1 Nga" myhi" pho" mao: nhaung: qe we" ngo qobo bain" ra" dao: naonhaung" qhid' mae ta" kyo: nae" tae" gyo: byid; gela,2 Hebre myain" khyo" ta" rure ai bam the' gyo: gelao" sae za: tae" lo" ako".3 Po"lu ta" ra" ngo wa Kiliki mang: Tashu vomo" mae khau: ra" Yuda byu ngaid; ce: vomo" mae re: Gemale mang: ra" mho" pho" qao: mae zho: jhaug' ru khae: yu mung: phug' pho" bam phug' cao" ko" tarha" gelho: ba nae" tau: mae" mho" xeim: yu: qu" va". Naonhaung" alhab' bam: Mo"so shaid' mae qam: qi: ko" ru: ngo re: qam: qi"4 ru mung: – Yaug gai myiqe: qere taui" ci yang: kyam: lhaung" to: mung: se' pye' ru mae joe" sho' ngo wa ai: phung: re pyam"5 yhin" lo va". – Airu re jaung yin" we' ade, qere: nga" shaid' mae sagso: kham: byid' ako". Yao: bam mae" tung" khye' ngo yu vin yang: Damasku vomo" bao: re dae byid; nae" tau: mae" zhang: taui" yu mung: Yeru- salem: khyo dai" nae" ein: Damasku khyo ngo do, lo" ru ngaid; .6 Ngo ye" lo" re Damasku ayae vao lo" au: na" gaung re mug; mae" qi" ra" bag bao nga" avai: ayae nyag tin" labaug bao:7 li" lo: ra". – Ngo myid gaung mae lang" de; jo; au: Sholu Sholu pe" mung: ngo re yhin" na: ga: ngo re myid' ra" thoe re ngo8 the' gyo: lao". – AsAng we" nao wa khag' ngaid: ein: ngo dam: tug' myid' re ngo wa nao pyam" yhin" na: ra" Nazared' vobyu9 Yesu ngaid: ra" ga: mho: ra". – Ngo we' daga" bobo: mo, wa ai: bo" bao re myao mung: gyaug ci" ru boe" qere: ngo re jhau10 yaug; thoe re mathe' gyo: ko". – Ai:au: ngo khyo" re: AsAng we" are ngo khyo" pe" ru: kaid' zai i"? ein: mho: re AsAng Mo"so wa to" wa, Damasku khyo ye: wa, nao zaui: so: nae" tau" da ada" zo, ai mae lham: ta"11 kyo" li" nae" ga: mho: ra". – Ai bo" bao kheim: so' yang nga" myo, jid' jid; byaug; yang: ngo we' daga" bo bo: mo, lo, she12 yang: Damasku khyo joe" ye: va". – Ai:au: khang" dao: tarha" we' dakhyo: Mo"so mae phug' na yaug ngaid mung: ai: vomo" mae na: ra" Yuda, byu alhab' mo, mae nga: bo su Anani wa ngo jhao" li" mung:13 anhae mae ye; na zo" – Nga" nhaung: Sholu myo, dam: myao: li" wa, ga: mho: ra" alao" jao" ngo re: yao: re qu" ke' mung:14 qo" myaova". – Yao: wa nao qo" myao the' gyo: va" alhab' re byu alhab' bam re ta" kyo: mung: AsAng Yesu sagso: kham: yaug15 boe" ca" ra" akhyo – Nao Mo"so o ngaui: ra" ja: re qo" ba nae" tau: dang main: yaug re myao nae" we' yao" nhaid' thug' mung dao: qo" gyo: veshao: ga: ngonhaung" phug' pho" qe: Mo"so wa nao re jaung: to:16 va". – Nao ana" pe" mung: yam" nai" na: i"? to" wa, Mo"so jhao" jhaung: mho' yu yang: Babtizan: khae: yu wa, ni" qobo jham re cid' shao: kyang" pye' wa, ga: ta" ra".17 Ai:thao Yerusalem: khyo ngo dam: lo" mung: pa" jhaung: yham mae jhaung: mho'18 na: azo" mho' mo; lo" re – Mo"so khyo" nao Yerusalem: mae" phyaid za: thug' lo" wa, nga" akhyo nao cao" hau: sagso: kham: kyo" lau dao: re ce:byu jham khae: yu genae" mangaid: ga: li" mho: rure ngo19 the' myao va". – Ngo khyo" re: AsAng nao re lam khug; ra" ai bam re ngo wa kyam: mae lhaung" to: mung: ham phaung yham mae be; yhin" ra" akhyo re yao: bam ba:20 ako". – AsAng: sagso: kham Stephain: sa: vhe' sheim" ra" au: re ngo re: anhae mae na mung: bo cao: myid vang" ru we' yao: re se' ra" mo; mai bau: jham re bo: zam: byid' lo21 va" ein: phaug' tau" ke' re – AsAng Mo"so wa ye: wa, ngo nao re taung bug byumyu" qe na: ra" jao: va" ra" khyo nhao nae" ga: ngo re mho: ra" ga: Po"lu ta" kyo" ra".22 Ai mae joe" sho' mo, byu qe tae" gyo: yang: ai: ru" yaug re myid gaung: dao mae" yu: pye' ge, yao: kao daui: na nae" mamain:23 qi" lo: ga: zag; hug' ako". – Airu: zag; hug' zo" yao: yao" mai bau: lao" khyaid' yu myid zhai: re mug; tho' khyo gag; tao" ru kaid' na24 ko" au: . – Po"lu re pe" mung: zag; hug' ko" ru re gyezug: ba nug mung: Po"lu re gye vang" khug khyo vhao" ke' ge, be, yang: myid' ca: qu" ge, ga: khang" ke' ra". –25 Shoqid taui" yang yao: re taui" jin" lo ko" au: Po"lu wa Roma byu ngaid: ra" yaug re mamyid' ca: qu" lo: gai: be; i"? ga: ayae mae26 ye; jo; ra" gyezug; re ta" ra". – Gyezug: qo" gyo: lao" gyezug: mo" re lo" ta" mung: khoru: kaid' nae" re: gelho: myid; qu" wa, ce" yaug wa Roma byu ngaid; ga: zhao:27 kyo" ra". – Gyezug: mo" wa Po"lu jhao" li" mung: nao Roma byu dang: i"? ngo re ta" kyo: la, ga: mho lao" dang: ra" ga: Po"lu ta"28 kyo" ra". – Gyezug: mo" wa ngo wa ngaui myo: sho' byid; mung: Roma byu aqo" boe" ga: mho lao" Po"lu wa ngo kam" khau: li" mae" Roma byu ngaid gau va" ga: ta" ra". –29 Ai:au: ca: qu" nae" ga: kaid' mo, Po"lu nhae mae" alao" jao" phao: lo" mung: yao: Roma byu ngaid: ru rere: Roma byu re zao" taui" shaid' ru rere: Gyezug: mo" ba lao" gyaug; nin" byaug; ako".30 Thao: ne, seim re Yuda byu qe Po"lu re pe" qobo vhin ko" ru jhaug' za: qo" ba nae" tau: yao: re taui" to" mae" pheim: ke' mung: khin jaung yin" we' mau" qham ade, qere khai: qham mung: Po"lu re khai: vhao" yu yang: qhid' kheim" mae nha: to" ako".