1 Ngonhaung" re Itali mang: khyo qid lha: yang: kau" ke' nae" myid; da: to: mung: yao: bam Po"lu we' daga" getau kyam: lhaung" to" byu damyo" rere: Agustu tab qao: we' tin" ra" Yuli ga" gyezug' lo,2 mae qhaug' ke' ra". – Aire Asia mang: qid dae dang" kam" mae" vomo" cao" yang: lai: jao" lo" va" Adrumuti mae" qid lha mae ngonhaung"cao: zhaung: bam va".Thesa- loni mae" Makedoni byu Arestakhu re:3 ngonhaung" we' daga" ngaid: . – Thao: ba re ngonhaung" Sidon: vomo" mae joe" vao ye: va" Yuli wa Po"lu re nhag' myain: yang: yao" ba nam qe jhao" ye: qhug' nae" we' khin: da" zho: genae" tau: mae" akhang"4 byid' ke' ra". – Ai mae" thug' lo" re la mayo" yang: Kupru gogyo: kao" mug: am:5 khyo" gau" lo" mung: . – Kiliki we' Pham- phuli mang: mae" tham: yae khyo" gau" lai mung: Luki mang: mae" Mura vomo" joe"6 bam va". – Ai:vomo" mae gyezug: pho" wa Itali mang: gau" ye" ra" Alexendru mae" qid lha myao lao" ai: mae ngonhaung" re7 vhao" ke' ra". – Yam" yam" za: gau" ye" lo" mung: ba na myao"thao Kidu vomo" we' vang" ra" khyo zo" zo" re" qo" joe" va" ein lao" La mayo" yang: Krete gogyo: kao" re lhang yang: Salamone ayae vang" vang" ye"8 lo" mung: . – Ai: nhae khyo" gyai qug' ru we' joe" ye" lo" re Lasea nhae mae" gug' ra"gau: khung: ga: mang: ra" mae qo" joe" ye" bam va".9 Bana gyai myao" byaug; va" mung: zo: shaug' jao" nae" ayo, lai: byaug yang: qid lha we' su: nae" ci" ca" lho" khye' joe"10 va" mathao – Po"lu wa lau: de, qe we" ce: ayo, mae gau" ye" lo" re wa byo; qeim: ru qhug' nae" rure ngo ba: qu" ra".Zai we' lha qi: za: mangaid: ngonhaung" kao so' re:11 seim" byaug nae" ga: ta" ra". – Ngaid qere: gyezug: pho" wa Po"lu jhau: ra" dao: tho' mae lha keim: yaug we' lha sang tao: dao:12 re gyo" ra". – Ai: gau: khung: mae gyo, yo, magai: na: lai ga: yang: dalhang dam: to" ye" lo" mung: Phinaid gau: khung: khyo joe" ye: mung: ai: mae gyo, yo, na: lai nae" myid: ngaui: ako".Phinaid gau: khung: wa Karti gogyo: kao" mae ngaid: .Ba vao qid meim we' Bavao qid bang" jheim shaid' khyo qang: ra" gau: khung: ngaid: ra".13 Qid bang" la zo" zo" mae" hug' lo yang: qo" joe" myhi shi: nae" dao" nghae" mung: Karte gogyo: kao" joe" ye" lo" bam14 va". – Ngaid qere: ma myao" re ba thug' qid meim la qam" wa ai: gogyo: kao" khyo"15 hug' lo: ra". – La qam" yang lha re lahug' zhain" lo" mung: ngonhaung" re: qam: maqo" qhao: lo: yang: la deim" zhain" lo"16 khyo bo cao" lo" bam va". – Kaloda ga" ra" gogyo: kao" angai khyo" yhoe" gau" na: re ai: lha nau" re gyai qam: ke' ru we' qo" lao"17 yu yang: . – Lha adao khyo lao" te' mung: lha re gang: sho' lao" nyhae" to: yang: taui" yang taui" ako". Surti ga" ma bam mae lo" gyae: jo, nae" gaung yug yang: la kyo pin: rere: qab lhaui" pye' mung: la hug' ra" khyo18 bo cao: lo" bam va". – La qam"saung" thin: lo mung: thao: ba re lha khug mae" xain:19 zai khyeim: shelhaui" pye' ako". – Sam ba ein: ba re lha mae" azai: akho rere: yao: yaug yao" lo; yang yu: shepye' pye' va". –20 Myo: sho' ne, ba kyi lho" jham re maqo" myao yang: la qam" bang: lhung" thin: na shi" ra" mathao ngonhaung" mae qo" loe, nae" dajhid' lao" magai: myid: nghae" lo:21 ngaid: ra". – Ana" yao: bam zo mazo" ru gyai myao" byaug va" ru mung: Po"lu yao: bam: agaung: mae ye, zo" mao: nhaung: qe we" naonhaung" nga" dao: gyo: yang: Karti gogyo: mae" mathug' ko" ngaid: re22 