1 Ai jho" yhai: qham: ra" mau" yo: lo" thao Po"lu wa naung cao qere khai mung: au" co' yang: Makedoni mang: khyo ye"2 ra". – Ai: jo, qo su" kam" lo" mung: naung cao qere nhaid' thoe: yang mho" shid' co' mung: Helini mang: khyo joe" li" lo: ra". –3 Lho" sam khye' na co' thao qid dae gau" de, yang: Shure mang: khyo ye: nae" ga: seim" na: au: Yuda byu qe magai: mau" seim" yaung gemung: Makedoni mang: khyo4 khyo" lo" nae" ga: dam: seim" ra". – Po"lu we' daga" Asia mang: khyo cao" lo" ra" mo, wa Bere vobyu Phuru yao: zo: Topataru , Thesaloni byu Arestakhu we' Sekungtu , Derabe byu Gayu , Luda byu Timote , Asia mang: byu Tacikhu we' Tayophin: jham5 ngaid: ra". – Yao: bam shi" ye" lo" mung:6 Tora vomo" mae ye:lao" na: ako". – Azuma poe ba na lai mung: ngotao Philibui vomo" mae" lha khyo" gau" ye: mung: ngo" ba ein: ba re yao: bam na: ra" Tora vomo" joe" ye: yang: nhaid' ba thang co' ako".7 Dug no: thao: ba re cinmain" phai" mung: qham phaung: na ko" au: thao: ba Po"lu gyaung: su: nae" ngaid mung: myi" gae gaung: yo, joe" hau" kyo" na: ra". –8 Ham phaung: na ko" adao: qe, mae myi:9 dam myo: sho' te' to" ra". – Utiku mang: ra" zolau: dayaug wa kham: zo: dung: anhae mae zaung: yab; mo; lo" byaug; ra". Po"lu gyai myao" sho' hau" qhang: na: au: re ai: yaug wa yab myhid' lo" mung: yham sam zhao" kai" mae" byid: gyo" shid: byaug:10 ru mae" yao: bam vo; tau: yu: ako". – Po"lu wa o khyo gyo" lo" yang ai: yaug adao mae yao" gaung deim" zag: po: vo; ci mung: dayhai ge, ce: yaug kao bo: ashi" ga: mho:11 ra". – Yao: adao khyo dam: do, lo" yang: cinmain" cug' phai" zo: mung: mug: bo" yo, joe" gyai myao" sho' jhau: co' yang: thug'12 lo" ra". – Lam khug mo, wa Kao daui shi" ai: zolau rere: jhui" lo" gemung: gyai ngaui bau" aveko".13 Ngonhaung" lam: qid lha zaung yang: qhid' khyo su" kaung: mung: Po"lu re Aso vomo" mae lao" nae" myid; ci yang: ai: vomo" khyo ye" ra". Pe" mung: ga" re Po"lu wa ai: vomo" khyo bug gaung gau: khyo" ye: nae" mung: ngonhaung" re mho:14 ru ngaid: . – Aso vomo" mae" dam: gau" lo" re thao: ba Khi-u gogyo: kao" khyo" lai: lo" mung: dam: thao: ba re Samu gogyo: kao" joe" ye" mathao: yang Mitulin15 mae yena: bam va". – Dam: thao: ba re16 Myiled' vomo" joe" ye" bam va". – Po"lu wa Pentikoti ba Yerusalem: vomo" qo" myi: joe" re joe" ga: myid yang: qam: ke' qhao mung: ye" ra". Asia mang: mae myao" sho' mana nug mung: Ephesu mae getau mano: lo: jao" lo" naeva" ga: myid; ci: ra".17 Myiled' vomo" mae joe" ye: thao Ephesu mae" phung: lau: de, qere Po"lu18 yekhai nhao: ke' ra". – Yao: bam joe" li" ko" re Po"lu khyo" ngo Asia mang: joe" ra" ba mae" ana" ba joe" naonhaung" qhid' kheim: mae khoru: na ye; ru naonhaung"19 ba veko". – Gyai nyham: khyo" ra" myid bo yang: ngug byid jhab' khyo" zo" Yuda byu qe: magai: kaid' pyi qho ko" ra" mathao ngo myid nhaung" khoe' kham zo: zo" AsAng Mo"so: mau" ngo zaui: so" ra" akhyo:20 jham naonhaung" ba va". – Naonhaung" akyu" bo: nae" ja: daja: lao" ngo manyham" to: . Byu ham jao: