1 Ai ru: logyo: qe wa byu qere hau" kyo" na: re pa" jhaung: yham gug: gam yaug khin jaung qe we' Zaduke" jham wa li" lo2 geyang: . – Logyo: qe byu jham re phyo mho" dao: ta" mung: Yesu mae pao: ta" zo" shid: ru mae" daui: to" khyo hau" ra" mathao: yang ai: zug: qe wa nhag' lam:3 gyo" laung: ru we' – Logyo: tao re myhag' yu yang: myi" ngaid: va" mung: thao: ne,4 kao joe" kyam: xao" to" ako". – Mung dao: gyo: mo, byu qe wa lam khug: lo mung: byu lam: ngo" taung kho bo: ra".5 Thao: ne, kao joe" lo: au: mang: zug: , au: she mo, we' jham: ba pho" qe6 wa – Khin jaung yin" Annad' , Kayapha, Yohan , Alezedu , mae" ru khin jaung boe: qe alhab' Yerusalem: mae qham phaung:7 ako". – Ai: thao logyo: tao re agaung: mae zhaung mung: naotao pe" ru" phung bao khoyaug; mang khyao: khyo" ce: mau" re8 zaui: ko" i"? myid: ca: qu" ako". – Airu: Petru wa shao gyang" Solo byang" vin" yang: byu qere ug: gam: ra" mang: zug: qe9 we' Israel lau: de, qe we". – Khyid lo, qam: nang: yaug re jeju kaid' mung: yao: wa no dae khoru: gai: i"? ga: ngotao ana" ba ca:10 qu" ru qhug' re – Naonhaung" pyao: zang mae jin" se' mung: Mo"so shid: ru mae" taui: to" yu va" Nazered' vo Yesu mang khyao: khyo" yang ceyaug wa naonhaung" myo, de: mae qao" khye' taung" ngaid: rure naonhaung" we' Israel qe alhab' bam:11 ba se" xam" to: ge, . – Ai: AsAng kam" wa naonhaung" yham zhaug' mo, khyin: pye' va" laug zang ngaid qere: lo" thao" yham jheim mae nghoe' ra" laug boe" va". Ai: AsAng mae" je yang: byu geje khag' ngaid qere: khyaid' yu: khyo maqo" poe" byid: . –12 Ai: AsAng mang khyao: mae" je mung: getau: mang khyao: daja: re: mug: gaung agyid' byu qe: adao mae ngonhaung" re qo" khyaid' yu: ra" mang khyao: majo, lo: ga: Petru wa ai bam re ta" kyo" ra".13 Aibam wa Petru we' Yohan tao: vae" ra" bun re myao mung: ba jhao: khyo mabo mageim" byu tao za: angaid: ru ba gemung:14 myid: mug' ako". – Ai thao lai: lo" va" yo, re Yesu we' daga" ngaid: rure beim: mung: re: No shao" byaug mo, wa ai bam we' daga" na ko" rure re: myao yang: jho" ngag nae"15 jao: getau mathe' myao ngaid: ra". – Logyo: tao re tarha" qe, do, mae" thug' lo" nhao16 mung: cetao re khoru: kaid' nae"?. – Yao: tao wa bao bao za: ve, lho re qhu" va" rure Yerusalem: vomo" mae na: ra" mo, alhab' bam: the' myao: ba: ako". Ngonhaung" re:17 ngag nae" akhyo mabo lo: – Ai qere: byu qe: akhug mae je yang: mamyi" je" lo" nae" tau: mae" thao re ai: mang khyao: mae pao yang: geje khag' rere: data" ge, ein: yao: tao re qi: qi: zo: nhin" ke' gelang: ga: jho"18 qham: ako". – Bin: qham thao logyo: tao re khai: yu mung: Yesu mang khyao: re lao: yang: hau" kyo: mho" shid' rure mageim:19 damho data" lo:ge, ga: mho: ako". – Petru we' Yohan tao wa Mo"so: dao: re tae" gyo" ra" tho' naonhaung" dao: je yang: gyo" cao" re kam" Mo"so: qhid' kheim: mae gai nae" magai nae" re myid: