1 Taung gaung mae qo" joe" lao" ai: gogyo: kao" wa Malita gogyo: kao" ngaid:2 rure ba: ra". – Mug: qu: ru we' gyo; nin" na: ru ai mae" byu qe myao gemung: myi:3 maid byid; lham: tug: yu: ako". – Aiau: Po"lu thao: kyao: jham re gaug: zhang: mung: myi: mae ke' ngha" ke' au: lhao maui dadau: wa laung yang: thug' li"4 mung: yao" lo, bin" zag: ci: ra". – Aimae na ko" byu qe myao lao" ce:yaug dang dang byu se' yaug ngaid: ra". Qid dae qug: khai: mae" loe, qere: kao daui nae" tau: tarha" wa yao: re akhang" mabyid; lo: ga:5 yao: cao: jho" ta" ako". – Po"lu wa lhao maui re myi: mae ko: khyo" ra". Yao: re:6 pe" no maboe". – Yao: dagaung geim" qae" li" nae" dazab mae yao: lang" lo" li" nae" ga: jho yang: yao: bam wa gyai myao" sho' qu" mug' na ko" qere: yao: yao: mae ai ru" ru daja: re: boe" thug' li" ru mamyao lao" myid: phaug' mung: ceyaug wa yui:so ngaid: ra" ga: ta" ako".7 Airu: boe" ra" jo, qo we' mataung" va" ru mae Publi mang: ra" gogyo: kao" mug: mae lau: de, pho" yham jo; ra". Ai: lau: de, pho" wa ngonhaung" re khae: yu mung: sam ba: geim" gelho: za: caung da"8 ra". – Publi yao: pho" wa gaung laung no we' vae: ne sa: sheim no no: lang" jo; ra". Po"lu wa yao: jhao" vao ye: mung: lo, kai:9 jhaung: mho' yang: no gai byid' ra". – Airu: kaid' byid: mung: ai: gogyo: kao"mae" no mau byin: qo" mo, alhab' li" mung: no gai:10 byaug; ru qhug' khae: yu: ako". – Yao: bam wa jhaung qhu" myo: sho' byid; mung: ai mae" lha dam: jui" thug' lo: au: ngon- haung" mae ca" qo nae" zo: nam lha mae byid' ke' ako".11 Lho" sam khye' myao" thao yui: zo: zam lho de; ra" ai: gogyo: kao" mae gyo, yo, na: lai co' qu" va" Alexanda qid lha mae ngonhaung" vao: zaung: thug' lo: bam12 va". – Ai mae" Surakhu vomo" joe" mung:13 sam ba lo" thang: na: . – Ngonhaung" ai: vomo" mae" dam: lo" mung: Rejin mae joe" ra". Ai: mae daba na co' thao qid bang: la hug' lo yang: shid' ba re Poteolig mae joe"14 ye: va". – Ai: vomo" mae mao: nhaung: qe damyo" we' qhug' mung: nhaid' ba na co' gela, ga: yao: bam mho' vhao" geyang: bo na co' va". Ai: thao Roma khyo gyaung:15 xo' su: va". – Roma byu mao: nhaung: qe ngonhaung" li" ra" khyo re the' gyo: gelao" tug: yu nae" ga: Agi gai jao: we' bang" thang jao: sam jo, qo joe" li" lo: ako". Po"lu yao: bam re myao lao" Mo"so re caung: khin" mung: qam: yu: ra".16 Ana" ngonhaung" Roma mae joe" vao lao" gyezug: pho" wa kyam: lhaung" qhug' mo, re yao" gaung lhaug' ade, qe jhao" bo nhao: ke' mung: Po"lu wa sin: zo: laka qe we' daga" gethaung: sain za: na nae" akhang" qo" yu: ra".17 Sam ba lai thao Po"lu wa Yuda byu qe: ade, qere khai: zhag' mung: mao: nhaung" qe we" ngo wa Yuda byu qe rere: mashaid' phug' pho" qe: li rere: mashaid' ru Yeru- salem: vomo" byu qe wa ngo re kyam: lhaung" mung: Roma byu qe: lo, khyo dai"18 ke' ako". – Roma byu qe ngo re qobo ca: qu" ko" au: shid main" ra" qobo daja: rere: mathe' myao mung: nhao: nug: veko". –19 Ai: akhyo re Yuda byu qe tam" kyo" ra" au: ngo wa Siza jhaung zug: mae joe" nae" ein: ta" ru ngaid: aru: ein: mho: ru wa nga" byumyu" qere qobo vhin nae" ein: mho: ru mangaid: . Ai:mung: naonhaung" re myao yang: li" qhug' genae" tau: ngo khai: ke' ru20 ngaid: . – Israel qe: myid; nghae" ra" akhyo: mathao: yang ngo ce: jao co" yang taui" to"21 ru qhug' ra" ga: ta" ra". – Alao" yao: bam wa ni" akhyo Yuda mang: mae" tung" khye' re: maqo" yu magai: ra" lau dao: ni" akhyo22 lau mamho ko". – Ngaid qere: ce: gye kaid' dao: re jo, qo khao: ngo" mae boe" myi" na: khyo ngonhaung" qo" ba: ra". Nao myid; to" akhyo rere: ngonhaung" gyo" qu" nae" tau: ta" kyo: la, ga: mho: ako".23 Yao:bam Po"lu we' jho" qhug' nae" ba na dang: to: mung: yao: bang" na: ra" yham khyo byu myo: sho' ye:ham: na: bam: ako".Yao: wa ne, seim mae" myi" joe" sho' Moshe: tarha" we' lapa qe: dao: kheim: mae cao" yang: Mo"so: mang: din" we' tin: mung: sagso: kham zo" Yesu akhyo yao: bam re ta" peim: sho' kyo" lao" ngaug; yu:24 ra". – Damyo" wa Po"lu dao: re lam" ako". Damyo" kam" malam" ko".25 Aire" ru: yao: cao: majho" dau lo: phai shai" ru we' lo" byaug; ako".Byo: lo" ko" au: Po"lu dao: dakheim: cao" pin: ke' ru wa shaogyang" Solo khyo" lapa Esaia mho: to" dao: kheim: atae wa ,26 Naonhaung" wa the' gyo: ko" ngaid qere: lase" no, re maba: gyo: ko". Qu" na ko" qere: mathe' myao genae" ga: ai: byumyu"27 na: khyo ye: mung: ta" wa, . – Pe" mung: ga" re yao: bam myo, mamyao no: magyo: nhag' lam: pe" so: mase" ave, matha" lai: lo: yao:bam: no dae ngo maqo" gai byid: byid; wa yao: bam nhag' caid' jo, yang: no: re: jid yang: yao: yao" myo, jid' re: cam" na: bam: ako" ga: ngonhaung" phug' pho" qere zhaug' za: ta" to: va" ga: mho: ra".28 Aimung: Mo"so: khyaid' yu: ra" je ju re taung bug byumyu" qere byid' pye' ru ngaid mung: yao: bam tae" gyo" gaug; yu genae-29 va" naonhaung" ba: to: ge, ga: – Po"lu ta" ke' thao Yuda byu qe su" lo" mung: yao:30 cao: myo: sho' jho" ta" ngag; ako". – Aithao Po"lu shid' zin lam: lam: yao: ngho" to" yham mae na yang: yao: jhao" li" mo, alhab'31 re khae: yu mung: – Khag' re: yao: re. matam" to: lo: Mo"so: mang: din" akhyo: re bao bao ta" hau: mung: AsAng Yesu Khristu: akhyo re mho" shid' yang: na: ra".