mae re: yham mae re: naonhaung" re hau" kyo: mung: mho"shid'21 byid: va". – Ai: mathao: yang Mo"so: qhid' kheim: nhag' lam: atha" qo" nae" tarha" re re: ngonhaung" AsAng Yesu Khristu re lam khug; ra" tarha" rere: Yuda byu Helini" byu qere sagso: kham va"ru naonhaung" ba:22 ra". – Ana" kam" ngo wa Solo khyo" yang nhag' lam: taui" to" ru qhug' mung: Yerusa- lem: vomo" khyo ye" lo" ca" va". Aimae pe"23 mau" thug' lo nae" re: maqo" ba: to: . – Ai qere: taui" to" ru we' pyam" yhin" ru: mau" jham ngo re lao" na: ga: shao-gyang" Solo wa vomo" khao: ngo" mae ngo re sagso:24 kham to" ra". – Ai qere: nga" kao so' re ngo pe" o: mabyid ngo wa dang: to" mau" zo" zaui" pin" nae" we' AsAng Yesu khyo" ngo re byid' to" ra" mau" re ngaui bau: taung" zaui: nae" tau: mae" ngaid: ra". Mo"so: ngaui bau: lau dao: hau" kyo" ra" mau" zo" re bin: kyab' sho' zaui: nae".25 Ana" ngo su" kam: mung: Mo"so: mang: din" akhyo cao" hau" qin" ru naon- haung" alhab' bam: thao dalhang nga" myo, khung: mathe' myao lo: ge nae" ein: ngo26 ba: ra". – Aimung: byu myo: sho' sa: jhin we' ngo va" loe, va" ein: ana" ba naon-27 haung" re ngo sagso: kham: ra". – Mo"so o ngaui: khyo re naonhaung" jhao" gain sho' hau" kyo: mung: mau" jham re majao" lo:28 zaui: so: va". – Aimung: naonhaung" yao: yao" gaung lha" zo" yao kyaung" re qu" gam ge, Mo"so wa yao" sa" yang vai: yu: to: va" phung: re zho: jhaug' na geshao: shao- gyang" Solo wa naonhaung" re qu" gam: na nae" tau: jaung: to: va" we' dakhyo: yao kyaung" dalam" geim" re qag qag za:29 qu" caung: na ge, . – Pe" mung: ga" re ngo mana thao makhyang" ra" zag nae jham yao qere nhag' makhyag' lo: naonhaung"30 mae vao li" genae" rere: . – Naung cao qere mho" pyag' yu nae" ga: shaid' nghung: ba: ra" dao: re ta" ko" byu qe wa naon- haung" akhug mae thug' lo nae" rere: ngo31 ba: ra". – Aimung: gam gam za: caung: na ge, ngo sam zin lam: lam: myi" na" magung: byu myo: sho' mo, re ngug byid we' mho" shid' mung: na: rure beim: ge,32 wa, . – Mao: nhaung: qe we" ana" ngo wa naonhaung" re Mo"so mae qhaug' to: va". Naonhaung" re zhaug' tang nae" re: shaog- yang" ra" mo, alhab' we' daga" naonhaung re Ma byid; nae" tau: re: qo" poe" byid' ra" Mo"so: jeju mae re: naonhaung" re ngo33 qhaug' va". – Su: ngaui hhang ve, mai bau:34 jham re ngo o: mabyid. – Ce: lo, wa ngo re re: nga" zam" cao: qe re zho: jhaug' va"35 rure naonhaung" myao: ba veko". – Airu: mung: naonhaung" wa mau" zaui: mung: qam: nang: mo, re bao" thaug' ca" ru rere: , li" byid: gae nae" lao" na: tho' qo" gae byid' ru wa je: nga: lho" ra" ga: AsAng mho: ra" dao: re beim" na genae" tau: re: aja: ja: mae naonhaung" re ngo qhu" va" ga: Po"lu bin: mho lao".36 Paid' thaug' thaug' mung: aibam alhab'37 mo, we' daga" jhaung: mho' ra". – Aibam alhab' mo, wa gyai ngug geyang: Po"lu: lang zang: mae po: de; jo, yang: yao: re38 bo: baug baug; ako". – Thao re yao" myo, khung: mathe' myao lo: genae" ga" dao: kheim" yang je: nhag' ngai: ru we' Po" lu re qid lha khyo cao" dai" ako".