1 Ai: ayo, mae naung cao qe myo" laug: lo veko" yang: ne, khao: ngo" da" zho" ra" au: Helini cug' mo" qere mazho: majhaug' yang: ai: byumyu" qe wa nyung: lo gemung:2 Yuda byu qere qobo vhin: ako". – Ai: au: daxe: shid' yaug ngaid: ra" logyo: qe wa naung cao qe alhab' re khai: yu yang: ngon- haung" wa Mo"so: mung dao: hau: mau" re to: mung: zo gai" mae da" zho: jhaug' ra"3 mau" zaui" na: re wa madau. – Ai mung: mao: nhaung: qe we" , Solo qam: o: we' juyi jab byang" ra" nga: qo" gin bo: byu nhaid' yaug naonhaung" akhug mae" qho ge, ce: mau" re vin vo; nae" tau: ai bam re qo vhin:4 to: nae". – Ngonhaung" wa jhaung: mho' mung dao: hau" kyo" ru jham re khyao za:5 zaui: so: nae" ga: ta" ako". – Ai: dao: re ham phaung byu alhab' gyo" ngaui geyang: lam khug: khyo mae re: shao gyang" Solo mae re: byang" jab; ra" Stephain: , Philibu, Pyok- hora , Nikano , Timung , Pamena, Yuda phung: vao byu Antioki vo byu Nikola bam6 re khyin: yu mung: – Logyo: qe: qhid' mae nha: to" ako". logyo: qe wa yao: bam: re7 lo, kai: jhaung: mho' byid' ako". – Mo"so: Sosu na mau" wa ce"je" lo" yang: Yerusa- lem: vomo" mae naung cao qe je; laug: lo gemung: khin jaung myo: sho' mo, re: tae" gyo: lam khug lo: ako".8 Stephain: wa jeju we' re: phung bao we' re: byang" vin" yaug mung: qi" thao" mug' pho" ve, lho jham re byu qe: qhid'9 kheim: mae zaui" qhu" ra". – Ai: au: khyaid' lhoe' phung: vao mo, Kureni mang: byu, Alexandru mang: byu , Kiliki mang: byu , Asia mang: byu qe damyo" wa to" mung: Stephain: we' jho" ngag ko"10 ra". – Yao: hau" kyo" ra" juyi we' Solo re11 maqo" aung ko" ngaid: ra". – Ce:yaug wa Moshe rere: , Mo"so rere: lhoe" mung: ta" ra" rure ngonhaung" the' gyo: va" ga: sagso: bo lhau" kham nae" byu re sae za:12 khai: nha: to" ako". – Madang: ra" sagso: kham nae" byu qere khai mung: ce: yaug wa shao gyang" ra" jo, qo we' khang" dao: tarha" re lhoe" mung: khyao za: mho"13 phyo' na: ra". – Ai: Nazared' vo Yesu wa ce: jo, qo re phyo' pye' mung: ngonhaung" re Moshe qhaug' byid' ra" tarha" jin kham14 jham re lhai" pye' nae" ga: – ce:yaug mho: rure ngonhaung" qo" the' gyo" bam va" ga:15 sagso: kham: ako". – Tarha" qe, do, mae zaung: na ko" mo, wa Stephain: re zhaug' qu" na zo" yao" myo, nho wa mug: gaung: logyo: ru: boe" ra" ga: jho: ako".