1 Aqere: Anani we' Saphira mang: ra" ni"tao kam" wa zai yo daja: ja: bin: aung:2 we' – Yao: tao myid qhug' mung: qo" ra" aphug' mae" dabam re nyham" to: mung: dabam re za: yu: li" yang: logyo: qe: khyid3 qao: mae li" to" ra". – Petru wa Anani we" nao shao gyang" Solo re mhug' vhain" ru mung: myid gaung re aung" ra" dabam re nyham" to: nae" akhyo: satain: wa ni" nhag' lam: mae pe" mung: byang" ug: nhao: ra"4 i"?. – Ai: myid gaung jo; qo re nao sang: mangaid: i"? aung: mung: qo" ra" aphug' wa yham sang: mae" ngaid: mangaid: i"?. Pe" mung: ceru: kaid' ra"?. Byu re za: mhug' ru mangaid: Mo"so rere: mhug' ava"5 ga: ta" ra". – Ai: dao: kheim: the' gyo: lao" Anani pag' lang" shid: byaug: ra". Ai: akhyo jham re qo" the' gyo: mo, wa gyai gyaug:6 mug' byaug: ako". – Zolau: qe li" mung: mao gaung re pin: cug' yang thab' mung: ye" nyhab' pye' ako".7 Ai: thao sam yo, qug kho myao" lao" yham sang myhi" wa boe" lai: lo" ra" akhyo8 re maba lo: vao: li" lo: ra". – Petru wa ce: gu: yang myid gaung re aung: ko" i"? ngo re ta" kyo: la, ga: myid: lao" ai: myiqe: wa ngaid va" ce: gu" yang za: a aung" ga: ta"9 ra". – Apyaid ato: Mo"so: Solo re lag yu nae" ga: myid: qhug' yang: ceru: pe" mung: tau" da ko"? qu" wa, ni" yham sang pho" re ye: nyhab' shaung: lo mo, kham: dung: nhae mae na: na: ru mung: nao rere: jhui" ye" li" genae" ga: mho: ra" dazab mae10 yao: – Ai: myiqe: wa Petru khyid qao: mae pag' lang" shid: byaug: ra". Zolau: qere: vao mung: ai: myiqe: shid: rure myao lao" yu: ye" lo" mung: yao" yham sang pho" anhae11 mae ye:nyhab' ako". – Phung: vao byu qe we' ai: akhyo re the' gyo" ra" mo, alhab' bam: wa gyai gyaug byaug: aveko".12 Logyo: qere: byu qe: qhid' kheim: mae mug' pho" ve, lho mau" zo" jham re qhu" ako". Ai bam alhab' mo, wa Sholomon gin byae: ga: mang: ra" jao: mae daga" za: ham:13 na: bam: ako". – Mo, je byu qe khag' re: dayaug lao" mavae" zam" ko" ngaid: ra". Ai14 qere: volo byu qe min byid' ako". – Mo"so mae lam khug: ra" yaug gai myiqe: alhab'15 bam wa phung: vao: ako". – Petru khyo su" qin" au: no de; ra" byu qe mae" dayaug yaug re yao" aqab the' gam zao" nae" tau: byu no re khyo yae khyo jhui" ye: mung: yab16 myhung: dao mae nha: to" ako". – Avai: ayae mae na: ra" vobyu qe no de; yaug yui dae: phau: yaug re jhui" li" lo zo" Yerusa- lem: khyo phaung qham: li" mung: ai: byu no alhab' wa no gai: shao" lo" ru qhug' ako".17 Aiau: khin jaung zug: we' Zaduke ngaid: ra" ai: zug: byin qham zam" cao: qe alhab' wa to" mung: myid nug' nhag' mo"18 yo" lo yang: – Logyo: qe re cam" yu mung:19 kyam: mae xao" to" ako". – Myi" re apyaid ato: Mo"so: mug: logyo: wa kyam: kham: re li" phung" mung: ai bam re khyaid' she: yu20 yang: naonhaung" lo" gese, – Pa" jhaung: yham mae ye, mung: kao daui: ra"tarha" dao: alhab' re byu qere hau" kyo: ge, ga: pyang co' ra". Ai: dao: re qo" gyo: lao" ne, seim no' no' pa" jhaung: yham khyo vao21 mung: mho" shid' dao: ta" ako". – Khin jaung mo" we' yao" mo, byu qe li" mung: tarha" qe, do, lau: de, qe we' Israel byu qe mae" kao qi: va" mo, re khai: qham mung: logyo: qere ye:jhui: nae" tau: mae" zolau:22 qere: kyam: khyo nhao: ke' ako". – Zug' daui nhao zolau: qe wa kyam: mae joe" lao" logyo: qere kyam: khug mae mathe' myao23 lo" ru ba lao" jao" tug' lo mung: – Kyam: kham: thug' gang: za: jhid' pyid' to: gau kham: mae lhaug' na mo, re: kham: dung: qhid' mae ye; zaung: na: rure ngonhaung" myao: ra". Phung" qu" re