1 Taung bug byu qe wa Mo"so mung dao: re khae: yu: aveko" ga: Yuda, mang: mae na: ra" logyo: qe we' mao: nhaung: qe2 the' gyo" ako". – Petru Yerusalem: khyo joe" do, lo" au: nyaug phyid' kham: to" ra"3 mo, wa – Nao nyaug maphyid' ra" mo, we' daga" pe" mung: zam"? ga: qobo zhaug'4 ako". – Petru wa ai: akhyo jham: aqhid5 athao" sho' kyo" ra". – Ngo Yopa: vomo" mae jhaung: mho' mo; lo" re mug: gaung mae" byid jheim mung: ra" mai pho' ru" ru daja: thug' li" ra" lamyhung" ngo the' myao:6 ra". – Ai re zhaug' qu" ke' re myid gaung dao mae khyid byid khyid de; ra" ja: gug' nyhug' yoe" ra" ja: we' dao" lhau ngho' zo:7 jham bo mung: myid: qu" na: re – Petru se' zo: wa, ga: ngo re jhau: ke' thoe re the'8 gyo: lao" – Ngo wa magai nae" AsAng we" anyain: avho: mashao malho" ra" zo: nam dalhang lao" mazo" qu" shi: ein: ta" ke'9 ru. – Thao dalhang: dao: kheim: wa Mo"so shao kyang" to: va" ja: re anyain: avho: ein: damyid: yu ga: mug: gaung mae" dam:10 jhau: thug' li" ra". – Ai ru: sam lhang bin: boe" thao ai: zai jham re mug: gaung khyo11 dam: qab: yu: pye' ra". – Ai dazab re yao: Kasare vomo" mae" ngo jhao" nhao: ke' ra" byu sam yaug wa, ngo na: na: yham yae12 mae ye; na: ako". – Ngo getau mamyid: qu" lo: ai bam we' daga" bolo" nae" akhyo Solo zo: wa mho: ra" ce: mao: nhaung: qe khyaug' yaug re: ngo we' daga" lo" mung:13 yao: bam: yham vao ye" ru ngaid: . – Mug: logyo: wa yao" yham mae bao: thug' ye; jo, yang: nao Yopa: khyo byu nhao: ke' mung: Petru mang sag' qo" ra" Simon re14 khai wa, – Ai: Petru wa nao rere: , ni" yham mae na ko" mo, rere: khyaid' yu: ra" tarha" re nao re ta" kyo" li" nae" ga: mho co' ra" boe" lo: akhyo: re ngonhaung" re15 dam: zhao: kyo" ra". – Ngo ta" qhid: lo" re shaogyang" Solo shi" sao qhid' ngonhaung" adao mae gyo" li" ru: yao: bam: adao mae16 re: gyo" li" ra". – Yohan wa qid mae Baptia- zan: byid' ra". Naonhaung" wa shao-gyang" Solo mae Babtizan: khae: yu genae" ga: AsAng Mo"so mho: ra" dao: kheim: aire ngo17 lo" myid; beim" ra". – AsAng Yesu Khristu re lam khug: na: ngonhaung" re Mo"so jeju jhaung qhu" byid' re" ru: yao: bam rere: byid' ru mung: ngo wa pe" qhi" yaug ngaid yang: Mo"so re qo" tam" nae" i"? ga: Petru18 mho: ra". – Ce: akhyo jham re ai bam the' gyo: lao" sae za: tae" lo" mung: dang dang Mo"so wa kao so' daui nae" ra" nhag' lam: atha" qo" genae" tau: taung bug byumyu" qere re: byid' ava" ga: Mo"so: phung bao re caung: khin" ako".19 Ana" Stephain mae" qhid yang: pyam" yhin" qhug' ra" mo, wa jo, qo khao:ngo"khyo na: myi"lo" mung: Phinisi , Kupru , Antiug vomo" joe" lo" geyang: Yuda byumyu" qere za: mung dao: hau"20 kyo" ako". – Thao re za: yao: bam mae" damyo" Kupru mang: Kurenae mang: mae" mo, Antiug vomo" khyo cao" joe" lo" gemung: Yesu akhyo ngaui bau: lau dao: re21 Helani byu qere hau" kyo" ako". – Mo"so: lo, wa yao: bam we' daga" ngaid: jo, yang: byu alhab' bam lam khug: lo mung: Mo"so22 jhao" lhang: lo: ako". – Ai: akhyo jham re Yerusalem: mae" phung: the' gyo: lao" Antiug khyo ye: nae" tau: Banaba re nhao:23 ke' ra". – Ai: yaug joe" yang: Mo"so: jeju re myao lao" ngaui bau: ngaui lho" mung: ai bam alhab' mo, re lam khug: ra" myid we' AsAng Mo"so mae te' dai" tang: na ge nae"24 tau: qam: byid' ra". – Ai: yaug wa byu gai ngaid mung: shaogyang" Solo we' re: lam khug: khyo we' re: byang" vin" ra" mathao: yang byu qe re: Mo"so jhao" lhaung" lo:25 ako". – Banaba wa Sholu re qho au" tashu' khyo ye" ra". Myao lao" Antiug khyo jhui"26 lo: ra". – Ai tao wa dazin: geim" ai: phung: we' daga" ham phaung mung: byu qere mho" shid' qam: byid' ako". Naung cao qere: Khristan: ga" mang re Antiug vomo"27 mae shi" sao qhid' qo" khae: yu: ako". – Ai: au: re lapa qe wa Yerusalem: mae" Antiug28 khyo li" lo: ako". – Ai bam mae bo: ra" Agabu ga" yaug wa to" mung: myid gye, dalam" geim" mae moe, qam" bao" khug' phau: nae" ga: Solo khyo" yang ta" kyo" ra". Ai:bao" khug' wa Roma jhaung zug: Siza:29 Kalodi lo, khug mae boe" ra". – Ai: au: naung cao qe wa, yao: yaug yao: gai: boe" qae: Yuda, mang: mae na ko" mao: nhaung: qere abao" athaug' byid: nae" ga: -30 Nyhang" jaung ko" we' dakhyo: Banaba we' Sholu' tao: lo, khyo" phung: ug qe jhao" byid' ke' ako".