1 Po"lu wa ai: lau: de, qere qu" zhaug' to: mung: mao: nhaung: qe we" ngo ana" ba joe" sho' Mo"so: qhid' kheim: nga" nhag' lam: gaung dau: mae dang main: za: na mung: qobo vhin: nae" mabo lo: sho' ngo2 cao" ye" na: ra" ga: mho lao". – Jaung yin" pho" Anani wa nhaid' mae be, ge, ga: anhae3 mae na mo, re mho: ke' ra". – Ai:au: Po"lu wa aphyu xug' to" khinqae we" Mo"so nao re be; li" nae" nao ngo re tarha" khyo" ca: qu" nae" zaung" na gau yao: re be, wa, ga: matarha" ra" khyo" gai: mho i"? ga: ta"4 ra". – Ayae mae ye; na mo, wa nao Mo"so: jaung yin" Mo"re nhang" i"? ga: myid;5 lao" – Po"lu wa mao: nhaung: qe we" yao: jaung yin" mo" ngaid: rure ngo maba nao re ug; gam: ra" zug: re nao magai: jung" gaui ga: jham: tung" mae tung" to" ra". –6 Ai: lau: de, qe mae" damyo" wa Zaduke" jham ngaid; ra" ru Po"lu qo" ba lao" mao: nhaung: qe ngo wa Phareshe" ngaid: . Phareshe" yao: zo: re: ngaid: . Shid: ra" mo, daui: to" li" nae" myid nghae" ra" akhyo: yang ngo ca: myid' qu" ru kham: na: ga: ham phaung yham mae zag: hug' ke' ra". –7 Ai:au: Phareshe" qe we' Zaduke" jham wa yao: cao: jho" ngag mung: ham phaung8 byo: sin" lo" ko" ra". – Majho" zhaung" ra" akhyo: wa Zaduke" qe wa daui: to" li" ga" ru majo, , mug: logyo: ga: ru mana , Solo ga" ru mana ga: myid: yu: ako". Phareshe" qe wa ai shid' ja: jo; ga: khae: yu: ako". –9 Yhai thoe saung" myo: mung: Phareshe" thao bo: ra" jham: ba pho" qe wa to" mung: qi: sho' jho" ngag geyang: ce:yaug mae pe" qobo rere: ngonhaung" mathe' myao. Solo khyo" ngaid , mug: logyo: khyo" ngaid yao: re ali" ta" ru wa nyhao: Mo"so re ngag; ra"10 khyo makaid' gejhao" ga: ta" ako". – Yao: cao: jho" ngag; byo, yang: Po"lu re she: khyaid' mung: atam" adau kaid' genae" re gyezug: mo" gaung yug mung: gyezo: qe gyo: ge, Po"lu re zug: ade, qe mae" jhui" she: yu yang: gyeqe, khyo dai" pye' ge, ga:11 amyin" byid' ke' ra". – Ai: myi re Mo"so wa Po"lu anhae mae thug' bao: li" yang: Po"lu dagyaug nga" akhyo nao Yerusalem: mae sagso: kham: qhu" va" ru: Roma vomo" mae re: kham: qhu" ca" nae" ga: mho: ra".12 Mug: bo" lo: au: Yuda byu qe ceim" ham mung: ngonhaung" Po"lu re maqo" se' se' wa mazo: mashaug' nae" ga: yao: yao"13 gaung re kheim: dao: ke' yu: ako". – Airu: ceim" phaung ham ra" mo, byu lam: byid14 qui kho bo: ra". – Ai bam wa khin jaung aqi: qe we' ade, qe jhao" ye: mung: ngon- haung" Po"lu re maqo" se' se' wa mazo: mashaug' nae" ein: kheim: dao: so: yu: to:15 va". – Ai mung: thao: ba re ngonhaung" we' lau: de, qe wa Po"lu akhyo re ba nug ca: qu" geim kaid' yang: Po"lu re naonhaung" jhao" jhui" gyo" lo nae" tau: gyezug: mo" re dao: pyang: ke' ge, naonhaung" jhao" yao: majoe" gyo" lo shi" re ngonhaung" yao: re se' nae" tau: mae" khyo le; mae lham:16 na nae" ga: ye: ta" ako". – Airu: khyo yae mae vho' qu" na mung: lham: se' genae" ga" akhyo Po"lu yao: ug the' gyo: lao" gye vang khug khyo ye: mung: Po"lu re ta"17 kyo" ra". – Po"lu wa gyezug: dayaug