kyam: akhug mae khag' rere: mathe' myao ga: lo:zhao: kyo"24 ako". – Khin jaung mo" we' pa" jhaung: yham qu" shaung su, khin jaung ade, qe wa ai: lau dao: re the' gyo: lao" ai: mau" wa pe" ru" mau" zo" ngaid va" yha" ga: myid:25 phaid' qu" ako". – Ai: au: byu dayaug li" mung: kyam: mae lhaung" to" ra" byu qe wa pa" jhaung: yham mae byu qere phyo mho" dao: ta" kyo" na: ako" ga: li" zhao:26 kyo" ra". – Ai:au: pa" jhaung: yham qu" shaung yaug wa zug' daui nhao zoshao qe we' ye: mung: logyo: qere khang: nhau: be, khyaid' makaid' lo: khai: jhui" lo: ra". –27 Airu: khai: lo mung: tarha" qe, do, lau: de, qe: qhid' kheim: mae nha: to: mung: khin28 jaung mo" wa – Ai: mang khyao: khyo" damho"shid' ge, ein: ngonhaung" naotao re gyai yao: mho: kyo" to: va" mangaid: i"?. Ana" qu" ge, Yerusalem: vomo" mae naon- haung" ngau: mung: mo, bo: lo: aveko". Ai bam: adao mae yao" sa: gyo" gyain: veshao: naonhaung" tau" yaung veko" ga: myid' ca:29 qu" ako". – Petru we' getau: logyo: qere: byu qe: dao: tho' Mo"so: dao: kheim: je:30 gai: tae" gyo" ra". – Naonhaung" pyao: zang mae jin" to: mung: se' pye' va" Yesu re ngonhaung" phug' pho" qe: Mo"so wa31 taui: to" ke' ra". – Israel byu qere nhag' lam: atha" qo" nae" tarha" we' qobo lhoe' ra" akhang" byid: nae" tau: mae ai: yaug re qo" ug: gam nae" aya: , khyaid' yu: nae" AsAng: aya: , mae Mo"so nha: to: mung:32 yao" lo, yo lo; yang vo; to' to: va". – Ai: akhyo jham dang dang ngaid: rure ngon- haung" yao: sagso: kham mo, ngaid veko". Mo"so: dao: tae" gyo" ra" mo, re byid' gae: ra" shao gyang" Solo re: sagso: kham yaug ngaid: ra" ga: ta" ako".33 Ai: dao: kheim: re the' gyo: lao" yao: bam: nhag' lam: thug' kyao" ke' ru: gyo" zao" mung: logyo: qere se' nae" ga: yao:34 cao: jho" qham: ako". – Ai: au: byu alhab' bam: ceim" phug' ra" yaug Gamalela mang: ra" Phareshe" mho" pho" dayaug wa tarha" qe, do, mae to" ye, mung: logyo: qere taung gaung khyo dazab lhau" thug'35 nhao mung: . – Israel byu qe we" ce bam re khoru: ceim" mho" nae" ru re nyang"36 za: nyhang" myid: qu" ge, . – Pe"mung: ga" re lai: lo" va" yo, Tuda: ga: mang: ra" byu dayaug to" yang: ngo wa mageim" byu mangaid: ga: mho mung: byu byid yo kho yao" bo: bo: de; na: ako". Ai: yaug byo; qeim: ru qhug' mung: yao: re lam jang" mo, alhab' bam: wa phai shi phai khao: myi"37 lae" byaug veko" ra". – Ai: thao japhin: nghe' yu: ra" yo, Yuda mang: ra" galile" byu dayaug re: to" mung: yao" thao khyo byu myo: sho' mo, ngaug: yu: ra". Ai: yaug re: byo; qeim: khyo joe" mung: yao" thao de, mo, alhab' phai shi: phai khao: myi" lae"38 byaug veko". – Ana" re: cebam re jao" lha" gelang: yao: za: yao: na: bam vegeshao: ga: mho: ra". Ce: tau" da ce: mau" wa byu: tau" da ngaid: re qeim: byaug: li" nae". –39 Mo"so: tau" da ngaid: re kam" wa naon- haung" maqo" phyo' genae". Naonhaung" wa kheim: so' re tau: lhain: mo, maboe" nae" tau: lha" ge, wa, ga: sho' kyo" ra". –40 Ai: dao: re ceim" tae" gyo: geyang: logyo: qere khai: yu mung: be, yang: Yesu mang khyao lao: yang: mahau: mata" genae" tau:41 mae" tam" mung: nhao: ke' ako". – Logyo: qere: AsAng Yesu mang khyao khyo" yang yao: bam re qho' phyo' ru wa main: qi" ra" ga: myid: yu mung: ngaui bau: taung" za:42 tarha" qe, do, mae" thug' lo" ako". – Pa" jhaung: yham mae re: , yham mae re: , ne, khao: ngo" mho" shid' dao: ta" mung: Yesu wa Khristu ngaid: ra" ga: ngaui bau: lau dao: re khyao za: hau" kyo" na: ako".