cera" qug' qae" re maphau: nae". – Ana" re: ngo ta" ru gyo: yang: nhag' lam: myain yo: yu ge,. Qid lha qeim: seim: byaug mae" je yang: nyhao: nhaung"mae" khag' ngaid23 qere: kao je, nae" mae majoe" nae". – Pe" mung: ga" re ngo re sang mung: ngo lam khug; ra" Mo"so: mug: logyo: wa amyi nga" nhae mae thug' lo mung: Po"lu nao sang:24 dakho: – Siza jhaung zug: jhao" qo" joe" nae". Qu" wa, nao we' daga" lha mae bo mo, alhab' Mo"so nao re qhaug' byid' ava"25 ga: ngo re li" ta" ra". – Airu: mung:byu qe we" yaug yo za: na ge, ngo re li" ta" ru boe" li" lo nae" ein: ngo wa Mo"so re khug ngha26 mung: lam: ra". – Ai qere: gogyo: kao" dajo, qo mae nyhao: nhaung" lha lo" gyae:27 jo, mung: qeim: byaug nae". – Ba na daxe: byid ba joe" ra" myi re ngonhaung" Adrea qid dae mae myung: lhang: qin" au: gae gaung: myi re bug gaung dajo, qo qo khyo jhao" lo ang va" ga: lha kau: mo, myid:28 ako". – Ai mung: qid ka" qu" ko" re shid' xe lae no; ru qo" ba:ra". Ai mae" dazab kho myao" lao" dam: ka" qu" ko" re daxe: ngo" lae za: ano, lo" ru qo" ba: ra".29 Airu: mung: laug thin dang" kam" mae thaung" zao" yu nae" sang: kho: yang: lha thao mae" jo, to' nghoe: byid lam: re khyo" ke' yang: mug: bo" nae" jhaung: mho' lao"30 na: bam va". – Lha kau: byu qe wa lha qi: mae" loe, khyo qho mung: lha au: mae" jo, to' nghoe: pye' geim kaid' mung: lha ngai31 re tham: khyo yhoe" ke' ako". – Po"lu wa gye zug: we' sin: zo: laka qere cebam lha mae mana lo: gelao" wa naonhaung" qo"32 loe, nae" mangaid: lo: ga: ta" ra". – Ailao" sin: zo: laka qe wa lha ngai she: ra" taui: jham re zhe' ‘phyid' pye' mung: lha ngai33 ai re kao" pye' ako". – Mug: bo" zo" re zo zo: genae" tau: alhab' bam: re Po"lu ta" ra". Naonhaung" daxe: byid ba lam: lam: zo34 mazo: lo: moe, shab' byaug va". – Airu: mung: zo zo: ge, wa, zo zo: lao" nyhao: nhaung" qao" zin" khyo qo" nae". Pe" mung: ga" re naonhaung" xae dakhye' lao" seim" zai mangaid: ga: qam: byid'35 ra". – Aimung: Po"lu wa zo yho' yu mung: aibam: tau: mae" Mo"so jhao" jeju caung: yang: cinmain" yho' phai" yang: zo" ra". –36 Aibam alhab' re: nhag' lam: yaug yo za: zo:37 nam re zo" ako". – Ai:lha mae bo:bo mo, alhab' bam wa byu lam: shid' yo: nhaid' xe:38 khyaug' yaug ngaid: ra". – Bin: zo" gyi: lao" yao: bam: lha seim: nae" tau: saung so cin re qid dae khug khyo pye' zaui: pye' ako".39 Myo, myao lao" pe" mug: ngaid: ru yao: bam maba qere: ma dam: dajheim qo" the' myao geyang: ai: khyo qo" joe" maqo" joe" nae" rure qham: qu" ako".40 Jo, to' nghoe: re zhe' phyid' pye' mung: nyhe' cae: re taui" ra" taui: pheim: ke' yang: lha au: mae" pin: cug' rere: la zao" nae" khyo: to' ke' mung: qid yae khyo gau"41 lo" bam va". – Ngaid qere: ma bam khyo keim" kai" ke' yang: lha au: lo" kai" jo, mung: lha thao khyo bang: lhung" thin sho'42 lo:be, yang: lha qeim: gyoe; pye' ra". – Ai: au: kyam: byu qe bug gaung khyo qhe' de, mung: sin:zo: laka qe wa phao nae" gaung yug yang: se' pye' nae" ga: myid; ako". –43 Gyezug: pho" wa Po"lu re lhoe' yu nug: yang: yao: bam myid; to" rure tam" pye' ra". Qid qhe' ba mo, wa sao qhid' gyo" mung: bug gaung khyo de; ye: geshao: ga: mho:44 ra". – Qid qhe' maba: qhe' mo, wa sag' the: dao mae we' lha mae" zai jham: dao mae zaung yang: de; lo" genae" tau: amyin" byid' ke' ra".Airu: kaid' mung: byu alhab' bam yaug yo za: bug gaung qo" joe" lo" va".