khai mung: ce: zolau: re gye zug: mo" jhao" dai" ke' wa, zhao: kyo: nae" daja: bo: ra" ga: ta"18 lao" – Gye zug: wa zolau: re gye zug: mo" jhao" jhui" ye: mung: kyam: lhaung" to: qhug' ra" Po"lu wa ngo re khai yang: nao re zhao: kyo: nae" daja: bo: mung: ce: zolau: re nao jhao" dai" ke' ra" ga: ye" zhao: kyo"19 ra". – Gyezug: mo" wa zolau: re lo; yang she: yu mung: gug' ra" jo, qo jhui" she: ye: yang: nao ngo re pe" akhyo ta" kyo: nug;20 ra" ga: myid' ra". – Zolau: zo: wa nao jhao" ne, mo" ba Po"lu re ham phaung yham khyo dai" nae" tau: Yuda byu qe myid' ca: qu" geim kaid' mung: mho' yu genae"21 ga: qham: aveko". – Aqere: yao: bam ta" khyo: dacao" wa, Po"lu re maqo" se' pye' pye' wa mazo: mashaug' lo: ga: yao: yao" gaung kheim: ke' mung: dao: so: yu: to: va" Yuda byu byid qui je khyo yae mae Po"lu re se' nae" lham: na va". Ana" yao: nao dao: phyid' lao" ce: mau" kaid' nae" yao: bam22 jin" jin" ngaid va" ga: zhao: kyo" ra". – Gye zug: mo" wa nao ngo re ceru: li" lhau" zhao: kyo" rure khoyaug rere: data" kyo: ga: ai: zolau: re pyang mung: nhao: ke' ra".23 Gyezug: mo" wa gyezug: shid' yaug khai mung: myi" gug yo , re Kesare vomo" khyo ye: nae" tau: gyezo: shid' yo , myao: jui: gyezo: nhaid' qui , lhae ci gye zo: shid'24 yo re seim" nyhang" ge, – Po"lu jui: nae" jui: myao: rere: nyhang" byid: ge, yao: re Filig zug: jhao" dai" ge, ga: mho: ke' ra". –25 Gyezug: mo" vhin: ke' ra" tung"khye'26 wa , – Kalodisi, gai lho" ra" vomo" zug: Filig re jhid' myid we' khyo" ke' ra". –27 Yuda byu qe wa ceyaug re myhag' mung: se' nae" seim" ko" au: yao: Roma byu ngaid: ru ba mung: gyezo: qe we' ye: mung: yao:28 re khyaid' yu: to". – Yuda byu qe pe" mung: qobo: yang yao: we' jho" yhai ko" ru ngo ba nug yang: yao: re jhui" yu mung: tarha" qe, do, jhui" lo" re yao: mae shid' main" qobo we' kyam: lhaung" nae" qobo29 bo yang: – Jho" yhai ko" ru mangaid; yao: bam tarha" we' tin: yang: qobo byid; jho"30 yhai ko" ru ngo qo" ba: myao va". – Yuda byu qe yao: re khug' se' nae" ga: yaung ko" ru ngo the' myao mung: yao: re nao jhao" nhao: ke' mung: qobo ca: qho: na mo, rere: ni" qhid' kheim: mae ye: jho" ta" nae" tau: yao: bam re ngo ta" ke' va" ga: tung"31 ke' ra". – Gyezug: mo" pyang: ke' khyo: gyezo: qe Po"lu re khai: jhui: mung: myi" re Antipatre vomo" khyo dai: ke' ako". –32 Thao: ba re myao: jui: gyezo: qe we' Po"lu daga" ye: nae" tau: mae" nhao: ke' mung: yao: bam wa gyetab qao: khyo dam: tug'33 lo: ako". – Myao: jui: gyezo: qe wa Kesare vomo" joe" lao" gyezug: mo" tung" khye' re vomo" zug: lo, mae byid; mung: Po"lu rere: yao" qhid' kheim: mae vhao" nha: to"34 ako". – Vomo" zug: wa tung" khye' nghe' mung: khomang: mae" ngaid: ? ga: myid: mung: Kiliki mang: byu ngaid: ru qo" ba35 lao" , – Nao re qobo qho mo, joe" li" gelao" ngo ni" mau" re sho' byid: nae" ga: ta" ra". Ai:thao re vomo" zug: pho" wa Herod' kaid' ra" yham mo" mae Polu re lhau" nha: to: nae" tau: amyin" byid' ke' ra".