 naonhaung" the' gyo" yu veko". – Dao: so: kheim: thoe ein: nae" ru wa Yohan wa qid mae Babtizan: byid' ra" naonhaung" mataung" myao" ayo, mae shaogyang" Solo mae Babtizan: the' khae: yu genae" ga: mho: ra".6 Ai: logyo: qere: zang" qham mung: AsAng Mo"so we" ana" au: AsAng wa Israel amyu" qe jhao" mang: din" re dam:7 byid: nae" i"? ga: myid: ko" ra". – AsAng Mo"so wa pho" Mo"so: phung bao khyo" yang kyang" nae" ayo, adau re qo" ba nae"8 akhang" naonhaung" mae majo, – Ai majo, shi: geqere: naonhaung" adao mae shao gyang" Solo joe" vao lo: au: re naonhaung" ai: phung bao re khae: yu mung: Yerusa- lem: mae" qhid yang: Yuda, mang: Samari mang: myid gye, thao" sho' nga" sagso:9 boe" genae" ga: mho" shid' ra". – Logyo: qe zhaug' qu" na ko" au: AsAng Mo"so wa mug: tho' khyo jhui" to' yu: ru qhug' mung: jham phyu: yang AsAng re qu" na mo, mamyao lo: sho' jhui" gam: lo" byaug:10 ra". – Jhui" to' yu: lo" rure logyo: qe wa ceim" zhaug' qu" na ko" au: byu shid' yaug phyu gyang" ra" bau: qhang ve; ci yang: logyo: qe: ayae mae thug' li" lo mung: –11 Galile" byu qe we" pe" mung: mug: gaung khyo nghae" qu" na ko" i"? naonhaung" we' gao: mung: mug: gaung khyo jhui" to' yu qhug' ra" Yesu wa naonhaung" myo, dae: mae mug: gaung khyo lo" byaug: re" ru: dalhang dam: gyo" li" nae" ga: mho: ra".12 Yerusalem: khyo lo" nae" dug no: ba daba za: akyo lo: yang: Zhainlun ga: mang: ra" bam mae" Yerusalem: vomo"13 khyo logyo: qe lo" ko" ra". – Joe" lo" ko" au: Petru , Yuda , Yohan , Andare , Phili- bu , Thoma , Batholame , Mathe , Alaphe yao: zo: Yaku , Simon: Zelug' , Yaku yao: nhaung: Yuda jham wa lhaung" bang" ko"14 dao: zhao" qe , khyo do , lo" ako". – Yao: bam alhab' Yesu yao: myhi" Mari mae" du myiqe: qere: yao: nhaung: qe we' re: dajham dathaui: qam: ke' yang: jhaung:15 mho' zo" na: bam ko" ra". – Ai: au: byu lam: dayo: shid' xe: logyo: qe: agaung:16 mae Petru wa to" mung: – Mao: nhaung: qe we" Yesu re taung: ko" mo, jhao" ceim" shid' ra" YudaSakarud' re zhaug' yang: shao gyang" ra" Solo wa jhaung zug: Davi nhaid' khyo" ta" to: co' va" jham: tung"17 we' dakhyo: dang: lo: ava". – Ai: yaug wa ngonhaung" mae bo: nghe' leim" ru qhug' mung: phung: akhug mae mho"18 pho" khyo" khae: yu va". – Ai: yaug wa tarha" mavao: khyo" qo" ra" ngaui: yang: myid gaung dacug' re vai: to: thao mug: kha lhao: kyi" lang: mung: vae: dug: thaid'19 au baug; go, mung: shid: byaug va". – Ai: akhyo re Yerusalem: vomo" mae na ko" mo, alhab' bam: ba mung: yao: yao" myain" khyo" yang ai: myid gaung re Akeladama ga: mhang" ako". Lase" wa sa: myid gaung20 ga: mho: ru ngaid: . – Caung: khin" jham mae bo: ru kam" yao" na jao: wa byu sheim manae jao: khag' re: mana: ra" jao: ngaid shao: . Yao" khu mae re: getau dayaug qo" na: lo" shao: ga: tung" xam" to" ra".21 Ai mung: Yohan Babtizan: byid' ra" ayo,22 mae" qhid yang: – AsAng Yesu ngonhaung" we' gao: mung: mug: tho' khyo jhui" to' yu: bana joe" sho' naung cao qe we' daga" vao thug' kaid' na: ayo, athaung: gu: mae ngonhaung" we' zam" gao: mung: mug: tho' khyo jhui" to' yu: bana joe" sho' naung cao qe we' daga" vao thug' kaid' na: ayo, athaung: gu: mae ngonhaung" we' zam" na ra" ru mae" dayaug yaug wa ai: AsAng daui: to" ra" akhyo re hau" kyo: mung: ngon- haung" we' daga" sagso: kham: yaug boe"23 ca" ga: Petru ta" ra". – Bashaba ga: mang mung: Yugtu ga: mang asag' qo" ra" Yoseb24 we' Mati re jaung: nha mung: – Ce:khyo:25 ga: jhaung: mho' ako". – Byu alhab' bam: nhag' lam: re ba: ra" AsAng Mo"so we" , Yuda Sakarud' wa yao: yao" na jao: khyo lo" nae" tau: phung: mho" pho" azhao" logyo: azhao" mae" qui" lai: lo" byaug va" mung: ai: aya: re khae: yu nae" tau: mae ce:shid' yaug mae" khyin: thug' ceim" qhu"26 la, ga: jhaung: mho' ako" – Yao: bam Pha" se: khyo" yang: khyin ko" re Mati jhao" ang mung: daxe: dayaug logyo: qe mae bo nghe' leim" yaug boe" lo: ra".