tau" ke' ge, .20 Ngo wa the' gyo" ru myao: ru jham re mahau: mata" lo: matho' na ga: yao: bam21 re mho: ra". – Ai: au: logyo: tao mae qobo dae byid: nae" akhyo mamyao yang: nhin"22 mung: nhao: ke' ako". – Khoru: ga" re no qo" gai: shao" ra" ve, lho re the' khae: yu yaug wa kao byid xe je bo: ru mung: byu alhab' mo, wa aire myao yang: Mo"so: ham" hung: re caung: khin" ko" ra".23 Yao: tao nhao: ke' qhug' lao" yao: bam: mo, thaui: na: ra" khyo lo" mung: yao: tao re khin jaung yin" we' au: she mo, lau: de,24 qe ta" ko" rure lo" ta" kyo" ako". – Aibam wa ai: akhyo re the' gyo: lao" daqam: daqhi za: Mo"so jhao" thoe mo" ke' mung: qo" ug gam: ra" AsAng we" AsAng wa mug: gaung myid gaung qid dae we' jo; ra" gu: alhab' jham re phain: phaug' ke' ra" Mo"so25 ngaid: ra". – AsAng we" byumyu" qe wa pe" mung: yang: nhag' jam: yo" na ko" laug i"?.Byu zhain mo" qe wa pe" mung: akeim mae myid: yaung: na: ko" i"?.26 Myid gye; jhaung zug: qe wa to" li" mung: mang: zug: lau: de; qe re: apyaid ato: Mo"so we' Khristu re gye kaid' nae" ham phaung: ako" ga: AsAng: jeim Davi27 nhaid' khyo" lamyhung" byid: to: va". – Ai mung: Herod zug: , Pugtiphilip zug: mae" re Israel byu qe we' taung bug: byu qe wa –28 AsAng o: ngaui: khyo cao" yang: genhae" geco' mae" nyhang" jaung: to: va" ru we' dakhyo: nyhang" nae" tau: mae" xau gyain: byid: qhug' va" zolho" zogyang" Yesu re ce: vomo" mae gye lag: lag: nae" ham phaung:29 ru wa dang: lo va". – O" apyaid ato: Mo"so we" ana" au: ai bam: kyaug' nhin" rure30 xam" yu byid: la, . – Nodae gai yo nhao nae" tau: lo, re jhoe" ke' mung: shao gyang" ra" zo: Yesu mang khyao: khyo" yang ve, lho aja: ja: mug' pho" mau" jham re qhu" byid' ra" au: re: , AsAng jeim qe mung dao: tarha" re vae" vae" za: qo" hau" kyo: nae" tau: re: bao" yu la, ga: jhaung: mho' ako". –31 Airu: jhaung: bin: mho' gethao qham: na: ra" jao: wa lab: laui" li" mung: ai bam alhab' mo, wa shao gyang" ra" Solo we' byang" ug yang: Mo"so: mung dao: tarha" re vae" vae" za: hau" kyo" ako".32 Lam khug mo, alhab' wa nhag' lam: dadang: daqhain: za: ngaid ko" ru mung: khag' re: yao: yao" zai yo re nga" re" ga: mamho lo: jo; qo" gu: alhab' re ceim"33 qhain" ci: ako". – AsAng Yesu daui: to" lo" va" akhyo re logyo: qe wa la: la: za" qam: o" yang sagso: kham mung: ai bam alhab'34 wa jeju aqi: qo" khae: yu: ako". – Aibam mae sho: jhin: byu dayaug lao" mabo. Pe" mung: ga" re yham myid gaung sang mo, wa qo" bin: aung: lao" qo" ra" aphug' re yu:35 li" lo mung: . – Logyo: qe: khyid qao: mae to" to: yang: byu qe myaung sho: ru mae qu" mung: yaug nge, re byid: gae: ako".36 Yoseb: mang: ra" gai yo nhao yaug: yao: zo: ga" ra" Banaba mang asag' logyo: qe mhang" yu: ra" Kupru mang: mae" Levi byu37 dayaug wa – Yao: sang: ra" myid gaung re bin: aung: yang: qo" ra" ngaui yu: li" lo mung: logyo: qe: khyid qao: mae li" to" ra".